( फोटो सौजन्य- सोशल मिडिया)
१३ वर्षांनंतर पुन्हा एकत्र येणार ललित-प्राजक्ता
‘शुभ मंगलम जोडी दंगलम’मध्ये दिसणार नवी प्रेमकहाणी
शुभ मंगलम जोडी दंगलम’चा टीझर चर्चेत
maramaratLalit Prabhakar-Prajakta Mali: मराठी मनोरंजनसृष्टीतील लोकप्रिय जोडी ललित प्रभाकर आणि प्राजक्ता माळी पुन्हा एकदा प्रेक्षकांच्या भेटीला येणार आहे. ‘जुळून येती रेशीमगाठी’ या मालिकेतून प्रेक्षकांच्या मनात घर केलेली ही जोडी तब्बल १३ वर्षांनंतर पुन्हा एकत्र दिसणार आहे. ‘शुभ मंगलम जोडी दंगलम’ या आगामी चित्रपटातून दोघेही मोठ्या पडद्यावर एकत्र झळकणार आहेत. नुकताच या चित्रपटाचा टीझर समोर आला असून, त्याने प्रेक्षकांची उत्सुकता वाढवली आहे.
ललित प्रभाकर आणि प्राजक्ता माळी यांना एकत्र पाहण्याची इच्छा त्यांच्या चाहत्यांकडून अनेकदा व्यक्त केली जात होती. ‘जुळून येती रेशीमगाठी’मधील त्यांच्या सहजसुंदर केमिस्ट्रीला प्रेक्षकांनी भरभरून दाद दिली होती. त्यामुळे आता १३ वर्षांनंतर ही जोडी पुन्हा पडद्यावर एकत्र येत असल्याने चाहत्यांसाठी हा नक्कीच खास अनुभव ठरणार आहे.
‘शुभ मंगलम जोडी दंगलम’च्या टीझरमधून चित्रपटाच्या कथेबद्दल फारशी माहिती समोर आलेली नसली, तरी ललित आणि प्राजक्ता यांची जोडी पुन्हा पाहायला मिळणार असल्याने चित्रपटाबाबत कुतूहल निर्माण झालं आहे.
या चित्रपटाचे दिग्दर्शन प्रतीक पाटील करत आहेत. ललित प्रभाकर, प्रतीक पाटील आणि इरावती कर्णिक यांनी चित्रपटाची पटकथा लिहिली आहे. तर संवादलेखन इरावती कर्णिक यांनी केलं आहे.
चित्रपटाबद्दल बोलताना दिग्दर्शक प्रतीक पाटील यांनी सांगितलं की, ललित आणि प्राजक्ता यांची जोडी प्रेक्षकांच्या मनात आधीपासूनच आहे. मात्र, त्यांना पुन्हा एकत्र आणताना जुन्या ओळखीपलीकडे जाऊन एका नव्या विश्वात सादर करण्याचा प्रयत्न करण्यात आला आहे. ‘शुभ मंगलम जोडी दंगलम’मधील त्यांचा प्रवास प्रेम, गंमतीजंमती आणि अनपेक्षित वळणांनी भरलेला असल्याचं त्यांनी सांगितलं.
निर्माते नितीन प्रकाश वैद्य यांनीही या जोडीला पुन्हा एकत्र आणण्याबद्दल आनंद व्यक्त केला. ललित आणि प्राजक्ता यांना पुन्हा एकत्र पाहण्याची प्रेक्षकांची इच्छा होती. मात्र, या चित्रपटात केवळ लोकप्रिय जोडीची पुनरावृत्ती नसून त्यांच्यासाठी नवी कथा आणि नवं विश्व तयार करण्यात आलं असल्याचं त्यांनी सांगितलं.
निर्मात्या अश्विनी ब्रह्मनाथकर यांनीही ललित-प्राजक्ताची पडद्यावरील केमिस्ट्री आणि सहजता या कथेच्या भावविश्वाला योग्य असल्याचं म्हटलं. चित्रपटाच्या टीझरला मिळणारा प्रतिसाद पाहता प्रेक्षकांमध्ये या जोडीच्या पुनरागमनाबद्दल उत्सुकता निर्माण झाल्याचं त्यांनी सांगितलं.
Tumbbad 2: ‘तुम्बाड’च्या आठवणी पुन्हा ताज्या! रेकीदरम्यान सापडले ‘आटे की गुडिया’चे मूळ साचे
‘शुभ मंगलम जोडी दंगलम’ची निर्मिती
ज्युबिलंट फिल्म्स स्टुडिओ निर्मित या चित्रपटाचे निर्माते नितीन प्रकाश वैद्य आणि अश्विनी ब्रह्मनाथकर आहेत. दिग्दर्शनाची धुरा प्रतीक पाटील यांनी सांभाळली आहे. ललित प्रभाकर, प्रतीक पाटील आणि इरावती कर्णिक यांच्या लेखणीतून साकारलेली ही कथा प्रेक्षकांना प्रेमकहाणीच्या माध्यमातून मनोरंजनाची मेजवानी देणार आहे.
आता तब्बल १३ वर्षांनंतर ललित प्रभाकर आणि प्राजक्ता माळी यांची ही नवी ‘रेशीम’ केमिस्ट्री नेमकं कोणतं वळण घेते, हे पाहणं उत्सुकतेचं ठरणार आहे.
.png "Videos"){kind=small}
