नवी दिल्ली : अनेक ऑनलाईन धोकादायक कर्ज ऍप्स (Loan Apps) असून, ते ग्राहकांना कर्ज देण्याच्या नावावर लुटमार करत असल्याचे उघडकीस आल्याने गुगल प्लेने (Google Play) सुमारे 17 बोगस कर्ज देणाऱ्या ऍप्सवर बंदी घालून त्यांना हटविले आहे.
सायबर सिक्युरिटी फर्म ईएसईटीनुसा, फसवणूक करणारे अॅप्स भारतासोबतच इतर देशांतील अँड्रॉइड वापरकर्त्यांना लक्ष्य करत आहेत. ईएसईटीने अशा 18 स्पाय लोन अॅप्सची ओळख पटवली असून, याबाबतचा अहवाल गुगलला पाठवला होता. याआधारे गुगलने प्ले स्टोअरवरून असे 17 अॅप्स हटवले आहेत. तथापि, 12 दशलक्ष वापरकर्त्यांनी हे अॅप्स काढून टाकण्यापूर्वीच डाऊनलोड केले आहेत.
या अॅप्सद्वारे कायदेशीर वैयक्तिक कर्ज सुविधा देण्याचे आमिष दाखवतात. परंतु ते उच्च व्याजदराने कर्ज देऊन लोकांना फसवण्यासाठी तयार केले गेले आहेत. त्यामुळे त्यांचे विवरण दिशाभूल करणारी असतात. ग्राहकांना ब्लॅकमेल करण्यासाठी ते वैयक्तिक आणि आर्थिक माहितीही गोळा करतात. अशा परिस्थितीत, ज्या वापरकर्त्यांनी ते आधीच डाऊनलोड केले आहे त्यांना त्यांच्या डिव्हाइसवरून त्वरित काढून टाकण्याचा सल्ला दिला आहे.
‘हे’ आहेत बनावट कर्ज ऍप्स
एए क्रेडिट, अमोर कॅश, गुयाबाकॅश, ईझीक्रेडिट, कॅशवाह, क्रेडिबस, फ्लॅशलोन, प्रेस्टमोसक्रेडिटो. प्रेस्टमोस डी केडिटो-यमीकॅश, क्रेडिटो जाओ. इंस्टेंटानियो प्रेस्टामो, कार्टेरा ग्रांडे, रैपिडो क्रेडिटो, फिनअप ऋण, 4 एस नकद, टूनायरा आणि ईझीकॅश.
नोकरीच्या वेबसाईटवरही गर्दी
स्पाय लोन ऍपचे मार्केटिंग सोशल मीडिया आणि एसएमएस संदेशांद्वारे केल्या जाते. बनावट वेबसाईट, थर्ड पार्टी ऍप स्टोअर आणि गुगल प्ले स्टोरवरून डाऊनलोड करता येतात.
.png "Videos"){kind=small}
