Faisal Shaikh Wedding Photos: (फोटो सौजन्य- सोशलमीडिया)
सोशल मीडियाचा किंग, यूट्यूबर Mr. Faisu म्हणजेच फैजल शेख सध्या त्याच्या लग्नामुळे प्रचंड चर्चेत आहे. गेल्या अनेक दिवसांपासून त्याच्या लग्नाच्या चर्चा सुरु होत्या, पण आता स्वतःने त्यावर शिक्कामोर्तब केला आहे. त्याने त्याच्या अधिकृत इंस्टाग्रामवर लग्नाचे फोटो शेअर करत चाहत्यांना सुखद धक्का दिला. पवित्र मदिना शहरात त्याचा लग्न सोहळा पार पडला. हे फोटो काही मिनिटांत तुफान व्हायरल झाले असून कमेंटचा पाऊस पडतोय.
युविका चौधरीच्या एका व्लॉगमध्ये एक सजलेली लग्नपत्रिका दिसली. त्यामुळे या चर्चांना उधाण आले. त्या पत्रिकेवर “Mr. Faisu आणि तान्या” असे स्पष्ट लिहिले होते. त्यामुळेच लोक अंदाज लावत होते की फैजलच्या बायकोचे खरे नाव निखत फातिमा असू शकते. तान्य हे तिचे लाडाचे नाव असावे. पत्रिका व्हायरल झाल्यापासूनच लोक सारखे विचारत होते की नक्की लग्न कधी आहे, मुलगी कोण आहे. पण फैजलने त्यावेळी काहीच सांगितले नव्हते. Mr Faisu Wedding Photos:
“आणि आम्ही तुमची जोड्यांच्या रूपात निर्मिती केली” 🤍 | कुराण ७८:८ एका स्वप्नाचे वास्तवात रूपांतर झाल्याबद्दल अल्लाहचे आभार (अल्हम्दुलिल्लाह) 🤲🏻❤️ मदिनासारख्या सुंदर शहरात, माझ्या संपूर्ण कुटुंबाच्या उपस्थितीत माझा ‘निकाह’ संपन्न झाला. हा एक असा आशीर्वाद आहे जो शब्दांत मांडता येणार नाही.
आम्ही एकत्रपणे या सुंदर प्रवासाची सुरुवात करत असताना, कृपया आम्हाला तुमच्या दुआंमध्ये (प्रार्थनांमध्ये) लक्षात ठेवा. अल्लाह आमच्या या विवाहाला असीम प्रेम आणि बरकतीने (समृद्धी व आशीर्वादाने) भरभरून आशीर्वाद देवो. आमीन 🤍🕌” असे कॅप्शन फैसूने दिले आहे.
फैजलने तब्बल 18 फोटो शेअर केले आहेत. फैजलने ऑफ व्हाईट रंगाची शेरवानी परिधान केली. तसेच त्यांच्या बायकोने ऑफ व्हाईट रंगाचा शरारा त्यावर लाल रंगाची ओढणी घेतली आहे.
लग्नपत्रिकेनंतर अजून एक व्हिडिओ सोशल मीडियावर तुफान व्हायरल झाला. यामध्ये पांढरा बुरखा परिधान केलेल्या मुलीच्या बाजूला फैजल उभा होता. आजपर्यंत कधीच कोणत्या मुलीसोबत तो अशा पद्धतीने पब्लिकमध्ये दिसला नव्हता. दरम्यान लोकांना खात्री पटली की
हीच मुलगी त्याची होणारी बायको असावी.
फैजलने स्वतः एका यूट्यूब व्लॉगमध्ये या सगळ्या बातम्यांना दुजोरा दिला. तो म्हणाला की तो खूप नशीबवान आहे कारण त्याचे लग्न अल्लाहचे घर असलेल्या पवित्र मदिना शहरात होणार आहे. यापेक्षा मोठी गोष्ट त्याच्यासाठी कोणतीच नाही. मात्र त्याने त्याच्या होणाऱ्या बायकोबद्दल जास्त काही माहिती दिली नाही. ती काय करते, तिचे शिक्षण काय आहे याबद्दल तो काहीच बोलला नाही. त्याला कदाचित सगळे प्रायव्हेटच ठेवायचे असेल.
फैसूचे नाव आधी अभिनेत्री जन्नत जुबेरसोबत खूप जोडले गेले होते. दोघेही टिकटॉकच्या काळापासून एकत्र व्हिडिओ बनवायचे. लोकांना वाटायचे की दोघे रिलेशनशिपमध्ये आहेत. पण दोघांनीही कधीच या गोष्टीला अधिकृत दुजोरा दिला नाही. ब्रेकअपच्या चर्चांवर पण दोघे गप्पच राहिले. पण आता फैसूच्या लग्नाच्या बातमीने हे स्पष्ट झाले आहे की तो आता आयुष्यात पुढे गेला आहे आणि त्याने जुन्या सगळ्या गोष्टी मागे सोडल्या आहेत.सध्या फैसूच्या लग्नाचे फोटो पाहून त्याचे फॅन्स खूप खुश आहेत. सगळेजण त्याला अभिनंदन करत आहेत. टिकटॉकपासून ते यूट्यूबपर्यंत त्याने खूप मोठा प्रवास केला आहे आणि आज तो इंडियातला सगळ्यात मोठा इन्फ्लुएन्सर आहे.
.png "Videos"){kind=small}
