Kartik Aaryan Surgery: सेटवर दुखापत अन् थेट सर्जरी! (फोटो सौजन्य- सोशलमीडिया)
Kartik Aaryan Knee Surgery: बॉलिवूड अभिनेता कार्तिक आर्यन सध्या कामापासून थोडा दूर राहिला आहे, त्याच कारणपण ते तसेच गंभीर आहे. कार्तिकला शूटिंगदरम्यान दुखापत झाली. त्याच्या गुडघ्याला लागले आहे. ही जखम इतकी गंभीर आहे की, त्याला थेट शस्त्रक्रिया सल्ला दिला होता. आता ही शस्त्रक्रिया पूर्ण झाली असून त्याला आता घरी सोडण्यात आले आहे, सध्या तो डॉक्टरांनी दिलेल्या सल्ल्यानुसार आराम करत आहे.
कबीर खान यांच्या आगामी चित्रपटासाठी एका अॅक्शन सीनचे शूटिंग सुरु होते. या सीनसाठी कार्तिकला बराच शारिरीक ताण घ्याला लागत होता. तेच करत असताना त्यांच्य गुडघ्याला दुखापत झाली. त्रास वाढत केला, अनेक चाचण्या केल्यानंतर डॉक्टरांनी शस्त्रक्रिया करण्याचा सल्ला दिला. त्यानंतर शस्त्रक्रिया करण्यात आली. शस्त्रक्रियेनंतर कार्तिक सध्या घरीच आहे. तो लवकरच कामावर परतण्याचा प्रयत्न करेल, अशी अपेक्षा आहे. मात्र, नेमका किती दिवस त्याला विश्रांती घ्यावी लागणार, याबाबत अजून स्पष्ट माहिती समोर आलेली नाही. अशा दुखापतीनंतर शरीराला पूर्ण वेळ देणे गरजेचे असते. त्यामुळे त्याच्या पुढील शूटिंगचे वेळापत्रक काही काळ बदलण्याची शक्यता आहे.
कार्तिकसाठी हा चित्रपट विशेष महत्त्वाचा आहे. ‘चंदू चॅम्पियन’नंतर तो पुन्हा एकदा कबीर खान यांच्यासोबत काम करत आहे. या नव्या प्रोजेक्टची अधिकृत माहिती अद्याप पूर्णपणे समोर आलेली नाही. मात्र, हा चित्रपट खेळाच्या पार्श्वभूमीवर तयार होत असल्याची चर्चा होत आहे. कथेत किकबॉक्सिंगशी संबंधित विषय असल्याचे सांगितले जात असून, कार्तिक एका प्रशिक्षकाच्या भूमिकेत दिसण्याची शक्यता आहे. Kartik Aaryan Surgery:
ही भूमिका साकारण्यासाठी कार्तिकने स्वतःवर खूप मेहनत घेतली होती. फिटनेसपासून शरीरयष्टीपर्यंत त्याने भूमिकेनुसार तयारी केली. त्यामुळे चित्रपटातील ॲक्शन भागही त्याच्यासाठी महत्त्वाचा होता. मात्र, शूटिंगच्या वेळी झालेल्या दुखापतीमुळे त्याच्या तयारीला काही काळासाठी ब्रेक लागला आहे.
Govinda Video: तोंडावर मास्क अन् चेहऱ्यावर थकवा; गोविंदा रुग्णालयातून बाहेर पडतानाचा VIDEO व्हायरल
कार्तिकच्या हातात सध्या एकापेक्षा जास्त चित्रपट आहेत. त्यामुळे त्याच्या तब्येतीत सुधारणा झाल्यानंतर पुढील कोणत्या प्रोजेक्टचे काम आधी सुरू होणार, याकडे चाहत्यांचे लक्ष लागले आहे. विशेष म्हणजे या नव्या स्पोर्ट्स ड्रामामधून कार्तिक निर्मिती क्षेत्रातही एक पाऊल पुढे टाकणार आहे. त्याच्या ‘डोपामाइन स्टुडिओज’ या संस्थेअंतर्गत हा चित्रपट तयार होणार असल्याचे सांगितले जाते.
कार्तिकच्या चाहत्यांसाठी त्याची दुखापत नक्कीच चिंतेची बाब आहे. मात्र, शस्त्रक्रिया व्यवस्थित पार पडल्याची बातमी दिलासादायक आहे. आता तो पूर्णपणे बरा होऊन पुन्हा सेटवर कधी दिसतो, याची उत्सुकता आहे. सध्या मात्र कामापेक्षा आरोग्याला प्राधान्य देत कार्तिक आराम करत आहे. पुढील काही दिवस त्याच्यासाठी रिकव्हरीचे असणार आहेत आणि त्यानंतरच त्याच्या शूटिंगबाबत चित्र स्पष्ट होईल.
कबीर खान हे एक प्रख्यात भारतीय चित्रपट दिग्दर्शक, पटकथा लेखक आणि छायाचित्रकार आहेत, जे प्रामुख्याने हिंदी चित्रपटसृष्टीत (बॉलिवूड) कार्यरत आहेत. त्यांनी ‘एक था टायगर’, ‘बजरंगी भाईजान’ आणि ‘८३’ यांसारख्या अनेक लोकप्रिय आणि यशस्वी चित्रपटांचे दिग्दर्शन केले आहे.
.png "Videos"){kind=small}
