Govinda: फॅमिली फोटोत गोविंदा का नाही? कृष्णा अभिषेकसोबत सुनीता आहुजांनी साजरी केली राखी, ‘तो’ फोटो व्हायरल

Govinda-Krishna Abhishek: रक्षाबंधनानिमित्त टीना आहुजाने शेअर केलेल्या फॅमिली फोटोत कृष्णा अभिषेक, सुनीता आहुजा आणि आरती सिंग दिसले; मात्र गोविंदा गायब असल्याने फोटो चर्चेत आला आहे.

• फॅमिली फोटोतून गोविंदा गायब
• कृष्णा अभिषेकने सुनीता आहुजांसोबत साजरी केली राखी
• कृष्णा-सुनीता यांच्यातील नात्यात सुधारणा?

Govinda : बॉलिवूड अभिनेता गोविंदा आणि त्याचा भाचा कृष्णा अभिषेक यांच्यातील कौटुंबिक वाद गेल्या अनेक वर्षांपासून चर्चेत आहे. दोघांमधील मतभेद अनेकदा सार्वजनिकरित्या समोर आले आहेत. अशातच रक्षाबंधनानिमित्त शेअर करण्यात आलेला एक फॅमिली फोटो सध्या सोशल मीडियावर चर्चेचा विषय ठरला आहे. या फोटोमध्ये गोविंदाची मुलगी टीना आहुजा, तिचा भाऊ यशवर्धन आहुजा, कृष्णा अभिषेक, आरती सिंग आणि सुनीता आहुजा दिसत आहेत. मात्र, या फॅमिली सेलिब्रेशनमधून गोविंदा मात्र गायब असल्याचं पाहायला मिळत आहे.

टीनाने रक्षाबंधनाच्या निमित्ताने कुटुंबीयांसोबत वेळ घालवतानाचे काही फोटो आणि व्हिडीओ सोशल मीडियावर शेअर केले आहेत. या खास क्षणांमध्ये कुटुंबातील सदस्य कॅमेऱ्यासमोर हसताना आणि मजामस्ती करताना दिसत आहेत. टीनाने तिचा भाऊ यशवर्धनला राखी बांधली, तर कृष्णा अभिषेकलाही राखी बांधतानाचा फोटो तिने शेअर केला आहे.

See more

 

टीनाची पोस्ट चर्चेत

टीनाने हे फोटो शेअर करताना, “आमची राखी! #latergram #rakhi” असं कॅप्शन दिलं आहे. पोस्टमध्ये सुनीता आहुजा, टीना, यशवर्धन, कृष्णा अभिषेक आणि आरती सिंग यांचे फोटो आणि व्हिडीओ पाहायला मिळत आहेत. एका व्हिडीओमध्ये सर्वजण कॅमेऱ्यासमोर पोज देताना दिसतात. तर दुसऱ्या व्हिडीओमध्ये टीना आणि आरती यशवर्धनला राखी बांधताना दिसत आहेत.

विशेष म्हणजे, या सेलिब्रेशनमध्ये कृष्णा अभिषेकही सहभागी झाल्याचं दिसत आहे. त्यामुळे गोविंदा आणि कृष्णा यांच्यातील अनेक वर्षांच्या वादाच्या पार्श्वभूमीवर हा फोटो सोशल मीडियावर चर्चेचा विषय ठरला आहे.

फॅमिली फोटोत गोविंदा का नाही?

रक्षाबंधनाच्या या फॅमिली फोटोंमध्ये गोविंदा कुठेही दिसत नसल्याने सोशल मीडिया यूजर्समध्ये विविध चर्चा सुरू झाल्या आहेत. गोविंदा आणि कृष्णा अभिषेक यांच्यातील वादामुळे दोघे अनेकदा एकमेकांपासून दूर असल्याचं पाहायला मिळालं आहे. त्यामुळे टीनाच्या या पोस्टनंतर पुन्हा एकदा त्यांच्या कौटुंबिक नात्यांची चर्चा रंगली आहे.

दरम्यान, गोविंदा आणि त्यांची पत्नी सुनीता आहुजा यांच्या वैयक्तिक आयुष्याबाबतही गेल्या काही काळापासून विविध चर्चा सुरू आहेत. सुनीता आहुजाने गोविंदासोबतच्या नात्याबाबत सार्वजनिकरित्या भाष्य केल्यानंतर या चर्चांना आणखी उधाण आलं.

Entertainment News: तीस वर्षांचा प्रवास आणि तीन नवे आवाज – पंचम निषादचा ‘वर्तमान’ पुन्हा रंगमंचावर

गोविंदा आपल्या आगामी चित्रपटातील सह-अभिनेत्री कोमल राणी स्वर्णकरसोबत विमानतळावर दिसल्यानंतरही सोशल मीडियावर अनेक चर्चा रंगल्या होत्या. मात्र, या सर्व चर्चांदरम्यान रक्षाबंधनाच्या निमित्ताने समोर आलेल्या या फॅमिली फोटोने पुन्हा एकदा गोविंदा-कृष्णा अभिषेक यांच्या कौटुंबिक नात्यांकडे सर्वांचं लक्ष वेधलं आहे.

Bandkhor Marathi Movie: चेहऱ्यावर करारी भाव… मनात बंडाची ठिणगी! ‘बंडखोर’च्या पोस्टरने वेधलं लक्ष