Anil Kapoor: अनिल कपूर यांचा कव्वाली लुक आणि एनर्जीचा धमाका, ‘इंडियाज टॉप 1%’ चं नवं टीझर आलं समोर

Anil Kapoor: अनिल कपूर यांच्या दमदार एनर्जीची पुन्हा एकदा झलक त्यांच्या आगामी ‘इंडियाज टॉप 1%’ या शोच्या थीम साँगच्या टीझरमध्ये पाहायला मिळत आहे. काळ्या रंगाच्या कव्वाली लूकमध्ये अनिल कपूरचा जबरदस्त अंदाज, डान्स आणि नेहमीचा जोश लक्ष वेधून घेत आहे. मोठा सेट आणि जोशपूर्ण संगीतामुळे पूर्ण गाण्याबद्दल उत्सुकता वाढली आहे.

• ‘इंडियाज टॉप 1%’च्या थीम साँगचा टीझर रिलीज
• कव्वाली लूकमध्ये अनिल कपूरचा जबरदस्त जलवा
• 100 स्पर्धक आणि 1 कोटी रुपयांपर्यंतचं बक्षीस

अनिल कपूर म्हटलं की एनर्जी आलीच. वय झालं तरी त्याचा जोश आजच्या पोरांनाही लाजवेल असा आहे. आणि आता तो त्याच एनर्जीने एक नवीन शो घेऊन येतोय, त्याचं नाव आहे ‘इंडियाज टॉप 1%’. या शोचा एक फोटो आधीच व्हायरल झाला होता, ज्यात अनिल कपूर कव्वाली लुकमध्ये दिसला होता, पूर्ण काळ्या कपड्यांमध्ये. त्या लुकची सगळीकडे चर्चा झाली होती.आता तर या शोच्या नवीन थीम साँगचा टीझर पण बाहेर आला आहे.

अनिल कपूर एकदम धमाल

त्यात अनिल कपूर एकदम धमाल करताना दिसतोय. काळ्या रंगाच्या कव्वालीच्या ड्रेसमध्ये तो खूपच भारी दिसतोय. त्याची स्टाईल, त्याचा डान्स आणि त्याची ती नेहमीची एनर्जी, सगळं या टीझरमध्ये दिसतंय. टीझरमध्ये गाण्याची छोटीशी झलकच दाखवली आहे, पण त्यावरूनच कळतंय की पूर्ण गाणं एकदम जबरदस्त असणार आहे. मोठा सेट, जोश भरलेलं म्युझिक आणि अनिल कपूरचा जलवा, बघून तोंडातून एकच शब्द निघतो – व्वा! Anil Kapoor:

शोची संकल्पना काय आहे?

या शोची टॅगलाईन आहे “बात खटकी तो जीत पक्की” म्हणजे छोट्यातली छोटी गोष्ट जर तू पकडलीस, तर तुझा विजय नक्की आहे. हीच संकल्पना या थीम साँगमध्ये खूप मजेशीरपणे दाखवली आहे. सध्या सगळ्या शहरात याच टॅगलाईनची चर्चा आहे.या शोमध्ये देशाच्या वेगवेगळ्या भागातून 100 स्पर्धक येणार आहेत. सगळे वेगवेगळ्या बॅकग्राउंडचे असतील आणि ते एकमेकांसोबत स्पर्धा करणार आहेत.

“Are We Muslims?”Javed Akhtar: ‘आपण मुस्लिम आहोत का?’ फरहानच्या त्या एका प्रश्नाने घरात काय घडलं? वाचा भन्नाट किस्सा

या सगळ्या शोचं सूत्रसंचालन अनिल कपूर करणार आहे. आणि सगळ्यात भारी गोष्ट म्हणजे या शोमध्ये 1 कोटी रुपयांपर्यंतचं बक्षीस जिंकता येऊ शकतं. पण जिंकण्यासाठी तुम्हाला अशा बारीक गोष्टी लक्षात ठेवाव्या लागतील ज्याकडे लोक सहसा लक्षच देत नाहीत.

See more

कधी आणि कुठे बघायचा?

जर तुम्हाला हा शो बघायचा असेल तर तारीख लक्षात ठेवा. ‘इंडियाज टॉप 1%’ चा पहिला एपिसोड 19 सप्टेंबरला रात्री 8 वाजता येणार आहे. तुम्ही स्टार प्लसवर किंवा जिओ-हॉटस्टारवर हा शो बघू शकता. अनिल कपूरचा हा नवा अंदाज बघायला नक्की विसरू नका.

Unfolds Across 2 Seasons: बाप-लेकाचं नातं पाहून डोळे पाणावतील! IMDbवर 7.9 रेटिंग असलेली ‘ही’ सीरिज या विकेंडला नक्की पाहा….