Asia cup 2025 : पाकिस्तानला झटका! IND vs PAK सामन्यासाठी अँडी पायक्रॉफ्टच सामनाधिकारी;आयसीसीची ताठर भूमिका 

आज रविवारी, २१ सप्टेंबर रोजी भारत आणि पाकिस्तान पुन्हा आमनेसामने येणार आहे. या सामन्यासाठी आयसीसीकडून समनाधिकारी म्हणून वादग्रस्त ठरलेले अँडी पायक्रॉफ्ट यांचीच नियुक्ती करण्यात आली आहे.

• २१ सप्टेंबर रोजी भारत आणि पाकिस्तान हे दोन्ही संघ दुसऱ्यांदा आमनेसामने 
• आशिया कप २०२५ मध्ये आज भारत-पाकिस्तान महामुकाबला 
• भारत-पाकिस्तान सामन्यासाठी सामनाधिकारी म्हणून अँडी पायक्रॉफ्ट नियुक्त 

Andy Pycroft will be the match referee for the ND vs PAK match: आज म्हणजेच रविवार २१ सप्टेंबर रोजी भारत आणि पाकिस्तान हे दोन्ही संघ दुसऱ्यांदा आशिया कप २०२५ (Asia cup 2025)  या स्पर्धेत आमनेसामने येणार आहेत. गट टप्प्यात १४ सप्टेंबर रोजी भारत आणि पाकिस्तान समोरसमोर आले होते. या सामन्यात भारताने पाकिस्तान संघाचा एकतर्फी धुव्वा उडवला होता. या सामान्यानंतर हस्तांदोलन केल्याने मोठा वाड निर्माण झाला होता. यामध्ये एलिट पॅनेलचे सामनाधिकारी अँडी पायक्रॉफ्ट हे वादग्रस्त ठरले होते. त्यांच्याविरोधात पाकिस्तान संघाने चांगलाच मोर्चा वळवला होता. परंतु, आयसीसी पायक्रॉफ्ट यांच्याबाजून उभी होती. आजच्या भारत आणि पाकिस्तान यांच्यातील  सामन्यात सामनाधिकारी म्हणून आयसीसीमने अँडी पायक्रॉफ्ट यांचीच नियुक्ती केली आहे. त्यामुळे पाकिस्तान संघासाठी मोठा झटका मानला जात आहे.

हेही वाचा : Asia cup 2025 : ‘पाकिस्तानी संघ लोकल संघासारखा…’, भारताच्या माजी दिग्गज खेळाडूचे खणखणीत ताशेरे

रविवारच्या सामन्यासाठी सामनाधिकारींची यादी अद्याप सार्वजनिक केलेली नाही. वेस्ट इंडिजचे माजी कर्णधार रिची रिचर्डसन हे या स्पर्धेतील दुसरे सामनाधिकारी आहेत. गेल्या रविवारी धोरणात्मक निर्णय म्हणून भारतीय संघाने पाकिस्तानी संघाशी हस्तांदोलन केले नाही आणि पायक्रॉफ्ट त्या सामन्यासाठी सामनाधिकारी होते. परंतु भारतीय कर्णधार सूर्यकुमार यादवने टॉस दरम्यान परंपरा पाळली नाही तेव्हा पायक्रॉफ्ट वादाचे केंद्र बनले. त्यानंतर पाकिस्तानी संघाने आंतरराष्ट्रीय क्रिकेट परिषदेला  दोन ईमेल पाठवले, पहिला ईमेल पायक्रॉफ्टला स्पर्धेतून काढून टाकण्याची विनंती करत होता आणि दुसरा ईमेल त्यांच्या संघाच्या सामन्यांमधून काढून टाकण्याची विनंती करत होता.

आयसीसी त्यांच्या एलिट पॅनेल रेफरीच्या पाठीशी ठामपणे उभा राहिला आणि पीसीबीच्या दोन्ही मागण्या स्पष्टपणे फेटाळून लावल्या. आयसीसीने पीसीबीचा पायक्रॉफ्टने खेळाच्या भावनेचे उल्लंघन केल्याचा दावाही फेटाळून लावला. आयसीसीने म्हटले आहे की, तो फक्त एक संदेशवाहक होता जो आशियाई क्रिकेट परिषदेच्या नियुक्त स्थळ व्यवस्थापकाकडून मिळालेला संदेश पाठवत होता.

पीसीबीचे सर्व आरोप फेटाळून लावले..

आयसीसीने नंतर पायक्रॉफ्ट आणि पाकिस्तानी संघ व्यवस्थापन यांच्यात बैठक आयोजित केली, जिथे पंचांनी चुकीच्या संवादाबद्दल दिलगिरी व्यक्त केली. त्यानंतर आयसीसीने दुसऱ्या ईमेलमध्ये स्पष्ट केले की पायक्रॉफ्टने कधीही माफी मागितली नाही तर केवळ गैरसमजाबद्दल दिलगिरी व्यक्त केली. आयसीसीने पीसीबीवर खेळाडू आणि सामना अधिकाऱ्यांच्या क्षेत्राशी संबंधित प्रोटोकॉलचे उल्लंघन केल्याचा आरोपही केला. तथापि, पीसीबीने हे नाकारले

हेही वाचा : IND vs PAK : Dream11 ने 1.1 कोटी पैशांची स्पर्धा सुरू, तुम्हालाही मोफत सहभागी व्हायचे आहे का?

सामनाधिकारी हटविल्याने चुकीचा आदर्श निर्माण होण्याची शक्यता

या घटनेनंतरही भारत आणि पाकिस्तान यांच्यातील दुसऱ्या सामन्यासाठी पायक्रॉफ्टची नियुक्ती करणे हे स्पष्ट संकेत आहे की जागतिक संघटना आपल्या भूमिकेपासून मागे हटण्यास तयार नाही, कारण झिम्बाब्वेच्या माजी कसोटी फलंदाजाला काढून टाकल्याने एक वाईट आदर्श निर्माण झाला असता असे यामागचे कारण आहे. दरम्यान, पाकिस्तानी संघ व्यवस्थापनाने सुपर ४ सामन्यापूर्वी माध्यमांशी न बोलण्याचा निर्णय घेतला. पायक्रॉफ्टच्या नियुक्तीशी संबंधित प्रश्न आणि हस्तांदोलन करण्यास नकार देण्याच्या वादातून बाहेर पडण्यासाठी पाकिस्तानने पुन्हा एकदा सामन्यापूर्वीची पत्रकार परिषद रद्द केली आहे.