भोपाळ : मध्य प्रदेशात एकापाठोपाठ एक काँग्रेस नेते पक्ष सोडत आहे. माजी मुख्यमंत्री कमलनाथ यांचे निकटवर्तीय, काँग्रेस प्रवक्ते सय्यद जाफर (Syed Zafar) यांच्यासह छिंदवाड्यातील 65 नेत्यांनी भाजपात प्रवेश केला. मुख्यमंत्री मोहन यादव आणि प्रदेशाध्यक्ष व्हीडी शर्मा यांनी त्यांचे स्वागत केले.
भाजपमध्ये प्रवेश करणाऱ्यांमध्ये जिल्हा काँग्रेस कमिटीचे सरचिटणीस वीरेंद्र नईमा, अलोट विधानसभा युवक काँग्रेसचे अध्यक्ष सुरेश डागी, ब्लॉक काँग्रेस अध्यक्ष दिनेश मैनुखेडी, ब्लॉक अध्यक्ष दुर्गालाल अटोलिया, एनएसयूआयचे जिल्हा प्रभारी गोपाल सिसोदिया यांच्यासह 65 जणांचा समावेश आहे. भाजपची विचारधारा आणि पंतप्रधान नरेंद्र मोदी यांच्या विकास कार्याने प्रभावित होऊन आम्ही पक्षाचे सदस्यत्व स्वीकारले, असे यावेळी त्यांनी सांगितले.
उत्तराखंडमध्ये तीन नेत्यांचा राजीनामा
काँग्रेसने उत्तराखंडमधील लोकसभेच्या 5 पैकी केवळ 3 जागांसाठी उमेदवारांची नावे जाहीर केली आहे. हरिद्वार आणि नैनिताल या जागांसाठी उमेदवारांची घोषणा होणे बाकी आहे. यापूर्वी सोमवारी आणखी तीन काँग्रेस नेत्यांनी पक्ष सोडला. हे तिन्ही नेते पक्षाच्या कारभारावर नाराज असल्यामुळे त्यांनी काँग्रेसचा राजीनामा दिला आहे.
यात काँग्रेस गढवाल विभागाचे माजी उपाध्यक्ष केसर सिंह, कॉंग्रेसचे ज्येष्ठ नेते नवल किशोर आणि पौडी ब्लॉक प्रमुख दीपक यांचा समावेश आहे. तिघेही मनीष खंडुरी यांच्या जवळचे होते. केसर सिंह नेगी यांनी काँग्रेस पक्षाचे उपाध्यक्षपद भूषवले आहे. नवल किशोर यांनी 2017 आणि 2022 मध्ये काँग्रेसच्या तिकिटावर पौडी विधानसभा निवडणूक लढवली होती आणि दीपक काँग्रेसकडून पौडी ब्लॉक प्रमुख पदावर होते.
.png "Videos"){kind=small}
