(फोटो सौजन्य-सोशल मीडिया)
Aali Mothi Shahani Movie: गणेशोत्सवाला आता काहीच दिवस बाकी असून सर्वत्र उत्साहाचं वातावरण पाहायला मिळत आहे. याच उत्सवी वातावरणात ‘आली मोठी शहाणी’ या आगामी मराठी चित्रपटातील ‘गणेश वंदना’ प्रेक्षकांच्या भेटीला आली आहे. बाप्पाच्या चरणी श्रद्धा व्यक्त करणारं हे गाणं भक्तिभावासोबतच गणेशोत्सवाचा आनंद आणि प्रसन्न वातावरणाची अनुभूती देतं.
चित्रपटाच्या टीझरमध्ये एका चिमुकलीची ‘मोठं व्हायचंय’ ही निरागस इच्छा पाहायला मिळाली होती. आपली ही इच्छा पूर्ण व्हावी, यासाठी ती गणरायाकडे साकडं घालताना दिसली होती. त्यामुळे ‘गणेश वंदना’मधूनही चित्रपटाच्या कथेशी जोडलेला बाप्पाचा भावनिक धागा समोर येतो.
अभय जोधपूरकरांच्या आवाजाने खुलला भक्तिरस
नुकताच राष्ट्रीय पुरस्कार मिळवलेले अभय जोधपूरकर यांनी या गाण्याला आपला भारदस्त आणि भावपूर्ण आवाज दिला आहे. त्यांच्या आवाजामुळे गाण्यातील भक्तिभाव अधिक प्रभावीपणे जाणवतो.
पंकज पडघन यांनी गाण्याला संगीत दिलं असून त्यांच्या संगीत रचनेतून गणेशोत्सवाचा उत्सवी रंग खुलतो. तर गुरु ठाकूर यांच्या शब्दांमधून बाप्पाप्रतीची श्रद्धा आणि भक्तिभाव व्यक्त होतो.
संगीतकार पंकज पडघन यांनी गाण्याबद्दल सांगितलं की, ‘गणेश वंदना’ तयार करताना भक्तिभाव आणि उत्सवाचा आनंद यांचा सुंदर मेळ साधण्याचा प्रयत्न करण्यात आला. बाप्पाशी जोडलेली श्रद्धा आणि ‘आली मोठी शहाणी’च्या कथेतील भावनिक धागा संगीताच्या माध्यमातूनही जाणवावा, याकडे विशेष लक्ष दिल्याचं त्यांनी सांगितलं.
बाप्पाच्या आगमनाच्या उत्साहात हे गाणं प्रेक्षकांच्या मनातही आनंद आणि सकारात्मक ऊर्जा निर्माण करेल, अशी अपेक्षाही त्यांनी व्यक्त केली.
चित्रपटाच्या कथेशी जोडलेली आहे ‘गणेश वंदना’
लेखक-दिग्दर्शक आनंद दिलीप गोखले यांनी सांगितलं की, ‘आली मोठी शहाणी’च्या कथेत गणपती बाप्पाशी जोडलेला भाव महत्त्वाचा आहे. त्यामुळे ‘गणेश वंदना’ केवळ उत्सवाचा भाग न राहता चित्रपटाच्या कथेशी जोडलेली असावी, अशी टीमची इच्छा होती.
गाण्यात भक्तिभावासोबतच प्रसन्न ऊर्जा जाणवावी, यासाठी विशेष प्रयत्न करण्यात आल्याचं त्यांनी सांगितलं.
आनंद दिलीप गोखले लिखित-दिग्दर्शित ‘आली मोठी शहाणी’ या चित्रपटाची निर्मिती फाईन ब्रू प्रोडक्शन्स आणि ट्रू होप फिल्म्स वर्क यांच्या वतीने करण्यात आली आहे. जयकुमार मुनोत, ईशा मुठे आणि श्रुती साठे यांनी चित्रपटाची निर्मिती केली आहे.
चित्रपटात हृता दुर्गुळे आणि सारंग साठ्ये प्रमुख भूमिकेत दिसणार आहेत. ‘आली मोठी शहाणी’ हा चित्रपट २ ऑक्टोबरला प्रेक्षकांच्या भेटीला येणार आहे. गणेशोत्सवाच्या पार्श्वभूमीवर रिलीज झालेल्या ‘गणेश वंदना’मुळे चित्रपटाबद्दलची उत्सुकता आणखी वाढली आहे.
Haiwaan Movie Review: सायकॉलॉजिकल थ्रिलरचा नवा अध्याय: ‘हैवान’ चित्रपटाचा सविस्तर आढावा
.png "Videos"){kind=small}
