पाम बीच रोडवरील भीषण अपघातात तरुणाचा मृत्यू
पोलिसांनी दिलेल्या माहितीनुसार, प्रशांत जमदाडे आणि हरमन कौर हे दोघेही अपाचे स्पोर्ट मोटारसायकलवरून पाम बीच रोडवरून प्रवास करत होते. सरसोळे सिग्नल, नेरूळ येथील तसेच पाम बीच रोडवरील विविध सीसीटीव्ही फुटेजची पाहणी केली असता मोटारसायकल वेगात असल्याचे दिसून आले.
या फुटेजमध्ये मोटारसायकलच्या सुमारे 30 सेकंदांनंतर एक मालवाहू टेम्पो तसेच दोन चारचाकी वाहने निळ्या रंगाची स्कोडा कार क्रमांक MH43CQ7559 आणि मारुती सुझुकी ब्रेझा क्रमांक MH43BK8571 त्या मार्गावरून जाताना दिसून आली. विशेष म्हणजे स्कोडा कंपनीची ही निळ्या रंगाची कार नवी मुंबई परिसरात अत्यंत दुर्मिळ मानली जात असून शंभर वाहनांपैकी एक अशी मर्यादित (लिमिटेड) स्वरूपातील असल्याची माहिती समोर आली आहे. मालवाहू टेम्पो चालकाचा जबाब नोंदवला असता, केसर सॉलिटेअर समोर येण्यापूर्वी रस्त्यावर एक पुरुष व एक महिला अपघातग्रस्त अवस्थेत पडलेले दिसल्याचे त्याने सांगितले.
सरसोळे सिग्नल ते अपघातस्थळ या दरम्यान अंदाजे 700 ते 800 मीटर अंतर आहे. पोलिसांनी सीसीटीव्ही फुटेजच्या आधारे त्या मार्गावरून वेगाने गेलेल्या दोन्ही चारचाकी वाहनांचा शोध घेतला. त्यानंतर फॉरेन्सिक पथकाच्या मदतीने संबंधित वाहनांची तपासणी करण्यात आली.
सध्या स्कोडा (MH43CQ7559) आणि ब्रेझा (MH43BK8571) ही दोन्ही वाहने तपासासाठी सानपाडा पोलीस ठाण्यात ठेवण्यात आली आहेत. या संपूर्ण प्रकरणाचा तपास सानपाडा पोलीस ठाण्याचे पोलीस उपनिरीक्षक अमोल मुंडे करत आहेत.
तपासात स्कोडा चालक सागर सांडा आणि ब्रेझा चालक कृष्ण रावरीया यांना या प्रकरणात आरोपी करण्यात आले आहे. मात्र, घटनेच्या वेळी ही वाहने त्या मार्गावरून जात असल्याचे सीसीटीव्हीमध्ये दिसून आले असले तरी या अपघातात त्यांचा नेमका कितपत दोष आहे हे पुढील तपासातून स्पष्ट होणार असून अंतिम निर्णय न्यायालयातच होणार आहे.
प्रेयसीच्या फोनवरुन मेसेज आला, तरुण कोथरुडला भेटायला गेला अन्…; पुण्यातील धक्कादायक घटना
.png "Videos"){kind=small}
