Delhi Assembly Election Result: दिल्लीच्या निकालावर एकनाथ शिंदेंची प्रतिक्रिया; म्हणाले , “१० वर्षे असलेलं ‘आप’चे…”

Delhi Assembly Election Result: दिल्लीत भाजपने अभूतपूर्व यश प्राप्त केले आहे. भाजपने 48 जागा जिंकल्या आहेत. 2020 मध्ये केवळ 8 जागा जिंकणाऱ्या भाजपच्या जागांमध्ये तब्बल 40 जागांची वाढ झाली आहे.

 Delhi Assembly Election Result 2025 : दिल्ली विधानसभेचा निकाल जाहीर झाला आहे. या निवडणुकीत भाजपने जोरदार मुसंडी मारली आहे. तब्बल 27 वर्षांच्या प्रतिक्षेनंतर दिल्लीत भाजपचे सरकार स्थापन होणार आहे. दिल्लीमध्ये आम आदमी पक्षाचा सुपडा साफ झाला आहे.  नवी दिल्ली मतदारसंघातील भाजप उमेदवार प्रवेश वर्मा यांनी अरविंद केजरीवाल यांचा पराभव केला असून विधानसभा निवडणुकीत विजय मिळवला. दिल्लीत आम आदमी पक्षाचा पराभव झाला आहे. दरम्यान भाजपच्या विजयवार उपमुख्यमंत्री एकनाथ शिंदे यांनी आपली प्रतिक्रिया व्यक्त केली आहे.

दिल्लीत भाजपने अभूतपूर्व यश प्राप्त केले आहे. भाजपने 48 जागा जिंकल्या आहेत. 2020 मध्ये केवळ 8 जागा जिंकणाऱ्या भाजपच्या जागांमध्ये तब्बल 40 जागांची वाढ झाली आहे. यावर बोलताना एकनाथ शिंदे यांनी हा विजय म्हणजे मोदी यांच्या गॅरंटीच्या विजय असल्याचे म्हटले आहे, अशी प्रतिक्रिया दिली आहे. एकनाथ शिंदे यांनी ‘एक्स’वर पोस्ट करत मोदींचे आणि भाजपचे अभिनंदन केले आहे.

काय म्हणाले उपमुख्यमंत्री एकनाथ शिंदे? 

यह मोदीजी की गॅरंटी का कमाल है | महाराष्ट्रा पाठोपाठ दिल्लीमधील मतदारांनीही पंतप्रधान माननीय नरेंद्र मोदीजी यांच्या नेतृत्वावर पूर्ण विश्वास व्यक्त केला आहे. भारतीय जनता पक्षाची आणि एनडीएची विजयी घौडदौड सुरूच आहे. त्याबद्दल मनःपूर्वक अभिनंदन! दिल्लीकरांवरचे गेली १० वर्षे असलेलं ‘आप’चे संकट या निमित्ताने दूर झाले आहे.

See more

यह मोदीजी की गॅरंटी का कमाल है |

महाराष्ट्रा पाठोपाठ दिल्लीमधील मतदारांनीही पंतप्रधान माननीय @narendramodi जी यांच्या नेतृत्वावर पूर्ण विश्वास व्यक्त केला आहे. भारतीय जनता पक्षाची आणि एनडीएची विजयी घौडदौड सुरूच आहे. त्याबद्दल मनःपूर्वक अभिनंदन!

दिल्लीकरांवरचे गेली १० वर्षे…

— Eknath Shinde – एकनाथ शिंदे (@mieknathshinde) February 8, 2025

दिल्लीच्या विकासावर आलेली ही ‘आपदा’ टळली. त्याचबरोबर, संविधान, मतदान सगळे संकटात असल्याचा खोटा दावा करणाऱ्या काँग्रेस पक्षाला मतदारांनी पुन्हा एकदा चारी मुंड्या चित केलं आहे. खोटेपणा हरला आणि खरेपणाला मतदारांनी भरभरून साथ दिली, त्याबद्दल दिल्लीकर मतदारांना मनापासून धन्यवाद! घरोघरी लक्ष्मीची पावले उमटावीत म्हणून मोदीजींच्या नेतृत्वाखालील सरकारने सादर केलेल्या यंदाच्या केंद्रीय अर्थसंकल्पावरही मतदारांनी पसंतीची मोहोर उमटवली आहे. आपला देश आर्थिक महासत्ता होण्यापासून आता कोणी रोखू शकत नाही, यावरही मतदारांनी पूर्ण विश्वास व्यक्त केला आहे.

दिल्लीच्या मुख्यमंत्री आतिशी यांचा विजय

दिल्लीच्या मुख्यमंत्री आतिशी यांनी कालकाजी विधानसभा मतदारसंघातून विजयी झाल्या आहेत. तर आतिशी यांनी भाजपचे रमेश विधुरी आणि काँग्रेसच्या अलका लांबा यांचा पराभव केला. दिल्लीच्या मुख्यमंत्री आणि आम आदमी पक्षाच्या नेत्या आतिशी यांनी कालकाजी मतदारसंघातून निवडणूक जिंकली आहे. दिल्लीतील कालकाजी विधानसभा मतदारसंघात भारतीय जनता पक्षाशी झालेल्या चुरशीच्या लढतीत आम आदमी पक्षाने विजय मिळवला आहे. आप आणि भाजपमध्ये जोरदार लढत झाली, त्यानंतर मुख्यमंत्री आतिशी यांनी भाजपचे रमेश बिधुरी यांचा पराभव करून निवडणूक जिंकली. या जागेवर काँग्रेसने अलका लांबा यांना उमेदवारी दिली होती.

हेही वाचा :  Atishi Marlena: दिल्लीच्या मुख्यमंत्री आतिशी यांचा विजय, तर भाजपचे रमेश बिधुरी पराभूत

अरविंद केजरीवाल यांचा विधानसभा निवडणुकीत पराभव

दिल्ली विधानसभा निवडणुकीचे ट्रेंड येऊ लागले आहेत. यावेळी दिल्लीच्या ७० विधानसभा जागांपैकी ‘नवी दिल्ली’ जागा सर्वात जास्त चर्चेत आहे. नवी दिल्ली मतदारसंघातील भाजप उमेदवार प्रवेश वर्मा यांनी अरविंद केजरीवाल यांचा पराभव केला असून विधानसभा निवडणुकीत विजय मिळवला.

दिल्ली विधानसभा निवडणुकीत आम आदमी पक्षाला मोठा धक्का बसला आहे. एकीकडे ‘आप’ मोठ्या पराभवाकडे वाटचाल करत आहे. दुसरीकडे, दिल्लीचे माजी मुख्यमंत्री आणि आपचे संयोजक अरविंद केजरीवाल यांचा नवी दिल्ली मतदारसंघातून पराभव झाला आहे. भाजप उमेदवार प्रवेश वर्मा यांनी त्यांचा पराभव केला. तर काँग्रेसचे संदीप दीक्षित तिसऱ्या स्थानावर राहिले.