Love and War: रिलीजआधीच भन्साळींच्या चित्रपटाचा धमाका! ‘लव्ह अँड वॉर’च्या राइट्ससाठी बॉलिवूडमधील दिग्गजांत युद्ध; कोण बाजी मारणार?

Love and War : दिग्दर्शक संजय लीला भन्साळी यांचा 'लव्ह अँड वॉर' हा चित्रपट सध्या तुफान चर्चेत आहे. रणबीर कपूर, आलिया भट्ट आणि विकी कौशल यांची प्रमुख भूमिका असलेला हा चित्रपट रिलीज होणार आहे. रिलीजपूर्वीच या चित्रपटाच्या थिएट्रिकल डिस्ट्रिब्युशन राइट्स मिळवण्यासाठी ३०० कोटींची मोठी शर्यत रंगली आहे.

• रिलीजआधीच भन्साळींच्या चित्रपटाचा धमाका
• संजय लीला भन्साळींच्या ‘लव्ह अँड वॉर’वर डोळा
• डिस्ट्रिब्युशन राइट्सच्या शर्यतीत बॉलिवूड दिग्गज शर्यतीत

Love and War : भारतीय सिनेमातील सर्वाधिक बहुप्रतीक्षित चित्रपटांपैकी एक असलेला संजय लीला भन्साळी यांचा ‘लव्ह अँड वॉर’ ( Love and War ) 21 जानेवारी 2027 रोजी जगभरातील चित्रपटगृहांमध्ये प्रदर्शित होण्यासाठी सज्ज आहे. या चित्रपटात रणबीर कपूर, आलिया भट्ट आणि विकी कौशल प्रमुख भूमिकांमध्ये दिसणार आहेत.

Prajakta Mali News: वाढदिवशी मंदिरदर्शन अन् थेट भाताच्या शेतात! प्राजक्ता माळीने अशी केली यंदाची खास सुरुवात

भव्य सिनेमॅटिक अनुभव घेऊन येण्याच्या तयारीत

भारतीय सिनेमातील सर्वात मोठ्या आणि व्हिजनरी दिग्दर्शकांपैकी एक असलेले संजय लीला भन्साळी पुढील वर्षी त्यांच्या महत्त्वाकांक्षी चित्रपटांपैकी एक असलेल्या ‘लव्ह अँड वॉर’सह प्रेक्षकांच्या भेटीला येणार आहेत. या भव्य रोमँटिक वॉर ड्रामामध्ये भारतीय सिनेमातील तीन आघाडीचे कलाकार रणबीर कपूर, आलिया भट्ट आणि विकी कौशल एकत्र झळकणार आहेत. आपल्या भव्य चित्रपटांसाठी, शानदार व्हिज्युअल्ससाठी आणि भावनांनी ओतप्रोत कथांसाठी प्रसिद्ध असलेले भन्साळी यावेळीही प्रेक्षकांसाठी मोठ्या पडद्यावर एक भव्य सिनेमॅटिक अनुभव घेऊन येण्याच्या तयारीत आहेत.

डिस्ट्रिब्युशन राइट्ससाठी मोठी शर्यत

‘लव्ह अँड वॉर’बद्दलची उत्सुकता दिवसेंदिवस वाढत असतानाच आता चित्रपटाच्या डिस्ट्रिब्युशन राइट्ससाठी मोठी शर्यत सुरू झाली आहे. सूत्रांच्या माहितीनुसार, धर्मा प्रोडक्शन्स, झी स्टुडिओज आणि पेन स्टुडिओजची डिस्ट्रिब्युशन कंपनी पेन मरुधर हे चित्रपटाचे थिएट्रिकल डिस्ट्रिब्युशन राइट्स मिळवण्याच्या शर्यतीत आहेत.

प्री-रिलीज डील्सवर सर्वांच्या नजरा

रिपोर्ट्सनुसार , चित्रपटाच्या राइट्ससाठी सुमारे 300 कोटी रुपयांच्या आसपास चर्चा सुरू आहे. चित्रपटाच्या रिलीजला अद्याप जवळपास पाच महिने बाकी असून, ट्रेड सर्कलमध्ये त्याच्या प्री-रिलीज डील्सवर सर्वांच्या नजरा खिळल्या आहेत. या डील्समुळे चित्रपटगृहांमध्ये रिलीज होण्यापूर्वीच चित्रपटाची किंमत वसूल होण्याची शक्यता असल्याने, रिलीजपूर्वी निर्मात्यांवरील आर्थिक दबाव मोठ्या प्रमाणात कमी होऊ शकतो, असे मानले जात आहे.

मोठी शर्यत आणि ब्लॉकबस्टर डीलसाठी चर्चेत

चित्रपटाच्या डिस्ट्रिब्युशन राइट्ससाठी सुरू असलेली ही मोठी शर्यत आणि ब्लॉकबस्टर डीलसाठी चर्चेत असलेली आकडेवारी यावरून ‘लव्ह अँड वॉर’ची भव्यता आणि बाजारातील मोठी मागणी स्पष्ट होते. रिलीज झाल्यानंतर हा चित्रपट बॉक्स ऑफिसवर इतिहास रचू शकतो आणि भारतीय सिनेमातील सर्वात मोठ्या थिएट्रिकल इव्हेंट्सपैकी एक ठरू शकतो.

भव्य फ्रेम्ससाठी आणि भावनांनी भरलेल्या कथा

संजय लीला भन्साळी आपल्या बारकाईने केलेल्या दिग्दर्शनासाठी, भव्य फ्रेम्ससाठी आणि भावनांनी भरलेल्या कथांसाठी ओळखले जातात. अशा परिस्थितीत रणबीर कपूर, आलिया भट्ट आणि विकी कौशल यांसारख्या तीन दमदार कलाकारांचे एकत्र येणे चित्रपटाबद्दलची उत्सुकता आणखी वाढवत आहे. रणबीर कपूर, आलिया भट्ट आणि विकी कौशल स्टारर ‘लव्ह अँड वॉर’ 21 जानेवारी 2027 रोजी जगभरातील चित्रपटगृहांमध्ये प्रदर्शित होणार आहे. हा चित्रपट हिंदीसोबतच तमिळ आणि तेलुगू भाषेतही प्रदर्शित केला जाणार आहे.

Allu Arjun: विशाखापट्टणममध्ये अल्लू अर्जुनने सुरू केलं ‘AAA Cinemas’; मिळणार वर्ल्ड-क्लास सिनेमॅटिक एक्सपीरियन्स