‘धुरंधर’चा थरार आता घरबसल्या अनुभवता येणार! एकाच वेळी तीन चॅनेलवर चित्रपटाचं प्रसारण? वाचा सविस्तर

Dhurandhar: आदित्य धर दिग्दर्शित या चित्रपटाने जागतिक दर्जाची अ‍ॅक्शन दृश्ये, प्रेक्षकांकडून शिट्ट्या आणि टाळ्यांची दाद मिळवणारे संवाद तसेच कलाकारांच्या अप्रतिम अभिनयासाठी सर्व स्तरांतून प्रशंसा मिळवली आहे.

• 25 ऑक्टोबर रोजी अनुभवता येणार ‘हर घर धुरंधर’
• भारताच्या कानाकोपऱ्यातील प्रेक्षकांपर्यंत घेऊन जाणार
• ‘धुरंधर’ हा चित्रपट अ‍ॅक्शन आणि थराराने भरलेला

नांदेड/Dhurandar: भव्यता, थरार आणि नेत्रदीपक मनोरंजनाचा अनुभव! या ऑक्टोबरमध्ये ‘धुरंधर’ चित्रपट भारतभरातील आपल्या प्रवासात एक महत्त्वपूर्ण टप्पा गाठणार आहे. प्रथमच हा चित्रपट फ्रीडिश प्रेक्षकांसाठी (Entertainment) उपलब्ध होणार आहे. रणवीर सिंहचा उत्कंठा वाढवणारा स्पाय थ्रिलर चित्रपट ‘धुरंधर’ 25 ऑक्टोबर 2026 रोजी सायंकाळी 7 वाजता स्टार उत्सव मूव्हीज, कलर्स सिनेप्लेक्स बॉलिवूड आणि कलर्स सिनेप्लेक्स सुपरहिट्स या तिन्ही वाहिन्यांवर एकाच वेळी प्रदर्शित होणार आहे.

देशासाठी पडद्यामागे राहून गुप्तपणे कार्य करणाऱ्या ‘अज्ञात वीरां’ना समर्पित असलेला ‘धुरंधर’ हा चित्रपट अ‍ॅक्शन आणि थराराने भरलेला आहे. या चित्रपटात रणवीर सिंह एका आक्रमक आणि अविस्मरणीय भूमिकेत दिसणार असून, त्यांच्यासोबत अक्षय खन्ना, संजय दत्त, आर. माधवन, अर्जुन रामपाल, राकेश बेदी आणि सारा अर्जुन यांसारख्या दिग्गज कलाकार पाहायला मिळणार आहेत.

आदित्य धर दिग्दर्शित या चित्रपटाने जागतिक दर्जाची अ‍ॅक्शन दृश्ये, प्रेक्षकांकडून शिट्ट्या आणि टाळ्यांची दाद मिळवणारे संवाद तसेच कलाकारांच्या अप्रतिम अभिनयासाठी सर्व स्तरांतून प्रशंसा मिळवली आहे. शाश्वत सचदेव यांच्या संगीतानेही प्रेक्षकांची मने जिंकली आहेत. ‘धुरंधर’ चित्रपटाची जादू भारतभरातील घराघरांत पोहोचवणारा हा फ्रीडिश प्रीमियर 10 कोटींहून अधिक घरांपर्यंत पोहोचण्याची अपेक्षा आहे. या माध्यमातून या ब्लॉकबस्टर चित्रपटाची लोकप्रियता गजबजलेल्या महानगरांपासून ते गावांपर्यंत आणि छोट्या शहरांपर्यंत विस्तारली जाणार आहे.

‘Dhurandhar 2’ नंतर येणार ‘धुरंधर 3’? कर्नल भूपिंदर शाही यांनी दिली महत्त्वाची अपडेट, म्हणाले, ”आता हमजा नाही तर…”

फ्रीडिशवरील या भव्य प्रीमियरविषयी आपले विचार व्यक्त करताना जिओस्टारच्या प्रवक्त्याने सांगितले, “धुरंधर हा केवळ एक चित्रपट नाही, तर तो आता पॉप कल्चरचा एक अविभाज्य भाग बनला आहे! ‘हर घर धुरंधर’ या उपक्रमाच्या माध्यमातून हा दमदार ब्लॉकबस्टर चित्रपट भारताच्या कानाकोपऱ्यातील प्रेक्षकांपर्यंत पोहोचवताना आम्हाला अतिशय आनंद होत आहे. स्टार उत्सव मूव्हीज, कलर्स सिनेप्लेक्स बॉलिवूड किंवा कलर्स सिनेप्लेक्स सुपरहिट्स यांपैकी कोणत्याही वाहिनीवर, 25 ऑक्टोबर रोजी सायंकाळी 7 वाजल्यापासून संपूर्ण भारतात ‘धुरंधर’ची क्रेझ अभूतपूर्व स्वरूपात पाहायला मिळेल.”

‘हर घर धुरंधर’ हा उपक्रम भारतभरातील कुटुंबांसाठी मनोरंजनाच्या क्षेत्रात एक अविस्मरणीय क्षण ठरणार आहे. रणवीर सिंह यांचा ब्लॉकबस्टर चित्रपट ‘धुरंधर’ प्रथमच फ्रीडिशवर पाहण्याची संधी प्रेक्षकांना मिळणार आहे. जिओ स्टुडिओज आणि B62 डिओज निर्मित, रणवीर सिंह, अक्षय खन्ना, संजय दत्त, आर. माधवन, अर्जुन रामपाल, सारा अर्जुन आणि राकेश बेदी यांच्या प्रमुख भूमिका असलेला ‘धुरंधर’ हा चित्रपट 25 ऑक्टोबर रोजी सायंकाळी 7 वाजल्यापासून स्टार उत्सव मूव्हीज, कलर्स सिनेप्लेक्स बॉलिवूड आणि कलर्स सिनेप्लेक्स सुपरहिट्स या वाहिन्यांवर प्रदर्शित होणार आहे.

Dhurandhar 2 : धुरंधरचा धडाकेबाज Climax! रक्ताचा वाहिला पूर…; Makeup Artist म्हणतो “एक बादलीभर रक्त…”