Shraddha Kapoor: (फोटो सौजन्य- सोशलमीडिया))
बॉलिवूडची लाडकी अभिनेत्री श्रद्धा कपूर सध्या तिच्या नवीन सिनेमामुळे चर्चेत आहे. तिचा आगामी सिनेमा ‘ईठा‘ लवकरच येतोय आणि त्याचा ट्रेलर नुकताच रिलीज झाला आहे. या ट्रेलर लाँचसाठी एक भारी इव्हेंट मुंबईत करण्यात आला होता.आज दादरच्या प्लाझा थिएटरमध्ये ‘ईठा’चा ट्रेलर लाँच सोहळा पार पडला. या सोहळ्यासाठी श्रद्धाने एकदम हटके एन्ट्री घेतली. तिने पारंपरिक मराठमोळी साडी नेसली होती आणि जुन्या काळातल्या विंटेज गाडीतून ती आली. Shraddha Kapoor:
दादर परिसरात तिच्या चाहत्यांनी तिला बघण्यासाठी गर्दी केली होती. श्रद्धाने हात हलवून सगळ्यांचं प्रेम स्वीकारलं.पण या इव्हेंटचा सगळ्यात भारी क्षण वेगळाच होता. तिथे श्रद्धाच्या स्वागतासाठी काही खऱ्याखुऱ्या लावणी कलावंत आल्या होत्या. त्यांच्यासोबत श्रद्धाने जे केलं त्याचा व्हिडीओ आता सगळीकडे व्हायरल होतोय.
व्हायरल होत असलेल्या व्हिडीओमध्ये दिसतंय की, लावणी कलावंतांनी श्रद्धाचं स्वागत केलं. श्रद्धाने पण तिच्या नेहमीच्या नखरेल अदेने सगळ्यांना प्रतिसाद दिला. तिथल्या एका कलावंताने तिला फुगडी घालायचा आग्रह केला. श्रद्धाने पण तो आग्रह मोडला नाही.तिने लगेच त्या कलावंताचा हात पकडला आणि भर स्टेजवर फुगडी घालायला सुरुवात केली.
डोळ्यात डोळा घालून, पूर्ण एनर्जीने तिने फुगडी घातली. तिचा तो आनंद आणि उत्साह बघून तिथे असलेल्या सगळ्यांनी टाळ्या वाजवल्या. खरं तर ती एक बॉलिवूडची मोठी स्टार आहे, पण तिने अजिबात मोठेपणा दाखवला नाही. अगदी जमिनीवरच्या कलावंतांसोबत मिसळून ती नाचली, हेच लोकांना जास्त आवडलं. हाच व्हिडीओ आता इंस्टाग्रामवर खूप फिरतोय.
‘ईठा’ हा काही साधा सिनेमा नाही. यात श्रद्धा कपूर महाराष्ट्राच्या मोठ्या तमाशा कलावंत विठाबाई नारायणगावकर यांची भूमिका साकारते आहे. विठाबाईंचं नाव महाराष्ट्रात खूप मोठं आहे. त्यांच्या आयुष्यावर हा सिनेमा आधारित आहे.
या सिनेमात श्रद्धा एकटी नाही. तिच्यासोबत मोहम्मद झिशान अय्युब, आपला लाडका सिद्धार्थ जाधव आणि अनंत जोशी हे कलाकार पण मुख्य भूमिकेत आहेत. या सिनेमाचं दिग्दर्शन ‘छावा’ फेम लक्ष्मण उतेकर यांनी केलं आहे. निर्मिती मॅडॉक फिल्म्स आणि दिनेश विजन यांनी केली आहे.
सिनेमाचा ट्रेलर बघूनच लोकांना उत्सुकता लागली आहे. श्रद्धाने यासाठी खूप मेहनत घेतली आहे. लावणी, बोलीभाषा सगळं तिने शिकून घेतलंय. ट्रेलरमध्ये ती हुबेहूब विठाबाईंसारखी दिसते.
हा सिनेमा 4 डिसेंबर 2026 रोजी थिएटरमध्ये येणार आहे. म्हणजे अजून वेळ आहे, पण आतापासूनच प्रमोशन जोरात सुरू झालं आहे. दादरमध्ये मराठी माणसांच्या मध्ये ट्रेलर लाँच करणं, ही पण एक चांगली आयडिया होती. आता प्रेक्षकांना फक्त सिनेमाची वाट बघायची आहे.
.png "Videos"){kind=small}
