Indore Manmad Railway: 25 मोठे पूल, 7 नवी स्थानके, बोगदा अन् 5 हजार कोटींची निविदा ; इंदूर-मनमाड रेल्वे मार्गाला मिळणार गती

Indore Manmad Railway: देशभरात रेल्वेचे जाळे पसरत आहेत. अशातच आता बहुप्रतिक्षित इंदूर-मनमाड रेल्वे मार्ग प्रकल्पाला मोठी गती मिळाली आहे. मध्य रेल्वेच्या बांधकाम संघटनेने डॉ. आंबेडकर नगर (महू) ते ग्यासपूरखेडी या 72.66 किलोमीटरच्या टप्प्यासाठी 4,930.91 कोटी रुपयांची ईपीसी ई-निविदा जारी केली आहे.

• इंदूर-मनमाड रेल्वे मार्गाला गती!
• 4,930 कोटींची निविदा जारी
• 4 वर्षांत 72.66 किमी मार्ग उभारणार

Indore Manmad Railway: भारतीय रेल्वेचे जाळे संपूर्ण देशभरात वेगाने पसरत असून भारतीय रेल्वे ही जगभरातील चौथी सर्वात मोठी रेल्वे प्रणाली आहे. याचदरम्यान आता इंदूर आणि माळवा- निमार हा पश्चिम- मध्य मध्य प्रदेशातील एक अत्यंत समृद्ध, सांस्कृतिक आणि ऐतिहासिकदृष्ट्या महत्त्वाचा प्रदेश आहे. याचपार्श्वभूमीवर इंदूर आणि माळवा-निमार प्रदेशासाठी महत्त्वाचा मानला जाणारा इंदूर-मनमाड रेल्वे मार्ग प्रकल्प आता प्रत्यक्ष बांधकामाच्या दिशेने पुढे सरकला आहे. (Indore Manmad Railway)

मध्य रेल्वेच्या बांधकाम संघटनेने या प्रकल्पातील महत्त्वाच्या टप्प्यासाठी 4,930.91 कोटी रुपयांची ईपीसी ई-निविदा जारी केली आहे. यामुळे अनेक वर्षांपासून प्रतीक्षेत असलेल्या या रेल्वे मार्गाच्या कामाला गती मिळण्याची अपेक्षा आहे.

Palghar Storm Rain : पालघरला वादळी पावसाचा मोठा फटका! घरांची पडझड, झाडे अन् वीजखांब कोसळले; संसार उघड्यावर

72.66 किलोमीटरचा पहिला महत्त्वाचा टप्पा

या निविदेअंतर्गत डॉ. आंबेडकर नगर (महू) ते ग्यासपूरखेडी या 72.66 किलोमीटर लांबीच्या रेल्वे विभागाचे बांधकाम प्रस्तावित आहे. या कामाची अंदाजित किंमत 4,930.91 कोटी रुपये आहे. कंत्राट प्रक्रिया पूर्ण झाल्यानंतर संबंधित एजन्सीला हे काम 48 महिन्यांत म्हणजेच चार वर्षांत पूर्ण करावे लागणार आहे.

25 मोठे पूल आणि 7 नवीन स्थानके

या रेल्वे मार्गाचा काही भाग डोंगराळ परिसरातून जाणार असल्याने मोठ्या प्रमाणावर पायाभूत सुविधा उभारल्या जाणार आहेत. प्रस्तावित कामांमध्ये 25 मोठे रेल्वे पूल, अनेक छोटे पूल, चार रोड ओव्हर ब्रिज, एक बोगदा आणि उन्नत रेल्वे याडक्टचा समावेश आहे. 72.66 किलोमीटरच्या मार्गावर ग्यासपूरखेडी, चिक्त्यावाड, नीमगड, सराई तलाव, झाडी बडोदा, केलाउड आणि कामदपूर अशी सात नवीन रेल्वे स्थानके प्रस्तावित आहेत.

महाराष्ट्राशी रेल्वे कनेक्टिव्हिटी मजबूत होणार

इंदूर-मनमाड रेल्वे मार्ग पूर्ण झाल्यानंतर माळवा-निमार प्रदेशाची महाराष्ट्रासह पुढे दक्षिण भारताशी रेल्वे कनेक्टिव्हिटी अधिक मजबूत होण्याची अपेक्षा आहे. खासदार शंकर लालवाणी यांनी या प्रकल्पामुळे शेतकरी, व्यापारी आणि उद्योगांना फायदा होईल तसेच रोजगाराच्या संधी वाढतील, असे म्हटले आहे.

विशेषतः कृषी उत्पादन आणि मालवाहतुकीसाठी हा मार्ग महत्त्वाचा ठरू शकतो. रेल्वेचे थेट जाळे उपलब्ध झाल्यामुळे मालाची वाहतूक अधिक वेगाने होण्यास मदत होईल आणि लॉजिस्टिक्सवरील वेळ व खर्च कमी होण्याची अपेक्षा व्यक्त केली जात आहे. त्यामुळे इंदूरसह माळवा-निमारच्या आर्थिक आणि औद्योगिक विकासासाठी हा रेल्वे प्रकल्प महत्त्वाचा मानला जात आहे.

Pradeep Purnekar Murder : उद्धव ठाकरे थेट पूर्णेकर कुटुंबीयांच्या भेटीला, ‘शेवटपर्यंत तुमच्यासोबत’ म्हणत दिला मोठा शब्द