Navi Mumbai Crime : आधी चाकूचा धाक दाखवला, नंतर महिलेला विवस्त्र करून…, नवी मुंबईतील धक्कादायक घटना समोर

पीडित महिला घरी एकट्या असताना रात्रीच्या सुमारास आज्ञात इसमाने घरात घुसून त्यांच्यावर अतिप्रसंग केला आहे. याबाबत रबाळे पोलीस ठाण्यात अज्ञात इसमाविरुद्ध गुन्हा दाखल करण्यात आला आहे.

• चाकूचा धाक दाखवून महिलेला केलं विवस्त्र
• घरात घुसून अतिप्रसंग केला
• महिलांमध्ये भीतीचे वातावरण पसरले

सावन वैश्य, नवी मुंबई: चाकूचा धाक दाखवून महिलेला विवस्त्र करत तिच्यावर शारीरिक अत्याचार केल्याची घटना, रबाळे पोलीस ठाणे हद्दीत घडली होती. पीडित महिला घरी एकट्या असताना रात्रीच्या सुमारास आज्ञात इसमाने घरात घुसून त्यांच्यावर अतिप्रसंग केला होता. याबाबत रबाळे पोलीस ठाण्यात अज्ञात इसमाविरुद्ध गुन्हा दाखल करण्यात आला होता. सदर गुन्ह्याचा समांतर तपास गुन्हे शाखा कक्ष एक करत असताना, गुप्त बातमीदाराकडून मिळालेल्या माहितीनुसार या गुन्ह्यातील 17 वर्षीय अल्पवयीन आरोपीला 12 तासाच्या आत घनसोली परिसरातून अटक केली आहे.

नवी मुंबई शहरात आत्तापर्यंत चोऱ्या, घरफोडी, चैन स्नॅचिंग, हत्या, लग्नाचे अमिष दाखवून अत्याचार करणे, अशा गुन्ह्यांबाबत बातमी आपण पाहिली आहे. मात्र आता नुकत्याच घडलेल्या या गुन्ह्यामुळे, महिलांमध्ये भीतीचे वातावरण पसरले असल्याचे पाहायला मिळत आहे. अज्ञात इसमाने एका महिलेच्या घरात घुसून चाकूचा धाक दाखवत तिच्यावर शारीरिक अत्याचार केल्याची घटना घडली आहे. पीडित महिलाही घरी एकटाच एकटी असताना रात्रीच्या सुमारास अत्याचार केल्याची ही घटना घडली आहे.

पाटण तालुक्यातील नाडोलीत चार घरांना भीषण आग; अनेक वस्तू जळून खाक

पीडिता या रबाळे पोलीस ठाणे हद्दीत राहतात, फिर्यादी या घरी एकट्याच झोपले असताना, रात्री दोन वाजताच्या सुमारास एका अज्ञात इसमाने त्यांच्या टॉयलेटच्या खिडकीच्या काचा काढून आत प्रवेश केला. व बाथरूमचा दरवाज्याचा खालचा भाग तोडून घरात प्रवेश केला, व फिर्यादी यांना चाकूचा धाक दाखवून विवस्त्र करत जबरदस्तीने शारीरिक अत्याचार केला, व मुख्य दरवाजा वाटे बाहेरून कडी लावून पळून गेला. या घटनेबाबत फिर्यादी यांनी रबाळे पोलीस ठाणे गाठून अज्ञात इसमा विरोधात तक्रार दाखल केली होती. पोलिसांनी देखील घटनेचे गांभीर्य लक्षात घेत अज्ञात इसमाविरोधात बीएनएस च्या 64 (1), 331 (5), 127 (2), 352 यासह महाराष्ट्र पोलीस कायदा कलम 37 (1), 135 नुसार गुन्हा दाखल करून आरोपीचा शोध सुरू केला होता. सदर गुन्ह्याचा समांतर तपास गुन्हे शाखा कक्ष 1 करत असताना, गुप्त बातमीदाराकडून मिळालेल्या माहितीनुसार 17 वर्षीय अल्पवयीन मुलाला गुन्हे शाखा कक्ष एकने घनसोली परिसरातून अटक केली आहे.

या घटनेमुळे शहरातील महिलांमध्ये विशेषता एकट्या राहणाऱ्या महिलांमध्ये भीतीचे वातावरण पसरले आहे. सदरच्या आरोपीने केलेले कृत्य हे घृणास्पद असून, आरोपीला कठोर शिक्षा करण्याची मागणी नवी मुंबईतील नागरिक करत आहेत.

अधिकाऱ्याने अहवाल तयार करण्यासाठी ६ लाख रुपयांची मागणी केली

 नवी मुंबई येथून आणखी एक धक्कादायक घटना समोर आली आहे, जिथे सिडकोच्या एका अधिकाऱ्याला ६ लाख रुपयांची लाच घेताना रंगेहाथ पकडण्यात आले. जमिनीचा लिलाव झाल्यानंतर जमिनीचा अहवाल सादर करण्यासाठी ही लाच स्वीकारण्यात आली. या प्रकरणात, लाचलुचपत प्रतिबंधक विभागाच्या पथकाने सिडकोचे उपअधीक्षक भूमी अभिलेख दिलीप बागुळे यांच्यासह दोघांना रंगेहाथ पकडले. दरम्यान, मिळालेल्या माहितीनुसार, आरोपींनी तक्रारदारांकडून ९ लाख रुपयांची मागणी केली होती. लाचलुचपत प्रतिबंधक विभागाच्या या कारवाईमुळे सिडकोमध्ये खळबळ उडाली आहे आणि भ्रष्टाचाराला आळा बसेल. नैना परिसरातील एका जमिनीच्या लिलावासाठी तक्रारदारांनी सिडकोकडे अर्ज केला होता.

Bengaluru Crime : अश्लील व्हिडिओ, ब्लॅकमेल आणि सामूहिक बलात्कार…! बेंगळुरूतील एका विद्यार्थ्यांनीचा धक्कादायक प्रकार समोर