(फोटो सौजन्य- सोशल मीडिया)
Aditya Seal Anushka Ranjan Twin Baby: बॉलिवूड अभिनेता आदित्य सील आणि अभिनेत्री अनुष्का रंजन यांच्या आयुष्यात आनंदाचं नवं पर्व सुरू झालं आहे. लग्नाच्या जवळपास पाच वर्षांनंतर हे जोडपं आई-बाबा झालं असून, त्यांच्या घरी जुळ्या मुलींचं आगमन झालं आहे. रविवारी, २३ ऑगस्ट २०२६ रोजी आदित्य आणि अनुष्काने सोशल मीडियावर पोस्ट शेअर करत चाहत्यांना ही गोड बातमी दिली.
या आनंदाची बातमी शेअर करताना जोडप्याने आपल्या दोन चिमुकल्या लेकींची नावंदेखील जाहीर केली आहेत. वीरा रंजन सील आणि माही रंजन सील अशी त्यांच्या जुळ्या मुलींची नावं आहेत. आपल्या लेकींना ‘सनशाइन्स’ म्हणत आदित्य आणि अनुष्काने त्यांचं आयुष्य प्रेम आणि आनंदाने भरून गेल्याचं सांगितलं.
जुळ्या मुलींच्या जन्माची घोषणा करताना आदित्य आणि अनुष्काने सोशल मीडियावर एक गोड पोस्ट शेअर केली. आपल्या दोन चिमुकल्या मुली त्यांच्या आयुष्यात सूर्यप्रकाश घेऊन आल्याची भावना त्यांनी व्यक्त केली. ही पोस्ट समोर येताच चाहत्यांसह बॉलिवूडमधील अनेक कलाकारांनी या जोडप्यावर शुभेच्छांचा वर्षाव केला.
इतक्या वर्षांच्या प्रतीक्षेनंतर एकाच वेळी दोन चिमुकल्या मुलींचं त्यांच्या आयुष्यात आगमन झाल्याने आदित्य आणि अनुष्काचा आनंद गगनात मावेनासा झाला आहे.
आदित्य सील आणि अनुष्का रंजन यांची पहिली भेट २०१७ मध्ये एका चॅरिटी फॅशन शोदरम्यान झाली होती. या फॅशन शोचं आयोजन अनुष्काच्या आईने केलं होतं. पहिल्या भेटीनंतर दोघांमध्ये मैत्री झाली आणि हळूहळू या मैत्रीचं प्रेमात रूपांतर झालं.
काही वर्षं एकमेकांना डेट केल्यानंतर आदित्यने ऑक्टोबर २०१९ मध्ये पॅरिसमध्ये अनुष्काला लग्नासाठी प्रपोज केलं. त्यानंतर २१ नोव्हेंबर २०२१ रोजी मुंबईत दोघांनी लग्नगाठ बांधली.
The Odyssey OTT Release: सिनेमाप्रेमींसाठी मोठी अपडेट! क्रिस्टोफर नोलनचा चित्रपट कधी आणि कुठे पाहाल?
आदित्य आणि अनुष्काने त्यांच्या लग्नाचा सोहळा खासगी ठेवला होता. या खास प्रसंगी त्यांचे कुटुंबीय आणि जवळचे मित्र उपस्थित होते. मात्र, बॉलिवूडमधील अनेक प्रसिद्ध कलाकारांनीही त्यांच्या लग्नाला हजेरी लावली होती.
आता अभिनय कारकिर्दीसोबतच आदित्यच्या आयुष्यातील एक नवा आणि खास अध्याय सुरू झाला आहे. वीरा आणि माहीच्या आगमनाने आदित्य सील आणि अनुष्का रंजन यांच्या घरात दुहेरी आनंदाचं वातावरण आहे.
.png "Videos"){kind=small}
