भोपाळ : मध्य प्रदेशात मंत्रिमंडळाचा विस्तार आज (दि.२५) होणार आहे. याबाबत स्वतः मुख्यमंत्री मोहन यादव (Mohan Yadav) यांनी रविवारी रात्री माहिती दिली आहे. मोहन यादव यांनी सांगितले की, सोमवारी दुपारी साडेतीन वाजता शपथविधी होणार आहे.
ते म्हणाले, पंतप्रधान नरेंद्र मोदी, गृहमंत्री अमित शाह आणि भाजप अध्यक्ष जेपी नड्डा यांच्या नेतृत्वाखाली आम्ही डबल इंजिन सरकारचा भाग म्हणून मध्य प्रदेशच्या विकासाची शपथ घेणार आहोत. याआधी मोहन यादव यांनी दोन दिवस दिल्लीत भाजपच्या सर्व नेत्यांची भेट घेतली.
मध्य प्रदेशाच्या यादव सरकारमध्ये नवीन चेहऱ्यांना संधी मिळू शकते, असे सूत्रांचे म्हणणे आहे. मोहन यादव यांच्या मंत्रिमंडळात नव्या-जुन्या चेहऱ्यांमध्ये ताळमेळ राहील, असेही बोलला जात आहे. मंत्रिमंडळात किमान 15-18 मंत्र्यांचा समावेश असेल.
.png "Videos"){kind=small}
