अमिताभ बच्चन व अभिषेक बच्चन (फोटो - सोशल मीडिया)
टायगर श्रॉफवर हल्ला झाल्यानंतर अमिताभ बच्चन हे बुलेटप्रुफ काचेतून चाहत्यांची भेट घेत आहेत. तसेच या भेटीवेळी अभिषेक बच्चन कटाक्षाने नजर ठेवून असल्याचे दिसून आले आहे. न्यूज १८ हिंदीच्या रिपोर्टनुसार, गोल्डी ढिल्लन नावाच्या एका गॅगस्टरने सोशल मीडिया पोस्टमधून अमिताभ बच्चन आणि अभिषेक बच्चन यांना धमकी दिली आहे. मात्र, या पोस्टमध्ये नेमके काय लिहिले आहे आणि या धमकीमागील कारण अद्याप समोर आलेले नाही.
अमिताभ बच्चन धमकी प्रकरणात कोणतीही अधिकृत तक्रार किंवा पोलीस प्रशासनाची प्रतिक्रिया समोर आलेली नाही. गँगस्टर गोल्डी ढिल्लन हा भारतामध्ये नसून सध्या स्पेनमध्ये असल्याचे बोलले जात आहे. गँगस्टर गोल्डी ढिल्लनचे नाव यापूर्वी गुन्हेगारी कारवाया आणि गँगस्टर नेटवर्कशी संबंधित चर्चांमध्ये समोर आले आहे. वृत्तांनुसार, गोल्डी ढिल्लनचा लॉरेन्स बिश्नोई गँगशी कोणताही संबंध नाही आणि त्याला एक स्वतंत्र व्यक्ती म्हणून संबोधले जात आहे. परिणामी, अमिताभ बच्चन आणि अभिषेक बच्चन यांना आलेल्या कथित धमक्यांमुळे या प्रकरणावर अनेक प्रश्न निर्माण झाले आहेत.
गुजरातच्या जेलमधून माफिया राज; केंद्रीय गृहमंत्रीच ही गँग चालवतात, हर्षवर्धन सपकाळांचा गंभीर आरोप
अमिताभ बच्चन यांनी केलेल्या सोशल मीडियावरील पोस्टमुळे चाहत्यांनी काळजी व्यक्त केली आहे. एक्स (ट्वीटर) वर पोस्ट करत बिग बी यांनी ‘वाचलो’ (बच गए) अशी पोस्ट केली होती. त्यांच्या या सूचक पोस्टमुळे अमिताभ बच्चन यांच्या चाहत्यांकडून काळजी व्यक्त केली जात आहे. तसेच बॉलीवूड सिलेब्रिटींच्या सुरक्षेचा मुद्दा पुन्हा एकदा चर्चेत आला आहे.
अमिताभ बच्चन हे त्यांचे निवासस्थान जलसा बाहेर चाहत्यांची दर रविवारी भेट घेत असतात. आता ते चाहत्यांची भेट घेताना सुरक्षेची विशेष काळजी घेत असल्याचे दिसून आले आहे. चाहत्यांना भेटताना ते बुलेट प्रुफ काचेमध्ये असतात. त्याचप्रमाणे वडिलांच्या मागे मुलगा अभिषेक बच्चन हा करडी नजर ठेवून असल्याचे व्हिडीओमध्ये दिसून आले आहे.
Ans: सोशल मीडिया पोस्टच्या माध्यमातून ‘गोल्डी ढिल्लन’ नावाच्या गँगस्टरकडून अमिताभ बच्चन आणि अभिषेक बच्चन यांना धमकी देण्यात आल्याचा दावा करण्यात आला आहे.
Ans: टायगर श्रॉफवरील हल्ल्यानंतर अमिताभ बच्चन यांच्या सुरक्षेचा मुद्दा अधिक चर्चेत आला आहे. चाहत्यांची भेट घेताना ते बुलेटप्रुफ काचेमागून संवाद साधताना दिसत आहेत.






