माणुसकीला काळिमा फसवणारी एक अत्यंत संतापजनक घटना समोर आली आहे. एका २२ वर्षीय तरुणीला ब्युटी पार्लरचं काम शिकवण्याच्या बहाण्याने बोलावून तिच्यावर वारंवार अत्याचार केल्याचे समोर आले आहे. हा घृणास्पद प्रकार करणारा व्यक्ती ब्युटी पार्लर चालवणाऱ्या महिलेच्या पतीने केला आहे. या गुन्ह्यात स्वतः पत्नी आणि भाऊ देखील साथ देत असल्याचे समोर आले आहे. या प्रकरणी पीडितेने तक्रार दाखल करताच पोलिसांनी तिन्ही आरोपींना अटक केली आहे.
काय घडलं नेमकं?
अटक करण्यात आलेल्या व्यक्तीचे नाव शरीफ खान आणि यास्मिन खान असं अटक केलेल्या आरोपी दाम्पत्याचं नाव आहे. पीडितेने दिलेल्या तक्रारीनुसार, ती मुख्य आरोपी शरीफ खानची पत्नी यास्मिन हिच्याकडे ब्युटी पार्लरचं काम शिकण्यासाठी जात होती. यामुळे तिचं आरोपीच्या घरी येणं- जाणं होतं. महिन्याभरापूर्वी जेव्हा ती यास्मिनच्या सांगण्यावरून तिच्या घरी गेली, तेव्हा तिथे शरीफ खान एकटाच होता. त्याने संधी साधून तरुणीवर जबरदस्तीने अत्याचार केला. तिने आरडाओरडा केल्यावर तिला जीवे मारण्याची आणि समाजात बदनाम करण्याची धमकी दिली.
यास्मीननेच दबाव टाकला
पीडितेने हा प्रकार यास्मीनला सांगितला, तेव्हा यास्मीनने पतीला रोखण्याऐवजी पीडितेवरच दबाव टाकला. “कोणाला काही बोलू नकोस, नाहीतर बदनामी होईल,” असं सांगून ती स्वतः घराबाहेर पहारा देऊ लागली आणि शरीफ आतमध्ये तरुणीवर अत्याचार करायचा.
दोघांसमोरच ओढलं खोलीत आणि…
शनिवारी दुपारी ४ वाजता शरीफाने पुन्हा एकदा बदनामीची भीती दाखवून तरुणीला घरी बोलावले. यावेळी तिथे त्याची पत्नी यास्मीन आणि भाऊ मुबीन उपस्थित होते. त्यांच्या देखतच शरीफने तिला खोलीत ओढलं. मात्र, यावेळी पीडितेने हिंमत दाखवून कडाडून विरोध केला. तिने आरोपीला जोरात धक्का दिल्याने तो खाली पडला आणि त्याच्या डोक्याला दुखापत झाली.
कुटुंबीयांना लागली कुणकुण
कुटुंबीयांनीच कुणकुण पीडितेच्या नातेवाईकांना लागताच तिची आई, वडील, भाऊ आणि काका यांनी तातडीने घटनास्थळी धाव घेतली. त्यांनी तरुणीची नराधमाच्या तावडीतून सुटका केली. कुटुंबीयांना पाहताच आरोपी शरीफ खान पळू लागला, यादरम्यान त्याला दुखापतही झाली.
आरोपी अटकेत
पीडितेने तक्रारी दाखल केली. पीडितेच्या तक्रारीची गांभीर्याने दखल घेत पोलिसांनी तातडीने गुन्हा दाखल केला आहे. या गुन्ह्यात मदत करणाऱ्या पत्नी आणि भावासह मुख्य आरोपीला अटक करण्यात आली आहे. घटनेचा तपास केला जात आहे.
Ans: ब्युटी पार्लरचे काम शिकवण्याच्या बहाण्याने बोलावून.
Ans: मुख्य आरोपीसोबत त्याची पत्नी आणि भाऊही सहभागी होते.
Ans: तक्रार मिळताच तिघा आरोपींना अटक करून तपास सुरू केला आहे.
