Assembly Election 2026: देशातील पाच राज्यांचे ‘सरकार’ बदलणार? निवडणूक आयोगाकडून तारखा जाहीर; कधी अन् किती टप्प्यांत होणार मतदान?

Assembly Election 2026 News: निवडणूक आयोगाने ५ राज्यांच्या विधानसभा निवडणुकीच्या तारखा जाहीर केल्या आहेत. बंगालमध्ये २३ आणि २९ एप्रिलला मतदान होईल, तर ४ मे रोजी निकाल लागतील.

• देशातील पाच राज्याचे ‘सरकार’ बदलणार?
• निवडणूक आयोगाकडून तारखा जाहीर
• पाहा कधी आणि किती टप्प्यांत होणार मतदान?

Assembly Election 2026: केंद्रीय निवडणूक आयोगाने (ECI) आज पश्चिम बंगाल, तामिळनाडू, केरळ, आसाम आणि पुद्दुचेरी या पाच राज्यांच्या विधानसभा निवडणुकांच्या तारखांची घोषणा केली आहे. आज संध्याकाळी 4 वाजता विज्ञान भवन येथे झालेल्या पत्रकार परिषदेत मुख्य निवडणूक आयुक्त आणि त्यांच्या पथकाने मतदानाचे संपूर्ण वेळापत्रक जाहीर केले.See more

Election Commission of India announces dates for Assembly elections in 5 states/UTs. 1. Assam- Date of Polling- 9th April; Date of Counting 4th May 2. Tamil Nadu- Date of Polling- 23rd April; Date of Counting- 4th May 3. West Bengal- Date of Polling- 23rd April (1st phase),… pic.twitter.com/wiM3u6FhIc — ANI (@ANI) March 15, 2026

देशातील पाच राज्याचे ‘सरकार’ बदलणार?

निवडणूक आयोगाने दिलेल्या माहितीनुसार, या पाचही राज्यांची मतमोजणी 4 मे 2026 रोजी होणार आहे. प्रमुख राज्यांचे वेळापत्रक खालीलप्रमाणे आहे:

• पश्चिम बंगाल: यावेळेस बंगालमध्ये हिंसाचार रोखण्यासाठी कडेकोट बंदोबस्त असेल. येथे दोन टप्प्यांत मतदान होईल. पहिला टप्पा 23 एप्रिल आणि दुसरा टप्पा 29 एप्रिल रोजी पार पडेल. मतमोजणी 4 मे 2026 रोजी होणार आहे.
• तामिळनाडू: राज्यात एकाच टप्प्यात 23 एप्रिल रोजी मतदान होईल. मतमोजणी 4 मे 2026 रोजी होणार आहे.
• आसाम: आसाममध्ये 9 एप्रिल रोजी एकाच टप्प्यात मतदान प्रक्रिया पार पडेल. मतमोजणी 4 मे 2026 रोजी होणार आहे.
• केरळ: केरळमध्येही 9 एप्रिल रोजी नागरिक आपला मतदानाचा हक्क बजावतील. मतमोजणी 4 मे 2026 रोजी होणार आहे.
• पुद्दुचेरी: केंद्रशासित प्रदेश पुद्दुचेरीमध्ये 9 एप्रिल रोजी एकाच दिवशी मतदान होईल. मतमोजणी 4 मे 2026 रोजी होणार आहे.

Assam Election 2026 : आसामच्या निवडणुकांमध्ये अरविंद केजरीवालांची एन्ट्री; जाहीर केले 14 उमेदवार

निवडणूक प्रक्रियेत २५ लाख कर्मचारी सहभागी होणार

मुख्य निवडणूक आयुक्तांनी सांगितले की, निवडणूक प्रक्रिया पार पाडण्यासाठी एकूण 25 लाख कर्मचारी योगदान देतील. यांपैकी 15 लाख कर्मचारी मतदान प्रक्रिया सुलभ करण्याचे काम करतील. याव्यतिरिक्त, 8,50,000 सुरक्षा कर्मचारी तैनात केले जातील. मतदान केंद्रांवर 49,000 सूक्ष्म-निरीक्षक आणि 1,444 निरीक्षक नियुक्त असतील. मतमोजणीसाठी 40,000 मतमोजणी अधिकारी, 21,000 क्षेत्रीय अधिकारी आणि 15,000 सूक्ष्म-निरीक्षक असतील.