Priyanka Chopra Jonas: प्रियांका चोप्राची ग्लोबल फॅशनविश्वात मोठी झेप; पॅरिसमधील LVMH Prize मध्ये मिळाली खास जबाबदारी

Priyanka Chopra Jonas: पॅरिसमध्ये होणाऱ्या यंदाच्या LVMH Prize सोहळ्यात प्रियांका चोप्रा जोनस प्रतिष्ठित Karl Lagerfeld Prize प्रदान करणार आहे. या निमित्ताने प्रियांका आंतरराष्ट्रीय फॅशनच्या एका महत्त्वाच्या व्यासपीठावर विशेष भूमिका बजावताना दिसणार आहे.

• LVMH Prize मध्ये प्रियांकाची खास भूमिका
• प्रियांका चोप्रासोबत जेनिफर लॉरेन्स आणि याया
• Karl Lagerfeld Prize किती मानाचा?

Priyanka Chopra Jonas: ग्लोबल स्टार प्रियांका चोप्रा जोनस पुन्हा एकदा आंतरराष्ट्रीय फॅशनविश्वात चर्चेत आली आहे. पॅरिसमध्ये होणाऱ्या यंदाच्या LVMH Prize सोहळ्यात प्रियांका चोप्रा जोनस प्रतिष्ठित Karl Lagerfeld Prize प्रदान करणार आहे. या निमित्ताने प्रियांका आंतरराष्ट्रीय फॅशनच्या एका महत्त्वाच्या व्यासपीठावर विशेष भूमिका बजावताना दिसणार आहे.

जेनिफर लॉरेन्स आणि ‘याया’सोबत प्रियांकाची खास उपस्थिती

यंदाच्या LVMH Prize सोहळ्यात प्रियांकासोबत हॉलिवूड अभिनेत्री जेनिफर लॉरेन्स आणि थाई अभिनेत्री Urassaya ‘Yaya’ Sperbund यांचाही सादरकर्त्यांच्या यादीत समावेश आहे. जेनिफर लॉरेन्स Dior ची ambassador आहे, तर Urassaya ही Louis Vuitton सोबत जोडलेली आहे.

हा प्रतिष्ठित सोहळा Fondation Louis Vuitton, Paris येथे होणार आहे.

प्रियांका करणार Karl Lagerfeld Prize प्रदान

LVMH Prize मध्ये फॅशन क्षेत्रातील नव्या आणि उदयोन्मुख प्रतिभेचा गौरव केला जातो. यंदा नऊ अंतिम स्पर्धक तीन पुरस्कारांसाठी आमनेसामने आहेत. यामध्ये LVMH Prize, Karl Lagerfeld Prize आणि Savoir-Faire Prize यांचा समावेश आहे.

प्रियांका चोप्रा जोनस Karl Lagerfeld Prize प्रदान करणार आहे. या पुरस्काराच्या विजेत्याला २ लाख युरोचे अनुदान आणि LVMH तज्ज्ञांकडून एका वर्षाचे मार्गदर्शन मिळते.

नऊ डिझायनर्समध्ये रंगणार पुरस्कारांची चुरस

2026 LVMH Prize च्या अंतिम फेरीत Colleen Allen, De Pino, Institution, Julie Kegels, Lii, Petra Fagerström, Ponte, The Vxlley आणि Yoshita 1967 या नऊ ब्रँड्सची निवड झाली आहे. हे डिझायनर्स फॅशन क्षेत्रातील तीन प्रतिष्ठित पुरस्कारांसाठी स्पर्धा करणार आहेत.

Big Boss 20 Contestants: ‘बिग बॉस 20’मध्ये कोणाची लागणार वर्णी? माही विज, अर्शिफा खान ते ईशा रिखी; पाहा संभाव्य स्पर्धकांची यादी

ग्लोबल फॅशनविश्वात प्रियांकाचा वाढता प्रभाव

प्रियांका चोप्रा जोनस गेल्या काही वर्षांपासून आंतरराष्ट्रीय फॅशनविश्वात सातत्याने आपली छाप पाडताना दिसत आहे. Dior ambassador म्हणून ती जगभरातील महत्त्वाच्या फॅशन आणि लक्झरी इव्हेंटमध्ये सहभागी होत असते.

आता LVMH Prize सारख्या प्रतिष्ठित सोहळ्यात पुरस्कार प्रदान करण्याची जबाबदारी मिळाल्याने तिच्या ग्लोबल फॅशन प्रभावात आणखी एक महत्त्वाची भर पडली आहे. विशेष म्हणजे याच सोहळ्यात जेनिफर लॉरेन्ससारख्या हॉलिवूड स्टारसोबत ती presenter म्हणून दिसणार आहे.

फॅशन, लक्झरी आणि पॉप कल्चरच्या संगमावर प्रियांकाची ही उपस्थिती नक्कीच लक्षवेधी ठरणार आहे.

Love And War Movie: ‘लव्ह अँड वॉर’चं शूटिंग अखेर पूर्ण! रणबीर-आलिया-विकीच्या सिनेमाची आता ‘ही’ तयारी सुरू