A R Rahman चे शेखर कपूरच्या चित्रपटाला संगीत
बहुप्रतीक्षित या चित्रपटाबाबत अपडेट म्हणजे अकादमी पुरस्कार विजेते ए. आर. रहमान यांनी या चित्रपटातील गाण्यासाठी काम करायला सुरुवात केली असल्याच कळतंय. ए आर रहमान या चित्रपटासाठी संगीत रचणार असून त्यांनी लॉस एंजेलिसमध्ये आधीच तीन गाणी रेकॉर्ड केली आहेत. ते शेखर कपूर यांच्यासोबत या चित्रपटाचे सहनिर्माते देखील आहेत.
AR Rahman Son Accident: ए. आर. रहमान यांचा मुलगा आमीनचा कार अपघात;प्रकृतीबाबत समोर आली मोठी अपडेट
शेखर आणि रहमान यांची साथ 2002 पासून आहे जेव्हा त्यांनी लंडनमध्ये बॉम्बे ड्रीम्स या बॉलिवूड शैलीतील म्युझिकलसाठी एकत्र काम केले. शेखर यांनी अँड्र्यू लॉयड वेबर यांना बॉलिवूड संगीताची ओळख करून दिल्यानंतर या म्युझिकलची निर्मिती झाली आणि अखेरीस रहमान यांनाही या निर्मितीत सहभागी करून घेण्यात आले.
मासूम: द नेक्स्ट जनरेशन हा शेखर कपूर यांच्या आयकॉनिक ड्रामाचा नवा आविष्कार आहे. मूळ चित्रपटाप्रमाणेच, हा चित्रपट बदलती कौटुंबिक समीकरणे, ओळख आणि पिढ्यानपिढ्यांमधील नातेसंबंध यांचा वेध घेणार आहे.
‘यासारखा मुस्लिम स्टार नाही..’, ए. आर. रहमान यांच्या विधानावर इस्माईल दरबार संतापले
१९८३ मध्ये आलेला हा चित्रपट म्हणजे त्या काळापेक्षा खूप पुढचा विषय असणारा होता. यामध्ये उर्मिला मातोंडकर, शबाना आझमी, नसिरुद्धीन शाह यांनी कमालीचे काम केले आहे आणि आता पुन्हा या चित्रपटाप्रमाणेच नव्या चित्रपटाकडून चाहत्यांना अपेक्षा आहेत. ४४ वर्षांपूर्वी हा चित्रपट खूपच चर्चेत आला होता आणि त्यामुळे आता शेखर कपूर नक्की प्रेक्षकांसाठी काय घेऊन येणार याचीही चर्चा सुरू झाली आहे. त्यात भर पडली आहे ती ए. आर. रहमान यांच्या गाण्यांनी. त्यामुळे हा चित्रपट नक्कीच क्लासी असणार यात काही शंका नाही.
तसंच शेखर कपूर अनेक वर्षांनी प्रेक्षकांसाठी हा चित्रपट घेऊन येत आहे. भारतीय प्रेक्षकांची विचारसरणी आणि बदलत्या घडणीनुसार हा चित्रपट तयार करण्यात येणार आहे. याची कथा नेमकी कशी असणार याचीही उत्सुकता लागून राहिली आहे.
.png "Videos"){kind=small}
