दौंडमध्ये पूर्ववैमनस्यातून तरुणाची हत्या; पाण्याच्या कनेक्शनवरून पुन्हा वाद झाला अन् नंतर…

जलप्राधिकरणाच्या कनेक्शनवरून किरकोळ वाद झाला आणि तो वाढत जाऊन धारदार शस्त्रांनी हल्ला करण्यात आल्याने ही गंभीर घटना घडली.

दौंड : राजेगाव येथील दोन गटांतील जुन्या वादातून एका युवकाचा खून झाल्याची धक्कादायक घटना समोर आली. याप्रकरणी दौंड पोलिस ठाण्यात गुन्हा दाखल करण्यात आला असून, दोन आरोपींना ताब्यात घेण्यात आले आहे. याप्रकरणानंतर एकच खळबळ उडाली आहे.

पोलीस निरीक्षक गोपाळ पवार यांनी दिलेल्या माहितीनुसार, या मारहाणीत विजेंद्र भोसले (रा. राजेगाव) या युवकाचा मृत्यू झाला. तसेच या घटनेत दोन जण जखमी झाले असून, त्यांच्यावर भिगवण येथील खासगी रुग्णालयात उपचार सुरू आहेत. याप्रकरणी ऋषिकेश संजय भोसले यांच्या फिर्यादीवरून जनार्दन भोसले, महेश भोसले, योगेश भोसले, दिनेश भोसले, निलेश भोसले आणि राज भोसले या सहा जणांविरोधात गुन्हा दाखल करण्यात आला आहे. यापैकी जनार्दन भोसले व महेश भोसले यांना पोलिसांनी ताब्यात घेतले असून, उर्वरित चार आरोपी फरार आहेत.

हेदेखील वाचा : बापानेच केला पोटच्या अल्पवयीन मुलीवर अत्याचार; पुणे जिल्ह्यातील संतापजनक प्रकार

दरम्यान, फरार आरोपींच्या शोधासाठी पोलिसांनी दोन पथके रवाना केली आहेत. दोन गटांमध्ये पूर्वीपासून शेतीच्या कारणावरून वाद सुरू होता. त्यातच सोमवारी जलप्राधिकरणाच्या कनेक्शनवरून किरकोळ वाद झाला आणि तो वाढत जाऊन धारदार शस्त्रांनी हल्ला करण्यात आल्याने ही गंभीर घटना घडली. या प्रकरणाचा पुढील तपास पोलीस उपनिरीक्षक सुनील उगले करीत आहेत.

सख्या भाऊ पण पक्का वैरी

दुसऱ्या एका घटनेत, सख्या भाऊ पण पक्का वैरी अशा अनेक संपत्तीच्या वादातून खुनाच्या घटना वाचल्या आहेत. तशा घटना देखील अनेक पाहायला मिळाल्या. मात्र आता या घटनेने तुम्हाला आश्चर्याचा धक्का बसेल. वसईतल्या खाणीवडे खाणीत एक धड पाहायला मिळाल. शिरापासून धड वेगळ झालं होत. मात्र या अशा मृतदेहाचा ओळख पटवणे कठीण झालं होत. मात्र मृताच्या हातावरील गोंदलेल्या टॅटूने मृतदेहाची ओळख पटली.