Albania News : सर्वोच्च न्यायालय कार्यालय पेटवलं ;भ्रष्टाचार ,बेरोजगारी मुळे तरुणाई रस्त्यावर

Albania News : अल्बानियामध्ये भ्रष्टाचार, बेरोजगारी आणि शिक्षणव्यवस्थेतील समस्यांविरोधात सुरू असलेल्या सरकारविरोधी आंदोलनाने हिंसक वळण घेतले आहे. पाचव्या दिवशी तिराना येथील सर्वोच्च न्यायालयाच्या कार्यालयांना आग लावण्यात आली. आतापर्यंत १६७ आंदोलकांना अटक झाली असून १३२ पोलीस कर्मचारी जखमी झाले आहेत.

• भ्रष्टाचार आणि बेरोजगारी विरुद्ध तरुणांचा एल्गार
• तिराना मध्ये हिंसाचार ;सर्वोच्च न्यायालयाच्या कार्यालयाला आग
• १६७ आंदोलकांना अटक ; पंतप्रधानांचा राजीनामा देण्यास नकार

Albania News : एकीकडे भारतात विद्यार्थ्यांचे आंदोलने सुरु असताना आता युरोपही ही पेटला आहे . फ्रान्स , इटली नंतर आता अल्बानिया नावाचा देशात पाच दिवस झाले विद्यार्थी रस्त्यावर उतरले आहेत . निसर्गाने नटलेला संपन्न हा देश आहे .याआधी या देशात कम्युनिस्ट विचार धारेच्या लोकांचे राज्य होते नंतर १९९१ मध्ये जनतेने आपल्या देशाची विचारधारा बदलून लोकशाही निवडली आणि देशात लोकशाहीच्या माध्यमातून सरकार चालू लागले .हा देश नाटोचा सदस्य आहे तसेच युरोपीय संघाचा उमेदवार सुद्धा आहे .

फक्त २८ लाख लोकसंख्या असलेल्या या देशात सगळी तरुण पिढी देशातील वाढता भ्रष्टाचार आणि बेरोजगारी याला कंटाळून रस्त्यावर आली आहे . त्याच्यात पंतप्रधांनानी राजीनामा देणार नसल्याचे सांगताच तरुण अजूनच भडकले आणि त्यांनी थेट सुप्रीम कोर्टाची ऑफिसे फुकायला सुरवात केली . आणि ऑफिस पेटवले सुद्धा . आता या घटनेने देशातील वातावरण चांगलेच तापले असून सरकार विरोधात असंतोष आता रस्त्यावर उघडपणे हिंसेच्या माध्यमातून दिसू लागला आहे .

Gaza News : पैसा नाही ,मदत कशी करणार? संयुक्त राष्ट्राकडे पैसे नाहीत ;५ लाख पॅलेस्टानी उपाशी मारणार

भ्रष्टाचार आणि बेरोजगारी विरुद्ध तरुणांचा एल्गार

अल्बानियामध्ये सुरु झालेल्या आंदोलनात विद्यार्थी आणि तरुण मोठ्या संख्येने सहभागी झाले आहेत . सरकारी कारभारातील कथित भ्रष्टाचार , विद्यापीठांमधील चांगल्या सुविधांचा अभाव , महाग झालेले शिक्षण आणि शिक्षण पूर्ण केल्यानंतरही रोजगाराच्या संधी मिळत नसल्याने आलेले नैराश्य या मुद्यांवरून अल्बानियातील तरुण मंडळी नाराज आहे .

पंतप्रधान एडी रामा यांच्या राजीनाम्याची मागणीही आंदोलनकर्त्यांकडून केली गेली आहे . सुरवातीला विद्यार्थ्यांच्या प्रश्नांवर केंद्रित असलेल्या या आंदोलनाचे स्वरूप आता व्यापक सरकारविरोधी आंदोलनात झाले आहे . या सगळ्या प्रकारामुळे सगळया देशात कमालीचा तणाव पसरला आहे .

तिराना मध्ये हिंसाचार ;सर्वोच्च न्यायालयाच्या कार्यालयाला आग

अल्बानियाची राजधानी तिराना येथे आंदोलनादरम्यान परिस्थिती हाताबाहेर गेली . आंदोलकांनी सरकारी इमारतींना टार्गेट केले तर सर्वोच्च न्यायालयाच्या कार्यालयांनाही आग लावण्यात आली आहे . यामुळे परिसरात धुराचे लोट पसरले आहेत . घटनास्थळी अग्निशमन दलाला घटनास्थळी धाव घ्यावी लागली . याअगोदर मंत्रालयाच्या इमारतीला आणि बँकांच्या शाखांनाही आगीच्या हवाली करण्यात आले आहे . पोलिसांनी आंदोलकांना पांगवण्यासाठी अश्रुधुराच्या नळकांड्या , पाण्याचे फवारे आणि रबराच्या गोळ्यांचा तूफान वापर केला आहे . तरीसुद्धा आंदोलक मागे हटायला तयार नसल्याचे दिसत आहे .

World Politics: ट्रम्प यांचा जागतिक राजकारणात नवा खेळ; चारपैकी 3 देशांत केला सत्तापालट, आता इस्त्रायलमध्ये काय होणार?

१६७ आंदोलकांना अटक ;पंतप्रधानांचा राजीनामा देण्यास नकार

या आंदोलनादरम्यान १६७ जणांना अटक करण्यात आली असून १३२ पोलीस सुद्धा जखमी झाले आहेत . दुसरीकडे पंतप्रधान एडी रामा यांनी राजीनामा देण्यास स्पष्ट नकार दिला आहे . आंदोलन करण्याचा अधिकार मान्य असला , तरी सार्वजनिक मालमत्तेचे नुकसान आणि हिंसाचार खपवून घेतला जाणार नाही अशी भूमिका त्यांनी मांडली आहे . त्यामुळे सरकार आणि आंदोलक यांच्यातील संघर्ष अजूनच तीव्र होण्याची शक्यता आहे .