मंगळवार, 3 नोव्हेंबर 2026
Chakra Upcoming Movie: पोस्टर पाहूनच अंगावर येईल काटा! (फोटो सौजन्य- सोशलमीडिया)
Mrutyuchakra Marathi Movie Release Date New Poster: जन्म आणि मृत्यू हे दोन असे सत्य आहेत जे कोणीच टाळू शकत नाही. भारतीय संस्कृतीत मृत्यूला शेवट मानत नाहीत. तर तो एका सायकलचा भाग आहे असं म्हणतात. माणूस जसं कर्म करतो तसाच त्याला पुढचा जन्म मिळतो. या जन्म मृत्यूच्या फेऱ्यातून सुटका म्हणजेच मोक्ष याच खोल विषयावर ‘मृत्यूचक्र’ नावाचा एक मराठी सिनेमा येत आहे. Chakra Upcoming Movie:
हा सिनेमा 23 ऑक्टोबरला थिएटरमध्ये रिलीज होणार आहे. नुकतंच या सिनेमाचं नवीन पोस्टर रिलीज झालं आणि पोस्टर पाहूनच अंगावर काटा येतो. सिनेमा भयपट आणि रहस्यमय असणार हे पोस्टरवरूनच कळतंय.
पोस्टर एकदम वेगळं बनवलं आहे. मध्ये एक मोठं प्राचीन चक्र दाखवलं आहे आणि त्या चक्रामध्ये एक लाल रंगाचा चंद्र किंवा ग्रह दिसतोय. त्या चक्राच्या आजूबाजूला वेगवेगळ्या लोकांचे चेहरे आहेत. प्रत्येक चेहऱ्यामागे एक वेगळी गोष्ट दडली आहे असं वाटतंय.
मागे एक जुनं मंदिर किंवा वाडा दिसतोय. सगळं वातावरण अंधारलेलं, भयानक आहे. एका बाजूला हॉस्पिटलचा सीन पण दाखवला आहे. पोस्टरवर लिहिलंय – ‘प्रत्येक मृत्यूमागे आहे एक अदृश्य सावली…’ म्हणजे गोष्ट काय आहे? मृत्यूच्या मागे काहीतरी गूढ शक्ती आहे का? हॉस्पिटल आणि जुनं मंदिर यांचा काय संबंध आहे? हे सगळे प्रश्न पोस्टर पाहून पडतात. नक्कीच सिनेमा हा मॉडर्न सायन्स आणि जुन्या अंधश्रद्धा किंवा अदृश्य शक्ती यांच्यातला संघर्ष दाखवणार असं वाटतंय.
हा सिनेमा श्री महादेव फिल्म प्रॉडक्शन आणि अध्यांश मोशन पिक्चर यांनी बनवला आहे. उन्मेश वाघमोडे हे निर्मात्या असून प्रणाली विलास वाघमोडे आणि अनुप्रिता कडू गंगावणे यांनी दिग्दर्शन केलं आहे
सिनेमाची कथा डॉ. सुधीर निकम यांनी लिहिली आहे. पटकथा आणि डायलॉग पण विलास वाघमोडे आणि डॉ. निकम यांचेच आहेत. क्रिएटिव्ह प्रोड्युसर म्हणून रोहन शहा आहेत. संपूर्ण महाराष्ट्रात हा सिनेमा जयेश मिस्त्री यांच्या UJM नेटवर्क्स अँड एंटरटेनमेंट तर्फे रिलीज होणार आहे.
कॅमेरा निशांत भागवत यांनी हाताळला आहे, तर एडिटिंग राहुल भातणकर यांचं आहे. म्युझिक केदार दिवेकर यांनी दिलं आहे. गाणी वलय मुळगुंद यांनी लिहिली आहेत आणि सुहास सावंत आणि शमिका भिडे यांनी गायली आहेत.
या सिनेमात मराठीतले मातब्बर कलाकार आहेत. शशांक शेंडे, अक्षया गुरव, पुष्कराज चिरपुटकर, आस्ताद काळे, वर्षा दांदळे, कृतिका तुळसकर, सानिका बनारसवाले, संजय शेजवळ, शलाका गाडे, शरा गायकवाड, जितेंद्र पोळ, अनिल रबाळे असे अनेक चांगले कलाकार यात काम करत आहेत.
शशांक शेंडे आणि पुष्कराज चिरपुटकर यांच्यासारखे ताकदीचे ऍक्टर असल्यामुळे सिनेमाची उत्सुकता आणखी वाढली आहे.’मृत्यूचक्र’ हा फक्त घाबरवणारा सिनेमा नाहीये. तर तो कर्म, नियती, पुनर्जन्म, मानवी अस्तित्वाचं गूढ या सगळ्यावर भाष्य करणार आहे. भय, रहस्य आणि इमोशन यांचं जबरदस्त मिश्रण या सिनेमात असणार आहे.
जर तुम्हाला थ्रिलर आणि भयपट आवडत असतील तर 23 ऑक्टोबरची तारीख लक्षात ठेवा. ‘मृत्यूचक्र’ नक्कीच तुम्हाला एक वेगळा अनुभव देईल. प्रत्येक मृत्यूमागची ती अदृश्य सावली कोण आहे, हे जाणून घेण्यासाठी थिएटरमध्ये जावंच लागेल.
