Zee Marathi artists Ganeshotsav: गणरायाच्या स्वागताची तयारी जोरात! झी मराठी कलाकारांचा बाप्पासाठी खास प्लॅन

Zee Marathi artists Ganeshotsav:गणेशोत्सवाच्या निमित्ताने झी मराठीवरील कलाकारांनी आपल्या घरच्या बाप्पाच्या आठवणी आणि खास अनुभव शेअर केले आहेत. अभिनेता रोहित परशुराम याच्यासाठी यंदाचा गणेशोत्सव खास आहे.

• रोहितच्या तीन वर्षांच्या मुलीने रुईने बाप्पासाठी स्वतः आरास तयार केली.
• भोर येथे कुटुंबासोबत रोहितचा गणेशोत्सव; यंदा उत्सव साधेपणाने साजरा होणार.
• दगडूशेठ बाप्पाच्या दर्शनानंतर जिमचे साहित्य विकले गेल्याचा खास अनुभव रोहितने सांगितला.

गणेशोत्सव म्हणजे महाराष्ट्राचा जिव्हाळ्याचा सण. बाप्पा आले की घरात वेगळाच आनंद येतो. आरास, मोदक, आरत्या आणि सगळं कुटुंब एकत्र. प्रत्येकाच्या घरी बाप्पा साजरा करण्याची पद्धत वेगळी असते पण भावना एकच असते. झी मराठीवरील कलाकारांनी पण त्यांच्या घरच्या गणपतीबद्दल, त्यांच्या आठवणींबद्दल सांगितलं आहे.

रोहित परशुराम – कृष्णाईच्या लेकी मधला शंकर

रोहितसाठी यंदाचा गणपती खूप स्पेशल आहे. कारण त्याची तीन वर्षाची मुलगी रुई. रुईला आता सगळं कळायला लागलंय. तिने यंदा बाप्पाच्या येण्याआधी 15 दिवस आधीच तयारी सुरू केली आहे. एका पुठ्ठ्यावर चिकणमाती, फुलं लावून तिने स्वतः बाप्पासाठी डेकोरेशन बनवलं आहे. “बाप्पा येणार आहेत, त्यांच्यासमोर हे ठेवायचंय” असं तिनेच ठरवलंय. हे पाहून रोहित खूप खुश आहे. Zee Marathi artists Ganeshotsav:

रोहितचा गणपती दरवर्षी भोरला येतो. तिथे त्याचे आई वडील असतात. सगळं कुटुंब एकत्र येऊन सण साजरा करतात. पण यावर्षी काही महिन्यांपूर्वी त्याचे काका वारले, त्यामुळे मोठा उत्सव नसेल पण मनापासून साजरा करणार आहेत.

रोहितने दगडूशेठ बाप्पाबद्दल एक भारी अनुभव पण सांगितला. 2019 मध्ये त्याने पुण्यातली आपली जिम बंद करून अभिनयात यायचं ठरवलं. जिममध्ये 5-6 लाखाचं सामान होतं आणि एका आठवड्यात जागा खाली करायची होती. ते सामान विकणं शक्य नव्हतं. खूप टेन्शन आलं होतं. त्यावेळी त्याच्या बायकोने सांगितलं की एकदा बाप्पाला जाऊन सांगून ये. तो गेला, दर्शन घेतलं आणि बाप्पाला म्हणाला की मला यातून बाहेर काढ. आणि काय आश्चर्य, चौथ्या दिवशीच त्याच्या जिमचा एक विद्यार्थी जो सासवडला नवीन जिम टाकत होता, त्याने सगळं सामान विकत घेतलं. रोहित म्हणतो की तो बाप्पाचाच चमत्कार होता.

प्राप्ती रेडकर – सावळ्याची जणू सावली मधली सावली

प्राप्ती ही कोकणातली आहे. तिचं गाव आहे मालवणमधलं वैंगणी. दरवर्षी ती गणपतीसाठी गावी जाते. तिथे 11 दिवस गणपती असतो. यंदा पण ती 5-6 दिवस गावी असणार आहे. यावर्षी तिने बाप्पासाठी खास ‘रेडकरांचा बाप्पा’ अशी नेमप्लेट बनवून घेतली आहे. प्राप्ती सांगते की गावच्या गणपतीची मजा काही वेगळीच असते. रात्री जेवण झाल्यावर सगळे एकत्र बसून भजन करतात. तिचे काका सचिन रेडकर भजनी बुवा आहेत आणि तिचे बाबा पण गायक आहेत. त्यामुळे घरात भजनाची धमाल मैफल जमते. तिथली एक परंपरा तिला खूप आवडते. आंघोळ झाल्यावर अंगणातून किंवा रानातून बाप्पासाठी ताजी दुर्वा आणायची. याला ते ‘परडा’ म्हणतात. त्यासोबत शमीची पानं पण आणतात आणि मग पूजा करतात.

Chakra Upcoming Movie: पोस्टर पाहूनच अंगावर येईल काटा! ‘मृत्यूचक्र’ची रहस्यमय झलक प्रदर्शित

मुंबईत आल्यावर पण ती सार्वजनिक गणपतींचं दर्शन घेते. सगळ्यात आधी डोंगरीचा राजा, उमरखाडीचा राजा, मग चिंचपोकळीचा चिंतामणी, मुंबईचा राजा, परळचा राजा या सगळ्यांचं दर्शन ती घेते. बाप्पा विघ्नहर्ता आहे, तो सगळ्या संकटातून बाहेर काढतो अशी तिची श्रद्धा आहे.

शिवानी सोनार – तारिणी

पुण्यात वाढलेल्या शिवानीसाठी गणेशोत्सव हा सगळ्यात आवडता सण आहे. तिच्या माहेरी 10 दिवस गणपती असतो आणि सासरी दीड दिवसाचा गणपती असतो. दोन्हीकडे ती आनंदाने सण साजरा करते. पुण्याची असल्यामुळे तिने एक नियम केलाय की मानाच्या पाच गणपतींचं दर्शन घ्यायचंच. शूटिंगमधून वेळ काढून ती ते दर्शन घेते. तिला बाप्पाची आरास करायला खूप आवडतं. वेळ नसला तरी ती ऑनलाईन शॉपिंग करून आयडिया देत असते. तिच्या माहेरी एक परंपरा आहे की बाप्पाची मूर्ती तीच निवडते. हे काम आता तिचंच झालंय. तिला वेगवेगळ्या मूर्तीकारांच्या स्टॉलवर जाऊन मूर्ती बघायला खूप आवडतं. प्रत्येक मूर्तीचे हावभाव वेगळे असतात.

Bhootam Bhayyam OTT: थिएटरनंतर यशचा ‘भूतम् भयम्’ ओटीटीवर; रहस्य, भीती आणि थराराचा भन्नाट अनुभव देणारा सिनेमा कधी होणार रिलीज?

यंदा तिने एक नवीन गोष्ट ठरवली आहे. तिला तळणीचे मोदक छान जमतात पण उकडीचे मोदक फारसे जमत नाहीत. त्यामुळे यावर्षी ती तिच्या सासूबाईंकडून उकडीचे मोदक शिकणार आहे.तिघांच्या पण गोष्टी वेगळ्या आहेत पण सगळ्यांमध्ये एकच गोष्ट कॉमन आहे ती म्हणजे बाप्पावरचं प्रेम, कुटुंबासोबतचा आनंद आणि आपल्या परंपरेचा अभिमान.