(फोटो सौजन्य-सोशल मीडिया)
Hruta Durgule: मराठी मनोरंजनसृष्टीत सध्या आगामी ‘आली मोठी शहाणी’ या चित्रपटाची चर्चा आहे. या चित्रपटातील ‘फुलपाखरू’ हे नवं गाणं प्रेक्षकांच्या भेटीला आलं असून, अभिनेत्री हृता दुर्गुळेचा स्वच्छंदी अंदाज या गाण्यात पाहायला मिळत आहे. गोव्याच्या सुंदर वातावरणात चित्रित झालेल्या या गाण्यात बाइक राईड, समुद्र आणि मोकळं आकाश यांची सुंदर झलक पाहायला मिळते.
‘फुलपाखरू’ या गाण्यात हृता दुर्गुळे अगदी मनमोकळ्या अंदाजात दिसते. कधी बाइकवरून गोव्याच्या रस्त्यांवर फिरताना, तर कधी समुद्राच्या सान्निध्यात निवांत क्षण घालवताना ती पाहायला मिळते. हिरवागार निसर्ग, सुंदर गल्ल्या आणि अथांग समुद्र यामुळे गाण्याचं लोकेशनही खास ठरतं.
हृताच्या चेहऱ्यावरचा आनंद आणि आयुष्याचा प्रत्येक क्षण मनाप्रमाणे जगण्याचा तिचा अंदाज गाण्याला वेगळी ऊर्जा देतो. त्यामुळे ‘फुलपाखरू’ हे गाणं केवळ ऐकण्यासाठीच नाही, तर पाहण्यासाठीही खास ठरतं. Hruta Durgule
गुरू ठाकूरांच्या शब्दांना पंकज पडघणांचं संगीत
‘फुलपाखरू’ या गाण्याचे बोल गुरू ठाकूर यांनी लिहिले आहेत. पंकज पडघण यांनी या गाण्याला संगीत दिलं असून अपूर्वा निषाद यांनी ते आपल्या आवाजात गायलं आहे. गाण्याचं नृत्यदिग्दर्शन उमेश जाधव यांनी केलं आहे.
गाण्याच्या संगीतासोबतच त्यातील दृश्यांनाही महत्त्व देण्यात आलं आहे. गोव्याचा निसर्ग आणि हृताचा बिनधास्त अंदाज यामुळे गाण्यात एक प्रसन्न वातावरण तयार होतं.
“गाण्यात एक वेगळाच मोकळेपणा आहे”
संगीत दिग्दर्शक पंकज पडघण यांनी ‘फुलपाखरू’बद्दल सांगितलं की, या गाण्यात एक वेगळाच मोकळेपणा आहे. शब्द आणि चालीतून आयुष्याकडे मनमुरादपणे पाहण्याची भावना प्रेक्षकांपर्यंत पोहोचावी, असा प्रयत्न करण्यात आला आहे. गोव्याचा निसर्ग आणि हृताचा स्वच्छंदी अंदाज यामुळे गाण्याला सुंदर ऊर्जा मिळाल्याचं त्यांनी सांगितलं.
“हे गाणं व्यक्तिरेखेचा सुंदर पैलू दाखवतं”
लेखक-दिग्दर्शक आनंद दिलीप गोखले यांच्या मते, ‘फुलपाखरू’ हे गाणं चित्रपटातील व्यक्तिरेखेची एक वेगळी बाजू दाखवतं. आजूबाजूचं जग अनुभवताना, छोट्या छोट्या गोष्टींमध्ये आनंद शोधताना आणि स्वतःच्या मनाप्रमाणे जगताना हृता या गाण्यात दिसते.
गोव्याच्या निसर्गाच्या पार्श्वभूमीवर हा अंदाज पडद्यावर साकारताना खूप मजा आल्याचंही त्यांनी सांगितलं.
निर्मात्या ईशा मुठे आणि श्रुती साठे यांनी ‘फुलपाखरू’मध्ये सकारात्मक आणि मोकळं वातावरण असल्याचं सांगितलं. गाणं पाहताना प्रेक्षकांनाही गोव्याच्या वातावरणाचा अनुभव यावा, असा प्रयत्न करण्यात आला आहे. हृताची बाइक राईड आणि गोव्याची निसर्गरम्य ठिकाणं गाण्याला खास बनवत असल्याचं त्यांनी सांगितलं.
२ ऑक्टोबरला ‘आली मोठी शहाणी’ प्रेक्षकांच्या भेटीला
आनंद दिलीप गोखले लिखित-दिग्दर्शित ‘आली मोठी शहाणी’ या चित्रपटाची निर्मिती फाईन ब्रू प्रोडक्शन्स आणि ट्रू होप फिल्म्स वर्क यांच्या वतीने करण्यात आली आहे. जयकुमार मुनोत, ईशा मुठे आणि श्रुती साठे हे या चित्रपटाचे निर्माते आहेत.
चित्रपटात हृता दुर्गुळे आणि सारंग साठ्ये यांच्या प्रमुख भूमिका आहेत. ‘आली मोठी शहाणी’ हा चित्रपट २ ऑक्टोबरला प्रेक्षकांच्या भेटीला येणार आहे.
.png "Videos"){kind=small}
