फोटो सौजन्य AI
विशेष म्हणजे चीनमधून निर्यात होणाऱ्या स्वस्त रसायनांचा वापर जगभरातील दैनंदिन जीवनात वापरल्या जाणाऱ्या असंख्य वस्तूंच्या निर्मितीत होत आहे . घरातील भिंतींना लावला जाणारा रंग , सोफ्यातील फोम , प्लॅस्टिकच्या कचऱ्याच्या पिशव्या आणि आंघोळीसाठी वापरले जाणारे शॅम्पू अशा अनेक उत्पादनांमध्ये चिनी रसायनांचा अप्रत्यक्ष सहभाग आहे .
चीनच्या रासायनिक उद्योगाची ताकद त्याच्या मोठ्या उत्पादन क्षमतेत आणि तुलनेने कमी उत्पादन खर्चात आहे . मोठ्या प्रमाणावर उपलब्ध असलेला कच्चा माल , औद्योगिक पायाभूत सुविधा आणि उत्पादनातील स्पर्धात्मक किमती यामुळे चिनी रसायनांना आंतरराष्ट्रीय बाजारपेठेत मागणी मिळत आहे . चीनचा जागतिक रासायनिक उत्पादनातील वाटा जवळपास निम्मा असल्याचे BASF च्या उद्योग अहवालात नमूद करण्यात आले आहे .
२०२६ मध्ये मध्यपूर्वेतील युद्धामुळे जगातील बऱ्याच देशांना फटका बसलेला आहे . अनेक छोटे मोठे उद्योग चालवणे कठीण होत आहे . यामुळे आशियातील अनेक रासायनिक उत्पादकांना कच्च्या मालाच्या पुरवठ्यात अडचणींचा सामना करावा लागत आहे .
मात्र चीनकडे कोळश्यावर आधारित रासायनिक उत्पादनाची मोठी क्षमता आणि कच्च्या तेलाचा साठा असल्याने त्याला तुलनेने फायदा झाला आहे . मार्च २०२६ मध्ये चीनच्या काही रासायनिक उत्पादनांच्या निर्यातीत मोठी वाढ नोंदवण्यात आली आहे . भारतासह अनेक आशियाई देशांसाठी चीन महत्वाचा पुरवठादार बनत आहे .
चीनच्या स्वस्त रसायनांमुळे अनेक उद्योगाचा उत्पादन खर्च कमी होतो . मात्र एका देशावर मोठ्या प्रमाणात अवलंबून राहिल्यास पुरवठा खंडित होणे , किमतीमध्ये अचानक बदल होणे आणि व्यापारविषयक निर्बंध यांसारखे धोके निर्माण होऊ शकतात . त्यामुळे विविध देश आपली स्थानिक रासायनिक उत्पादन क्षमता वाढवण्यावर भर देत आहेत . घरातील दैनंदिन वस्तूंपासून मोठ्या औद्योगिक उत्पादनापर्यंतचा चीनचा वाढता प्रभाव जागतिक अर्थव्यवस्थेतील बदल अधोरेखित करतो .
.png "Videos"){kind=small}
