( फोटो सौजन्य- सोशल मिडिया)
Ayesha Khan Engagement: ‘बिग बॉस १७’ फेम आणि अभिनेत्री आयेशा खान पुन्हा एकदा चर्चेत आली आहे. रणवीर सिंगच्या ‘धुरंधर’ चित्रपटातील ‘शरारत’ या गाण्यातील तिच्या परफॉर्मन्सने प्रेक्षकांचे लक्ष वेधून घेतल्यानंतर आता आयेशाच्या एका सोशल मीडिया पोस्टने चाहत्यांमध्ये उत्सुकता निर्माण केली आहे. आयेशाने काही फोटो शेअर केले असून, त्यात ती एका मिस्ट्री मॅनसोबत दिसत आहे. विशेष म्हणजे तिच्या बोटात दिसणाऱ्या हिऱ्याच्या अंगठीमुळे तिच्या साखरपुड्याच्या चर्चांना उधाण आले आहे.
आयेशाने शेअर केलेल्या फोटोंमध्ये तिच्यासोबत एक व्यक्ती दिसत आहे. मात्र, या व्यक्तीचा चेहरा तिने उघड केलेला नाही. त्यामुळे हा व्यक्ती नेमका कोण आहे, असा प्रश्न चाहत्यांना पडला आहे. त्यातच आयेशाच्या हातातील सुंदर डायमंड रिंगने सगळ्यांचे लक्ष वेधून घेतले.
आयेशाने या फोटोंसोबत ‘एक स्वप्न’ असे कॅप्शन लिहिले आहे. तसेच तिने एका ज्वेलरी ब्रँडलाही टॅग केले आहे. त्यामुळे हे फोटो एखाद्या ज्वेलरी ब्रँडच्या फोटोशूटचा भाग असण्याची शक्यता व्यक्त केली जात आहे. आयेशाने अद्याप आपल्या साखरपुड्याबाबत कोणतीही अधिकृत घोषणा केलेली नाही.
रणवीर सिंगच्या ‘धुरंधर’ चित्रपटातील ‘शरारत’ या गाण्यात आयेशा खान आणि क्रिस्टल डिसूझा यांनी आपल्या नृत्याने प्रेक्षकांचे लक्ष वेधून घेतले. कराचीमधील एका भव्य लग्नसोहळ्याच्या पार्श्वभूमीवर हे गाणे चित्रित करण्यात आले होते. दोघींनी लग्नातील नर्तकींची भूमिका साकारली होती.
या गाण्याच्या शूटिंगचा अनुभव आयेशासाठी मात्र सोपा नव्हता. पिंकविलाला दिलेल्या मुलाखतीत तिने सांगितले होते की, गाण्याचे शूटिंग दोन दिवस चालले आणि या काळात तिला प्रचंड धावपळ करावी लागली.
आयेशाने सांगितले की, शूटिंगदरम्यान तिला मासिक पाळी आली होती आणि त्यामुळे तिला शारीरिक तसेच भावनिक त्रास जाणवत होता. दोन दिवसांत मोठ्या प्रमाणावर काम पूर्ण करायचे असल्याने संपूर्ण टीमवर मोठा ताण होता.
“मी स्वतःला आवरू शकले नाही आणि रडू लागले,” असे आयेशाने सांगितले होते. पुढे तिने स्पष्ट केले की, हे आनंदाश्रू होते. तिच्यासाठी हा अनुभव भावनिक आणि खास होता.
आयेशा खान ‘बिग बॉस १७’मध्ये वाईल्ड कार्ड स्पर्धक म्हणून सहभागी झाली होती. शोमध्ये तिच्या आणि मुनवर फारुकीच्या नात्याची मोठी चर्चा झाली होती. आयेशाने मुनवरवर फसवणूक आणि एकाच वेळी अनेक महिलांसोबत संबंध असल्याचे आरोप केले होते.
आता ‘शरारत’मधील लोकप्रियतेनंतर आयेशा पुन्हा एकदा तिच्या वैयक्तिक आयुष्यामुळे चर्चेत आली आहे. तिच्या हातातील डायमंड रिंग आणि मिस्ट्री मॅनमुळे साखरपुड्याच्या चर्चांना उधाण आले असले, तरी आयेशाने याबाबत अधिकृतपणे काहीही स्पष्ट केलेले नाही. त्यामुळे हे खरंच साखरपुड्याचे संकेत आहेत की केवळ ज्वेलरी शूटचा भाग, हे पाहणे महत्त्वाचे ठरणार आहे.
.png "Videos"){kind=small}
