(फोटो सौजन्य- सोशल मीडिया)
Mohsin Khan Marries Tamanna: हिंदी टेलिव्हिजनवरील लोकप्रिय मालिका ‘ये रिश्ता क्या कहलाता है’मधून घराघरात पोहोचलेला अभिनेता मोहसीन खान याच्या चाहत्यांसाठी आनंदाची बातमी आहे. मोहसीन खानने अखेर तमन्नासोबत लग्न केलं आहे. ऑगस्टमध्ये दोघांनी साखरपुड्याची घोषणा केली होती. आता ३ ऑक्टोबर रोजी एका खासगी सोहळ्यात दोघे विवाहबंधनात अडकले. मोहसीनने स्वतः सोशल मीडियावर लग्नाचा फोटो शेअर करत चाहत्यांना ही गुडन्यूज दिली आहे.
मोहसीन खानने आपल्या इन्स्टाग्रामवर तमन्नासोबतचा एक खास फोटो शेअर केला आहे. या फोटोसोबत त्याने “तो दिवस, माशाअल्लाह” असे कॅप्शन लिहिले आहे. फोटोमध्ये मोहसीन आणि तमन्नाचा रॉयल अंदाज पाहायला मिळत आहे. हा फोटो समोर येताच चाहत्यांनी दोघांवर शुभेच्छांचा वर्षाव करण्यास सुरुवात केली.
मोहसीन-तमन्नाचा रॉयल लूक
लग्नासाठी मोहसीनने आकर्षक ब्लॅक अँड व्हाइट टक्सीडो परिधान केला होता, तर तमन्ना बहुरंगी लेहेंग्यामध्ये अतिशय सुंदर दिसत होती. दोघांचा हा रॉयल लूक सोशल मीडियावर चर्चेचा विषय ठरत आहे. मोहसीनने आपल्या इन्स्टाग्राम स्टोरीवर लग्नातील आणखी काही फोटो आणि व्हिडीओ शेअर करत सोहळ्याची झलक दाखवली.
लग्नानंतर रिसेप्शनमध्ये कपलचा डान्स
मोहसीनच्या लग्नानंतर रिसेप्शन आणि वलिमा सोहळ्यातील अनेक व्हिडीओ सोशल मीडियावर व्हायरल होत आहेत. यातील एका व्हिडीओमध्ये मोहसीन आणि तमन्ना कुटुंबीय आणि मित्रांसोबत डान्स करताना दिसत आहेत. ‘तू ही सुबह है मेरी, तू मेरी शाम है’ आणि ‘चम्मक छल्लो’ यांसारख्या गाण्यांवर मोहसीन थिरकताना दिसत आहे.
मोहसीन आणि तमन्नाच्या मेहंदी सोहळ्याचा एक व्हिडीओही सोशल मीडियावर समोर आला आहे. या व्हिडीओमध्ये दोघांच्या खास दिवसातील आनंदी क्षण पाहायला मिळत आहेत. लग्नसमारंभातील फोटो आणि व्हिडीओ मोहसीनच्या फॅन क्लब्सकडूनही मोठ्या प्रमाणात शेअर केले जात आहेत.
मोहसीनने लग्नाची पोस्ट शेअर केल्यानंतर चाहत्यांनी कमेंट्समधून नवविवाहित जोडप्याला शुभेच्छा दिल्या. अनेक चाहत्यांनी या जोडीला ‘आदर्श कपल’ म्हणत त्यांच्या नव्या आयुष्यासाठी शुभेच्छा दिल्या आहेत.
.png "Videos"){kind=small}
