IND vs PAK: ‘हा सामना नाही, ही सट्टेबाजी आहे…’ भारत-पाकिस्तान सामन्यावर काँग्रेस खासदार पुन्हा संतापले

आजच्या भारत-पाकिस्तान सामन्यावर पुन्हा वाद सुरू झाला आहे. काँग्रेस खासदार इम्रान मसूद यांनी या सामन्याला 'सट्टेबाजी' म्हटले असून, ऑपरेशन सिंदूरमुळे याला विरोध दर्शवला आहे.

• ‘हा सामना नाही, ही सट्टेबाजी आहे…’
• भारत-पाकिस्तान सामन्यावर काँग्रेस खासदार पुन्हा संतापले
• ऑपरेशन सिंदूर’नंतर सामन्याला विरोध

आशिया कप २०२५ मध्ये आज पुन्हा एकदा भारत आणि पाकिस्तान हे संघ आमनेसामने येणार आहेत. ‘ऑपरेशन सिंदूर’च्या घटनेनंतर दोन्ही संघ दुसऱ्यांदा एकमेकांविरुद्ध खेळत आहेत. या सामन्यावर आधीही विरोध दर्शवला गेला होता, पण आता पुन्हा एकदा सामन्याला तीव्र विरोध होत आहे.

काँग्रेस खासदार संतापले

भारत आणि पाकिस्तान यांच्यातील आजच्या सुपर फोरच्या सामन्यावर काँग्रेस खासदार इम्रान मसूद यांनी एक मोठे विधान केले आहे. त्यांनी या सामन्याला थेट विरोध दर्शवला आहे. इम्रान मसूद म्हणाले, “हा सामना नाही, ही सट्टेबाजी आहे आणि हा पैशांचा खेळ आहे.” याआधी १४ सप्टेंबर रोजी दुबईमध्ये झालेल्या सामन्यात भारताने पाकिस्तानला हरवले होते.

ऑपरेशन सिंदूर’नंतर सामन्याला विरोध

काँग्रेस नेते इम्रान मसूद म्हणाले, “ज्या महिलांचे ‘सिंदूर’ पुसले गेले, त्यांना विचारा की त्यांच्यावर काय बीतत असेल. पीडित महिलांनी तर असेही म्हटले की, ‘हे इतके निर्दयी कसे असू शकतात?’ पण यांना तर आपले काम चालवायचे आहे, पैसा कमवायचा आहे.”

See more

#WATCH | Delhi: On the India vs Pakistan Super Four stage match in the Asia Cup 2025 today, Congress MP Imran Masood says, “This isn’t a match; it’s a betting game, a game of money… Ask the sisters whose vermillion has been ruined what they’re going through. They even said,… pic.twitter.com/fgOTGjEUJU

— ANI (@ANI) September 21, 2025

पहिल्या लीग सामन्यात भारताने पाकिस्तानला ७ विकेट्सने हरवले होते. त्यावेळीही या सामन्याला मोठा विरोध झाला होता. ‘ऑपरेशन सिंदूर’मधील पीडितांपासून अनेक नेत्यांनी दोन्ही देशांमध्ये खेळल्या जाणाऱ्या या सामन्यावर आक्षेप घेतला होता. मागील सामन्यात खेळाडूंमध्ये ‘नो हँडशेक’ वादही झाला होता, आणि आता पुन्हा दोन्ही संघ समोरासमोर येत आहेत.

Raj Thackeray cartoon Art : उठा चला…आपण जिंकलो? राज ठाकरेंचे व्यंगचित्रातून भारत-पाक सामन्यावर टीकास्त्र

भाजप नेत्यांनी व्यक्त केला विजयाचा विश्वास

आजच्या सामन्यावर झारखंडचे माजी मुख्यमंत्री आणि भाजप नेते रघुबर दास यांनीही प्रतिक्रिया दिली आहे. ते म्हणाले, “भारत पुन्हा जिंकेल. संपूर्ण देश आणि पाकिस्तानी लोकांनाही माहीत आहे की विजय भारतीय खेळाडूंचाच होईल.” भाजप नेते दिलीप घोष म्हणाले, “भारत आशिया कपमध्ये चांगला खेळत आहे. मागच्या सामन्यात जे घडले, तेच पुन्हा होईल. ते चांगला खेळतील आणि जिंकतील, अशी सगळ्यांना आशा आहे.”

‘आप’ नेही दर्शवला होता विरोध

आशिया कपच्या पहिल्या सामन्याला काँग्रेसपासून ते आम आदमी पार्टी (आप) पर्यंत सर्वांनीच विरोध दर्शवला होता. ‘आप’चे संयोजक अरविंद केजरीवाल यांनी ‘एक्स’ (पूर्वीचे ट्विटर) या सोशल मीडिया हँडलवर म्हटले होते की, “पाकिस्तानसोबत सामना खेळणे हा देशद्रोह आहे आणि प्रत्येक भारतीय यामुळे नाराज आहे.” ‘आप’चे ज्येष्ठ नेते मनीष सिसोदिया यांनीही पंतप्रधान मोदींच्या ‘दहशतवाद आणि चर्चा एकत्र होऊ शकत नाही’ या विधानाचा संदर्भ देत सामन्यावर टीका केली होती.