(फोटो सौजन्य- सोशल मीडिया)
निकिता रावल काल रात्री एका पुरस्कार सोहळ्याला उपस्थित होती. यावेळी तिने रेड कार्पेटवर आकर्षक अंदाजात एन्ट्री केली. एका महिला चाहतीने निकितासोबत आधी सेल्फी काढला. त्यानंतर ती अभिनेत्रीच्या जवळ गेली आणि अचानक तिच्या ओठांवर किस केलं.
यानंतर या चाहतीने निकिताच्या गालावरही किस केल्याचं व्हिडिओमध्ये दिसत आहे. या अनपेक्षित प्रकारामुळे निकिता काही क्षणांसाठी गोंधळलेली दिसली.
सुरुवातीला निकिता हसताना दिसत असली तरी काही क्षणांतच तिच्या चेहऱ्यावर अस्वस्थता जाणवली. तिने रेड कार्पेटवर माध्यमांसाठी पोज देण्यासही नकार दिला आणि तिथून निघून गेली.
या घटनेचा व्हिडिओ सोशल मीडियावर मोठ्या प्रमाणात व्हायरल झाला. त्यानंतर अनेकांनी निकिताच्या प्रतिक्रियेबाबत चर्चा सुरू केली.
‘मी खूप घाबरले आहे’
या घटनेनंतर निकिता रावलने आपली प्रतिक्रिया दिली आहे. तिने सांगितलं की, हा प्रकार तिच्यासाठी अनपेक्षित आणि धक्कादायक होता.
“एखादी चाहती असं कसं करू शकते, हे मला समजत नाही. त्या मुलीने जबरदस्तीने माझ्या ओठांवर चुंबन घेतलं. मी खूप घाबरले आहे. मी सध्या धक्क्यात आहे. मला काय झालं आहे हेच समजत नाही. मी आता याबद्दल बोलणार नाही, पण लवकरच नक्कीच बोलेन,” असं निकिताने म्हटलं आहे.
या घटनेतून सावरण्यासाठी आपल्याला थोडा वेळ हवा असल्याचंही अभिनेत्रीने सांगितलं.
व्हिडिओवर सोशल मीडियावर विविध प्रतिक्रिया
निकिता रावलचा हा व्हिडिओ व्हायरल झाल्यानंतर सोशल मीडियावर विविध प्रतिक्रिया उमटत आहेत. काही युजर्सनी हा प्रकार पीआर स्टंट असल्याचा दावा केला आहे, तर काहींनी निकिताच्या प्रतिक्रियेवर प्रश्न उपस्थित केले आहेत. दरम्यान, अभिनेत्रीने मात्र हा प्रकार आपल्यासाठी धक्कादायक असल्याचं स्पष्ट केलं आहे.
.png "Videos"){kind=small}
