Excel Entertainment: २५ वर्षांचा प्रवास पूर्ण; रितेश सिधवानी-फरहान अख्तरांची नव्या फिल्ममेकर्ससाठी मोठी घोषणा

Excel Entertainmentने २५ वर्षे पूर्ण केल्यानंतर ‘Excel Origins’ या नव्या उपक्रमाची घोषणा केली आहे. ३० वर्षांखालील तरुण फिल्ममेकर्सना नव्या कथा आणि कल्पनांसाठी व्यासपीठ मिळणार आहे.

Excel Entertainment: रितेश सिधवानी आणि फरहान अख्तर यांच्या Excel Entertainmentने आपल्या यशस्वी प्रवासाची २५ वर्षे पूर्ण केली आहेत. या खास टप्प्याच्या निमित्ताने दोघांनी ‘Excel Origins’ या नव्या उपक्रमाची घोषणा केली आहे. या माध्यमातून ३० वर्षांखालील भारतीय फिल्ममेकर्सच्या नव्या पिढीचा शोध घेऊन त्यांना प्रोत्साहन आणि त्यांच्या सर्जनशील प्रवासासाठी आवश्यक पाठबळ दिले जाणार आहे.

२६व्या वर्षी सुरू केली होती एक्सेल एंटरटेनमेंट

रितेश सिधवानी आणि फरहान अख्तर यांनी एक्सेल एंटरटेनमेंटची सुरुवात केली, तेव्हा दोघेही अवघे २६ वर्षांचे होते. त्यांच्या प्रॉडक्शन हाऊसचा पहिला चित्रपट ‘दिल चाहता है’ होता. तरुणाईची विचारसरणी आणि वेगळ्या प्रकारच्या कथा सांगण्याची इच्छा या चित्रपटातून दिसून आली.

‘दिल चाहता है’ पुढे एका संपूर्ण पिढीसाठी खास ठरला. नव्या आवाजांना, ओरिजिनल कल्पनांना आणि सर्जनशील धाडसाला महत्त्व देण्याची एक्सेल एंटरटेनमेंटची विचारसरणी याच काळात अधिक ठळक झाली.

३० वर्षांखालील फिल्ममेकर्सना मिळणार संधी

२५ वर्षांनंतर ‘Excel Origins’च्या माध्यमातून एक्सेल एंटरटेनमेंट आता हीच संधी नव्या पिढीतील फिल्ममेकर्सना देणार आहे. या उपक्रमात ३० वर्षांखालील तरुण दिग्दर्शक आणि लेखकांचा शोध घेतला जाणार आहे.

स्वतःची वेगळी विचारसरणी आणि ओळख असलेल्या या नव्या फिल्ममेकर्सना त्यांच्या ओरिजिनल कल्पना प्रत्यक्षात आणण्यासाठी व्यासपीठ, आवश्यक संसाधने आणि सर्जनशील स्वातंत्र्य देण्याचा प्रयत्न केला जाणार आहे.

See more

Dasami Marathi Movie: ‘दशमी’चा पहिला पोस्टर प्रदर्शित; महेश मांजरेकरांसह दिग्गज कलाकारांची फौज

वेगळ्या कथा आणि नव्या कल्पनांना मिळणार प्रोत्साहन

‘Excel Origins’अंतर्गत पारंपरिक चौकटींना आव्हान देणाऱ्या कथांचा शोध घेतला जाणार आहे. विविध जॉनर, फॉरमॅट्स आणि सिनेमाच्या नव्या विश्वातील कथा या उपक्रमाचा भाग असतील.

केवळ दिग्दर्शक आणि लेखकच नव्हे, तर नवोदित कलाकारांसह इतर क्रिएटिव्ह टॅलेंटलाही या माध्यमातून संधी देण्याचा प्रयत्न केला जाणार आहे.

AR Rahman Son Accident: ए. आर. रहमान यांचा मुलगा आमीनचा कार अपघात;प्रकृतीबाबत समोर आली मोठी अपडेट

केवळ चित्रपटांची निर्मिती नव्हे, ओरिजिनल IP तयार करण्यावर भर

‘Excel Origins’चा उद्देश केवळ नव्या चित्रपटांची यादी तयार करणे हा नाही. तर नव्या फिल्ममेकर्स, कलाकार आणि लेखकांना पुढे आणण्यासोबतच ओरिजिनल IPs तयार करण्यावरही भर दिला जाणार आहे. हे IPs भविष्यात एक्सेल एंटरटेनमेंटच्या पुढील अध्यायाचा महत्त्वाचा भाग ठरू शकतात.

आजच्या काळात इंडस्ट्रीमध्ये प्रस्थापित कलाकार आणि आजमावलेल्या फॉर्म्युलांवर अधिक भर दिला जात असताना, नव्या आवाजांवर विश्वास ठेवण्याचा हा प्रयत्न महत्त्वाचा मानला जात आहे.

पुढील २५ वर्षांसाठी नव्या पिढीवर विश्वास

एक्सेल एंटरटेनमेंट आपल्या पुढील २५ वर्षांच्या प्रवासाकडे वाटचाल करत असताना, ‘Excel Origins’ हा त्यांच्या सुरुवातीच्या विचारसरणीकडे परतण्याचा प्रयत्न असल्याचे दिसते. मोठ्या आणि वेगळ्या कल्पना घेऊन येणाऱ्या तरुणांवर विश्वास ठेवून त्यांच्या कल्पनांना प्रत्यक्षात साकारण्याची संधी देणे, हा या उपक्रमाचा मुख्य उद्देश आहे.