Chhota Bheem आता रंगमंचावर! मुंबईत 17 ऑक्टोबरला रंगणार पहिला भव्य म्युझिकल शो

Chhota Bheem : ग्रीन गोल्ड ॲनिमेशन आणि नीमट्री एंटरटेनमेंट यांच्या संयुक्त विद्यमाने साकारण्यात आलेल्या 'छोटा भीम : द म्युझिकल' या भव्य संगीतनाट्याचा प्रयोग १७ ऑक्टोबर रोजी मुंबईतील नेहरू सेंटर सभागृहात होणार आहे.

• 17 ऑक्टोबरला मुंबईत प्रयोग
• 30 कलाकारांचा सहभाग, आकर्षक वेशभूषा, एलईडी दृश्यरचना
• तिकिटे BookMyShow वर उपलब्ध 

 

लहान मुलांमध्ये लोकप्रिय असलेले Chhota Bheem हे ॲनिमेटेड पात्र आता थेट रंगमंचावर पाहण्याची संधी प्रेक्षकांना मिळणार आहे. ग्रीन गोल्ड ॲनिमेशन आणि नीमट्री एंटरटेनमेंट यांच्या संयुक्त विद्यमाने साकारण्यात आलेल्या ‘छोटा भीम : द म्युझिकल’ या भव्य संगीतनाट्याचा प्रयोग १७ ऑक्टोबर रोजी मुंबईतील नेहरू सेंटर सभागृहात होणार आहे. गेल्या आठवड्यात सादर झालेल्या तीन प्रयोगांना मुलांसह पालकांचाही उत्स्फूर्त प्रतिसाद मिळाल्यानंतर मुंबईतील प्रयोगाची घोषणा करण्यात आली आहे.

भीम आणि मित्रांची रंगमंचावर साहसी मोहीम

या संगीतनाट्यात ढोलकपूरमधील भीम आणि त्याच्या मित्रांची रोमांचक मोहीम साकारण्यात आली आहे. राजकुमारी इंदुमतीला ‘थुंडाझॉर्क’ च्या तावडीतून मुक्त करण्यासाठी भीम आणि त्याचे मित्र जादुई जंगले, पाण्याखालील राज्ये, जादुई बेटे, वाळवंटे आणि बर्फाच्छादित पर्वत असा साहसी प्रवास करतात. या प्रवासातील थरारक प्रसंग, आकर्षक पात्रे आणि नेत्रदीपक दृश्यरचना हे या संगीतनाट्याचे प्रमुख आकर्षण ठरणार आहे.

Udta Teer Trailer: कॉमेडी, अ‍ॅक्शन अन् देशभक्तीचा तडका! आयुष्मान खुरानाच्या ‘उडता तीर’चा दुसरा ट्रेलर रिलीज

30 कलाकारांसह भव्य निर्मिती

‘छोटा भीम : द म्युझिकल’ या निर्मितीमध्ये 30 कलाकार, 12 जणांचा रंगमंचामागील चमू आणि सहा तांत्रिक कर्मचारी सहभागी आहेत. भूमी नाथवाणी यांनी निर्मितीची धुरा सांभाळली असून, अमात्य गोराडिया यांनी दिग्दर्शन केले आहे. श्रुती शर्मा यांनी सर्जनशील प्रमुख म्हणून काम पाहिले आहे.

प्रेक्षकांना कथानकातील विविध ठिकाणांचा प्रत्यक्ष अनुभव मिळावा, यासाठी आकर्षक वेशभूषा, एलईडीच्या माध्यमातून साकारलेली दृश्ये आणि कल्पक प्रकाशयोजनेचा वापर करण्यात आला आहे. त्यामुळे लहान मुलांसह संपूर्ण कुटुंबासाठी हा एक वेगळा मनोरंजक अनुभव ठरण्याची अपेक्षा आहे.

Prapti Redkar: स्त्रीशक्ती म्हणजे नेमकं काय? प्राप्ती रेडकरने सांगितला स्वाभिमान आणि आत्मविश्वासाचा अर्थ

छोटा भीम कुटुंबांचा अविभाज्य भाग

ग्रीन गोल्ड ॲनिमेशनचे संस्थापक आणि व्यवस्थापकीय संचालक राजीव चिलाका म्हणाले, एखाद्या लोकप्रिय पात्राची खरी ताकद त्याच्या मूळ माध्यमापलीकडे जाऊन प्रेक्षकांशी जोडले जाण्यात असते. छोटा भीमचा प्रवास एका ॲनिमेटेड पात्रापासून सुरू झाला; मात्र आज तो लाखो मुले आणि त्यांच्या कुटुंबांच्या आयुष्याचा अविभाज्य भाग बनला आहे.

‘छोटा भीम : द म्युझिकल’ चा प्रयोग 17 ऑक्टोबर रोजी मुंबईतील नेहरू सेंटर सभागृहात होणार आहे. या कार्यक्रमाची तिकिटे BookMyShow या ऑनलाइन तिकीटविक्री मंचावर उपलब्ध आहेत.