बिहार, उत्तर प्रदेशसह अनेक राज्यात मुसळधार पावसाचा इशारा; 11 सप्टेंबरपासून तर...
नवी दिल्ली : गेल्या काही दिवसांपासून वातावरणात कमालीचा बदल जाणवत आहे. अनेक भागांत मुसळधार पाऊस होत आहे. असे असताना आता बिहार, उत्तर प्रदेशसह अनेक राज्यात मुसळधार पावसाचा इशारा देण्यात आला आहे. तर राजधानी दिल्लीत मुसळधार पावसानंतर दिल्लीकरांना पुन्हा एकदा उष्णतेच्या झळा सोसाव्या लागत आहेत. सध्या यमुना नदीच्या पाण्याची पातळी झपाट्याने कमी होत आहे.
दिल्लीत आता पुन्हा एकदा दमट उष्णतेचे वातावरण आहे. हवामान खात्याच्या अंदाजानुसार, आजपासून येत्या तीन-चार दिवसांत दिल्लीत पारा वाढण्याची आणि उष्णता वाढण्याची शक्यता आहे. तर उत्तर प्रदेश-बिहारमध्ये मुसळधार पाऊस पडेल असा अंदाज आहे. 11 सप्टेंबरपासून उत्तर प्रदेशात मुसळधार पावसाचा कालावधी सुरू होण्याची शक्यता आहे. तर 13 सप्टेंबरपर्यंत बिहारमध्ये हलका ते मुसळधार पाऊस पडू शकतो. पुढील दोन-तीन दिवस पंजाबला पावसापासून दिलासा मिळण्याची अपेक्षा आहे.
दरम्यान, पंजाबमध्ये धरणांची पाणी पातळी कमी झाली. परंतु, पावसाच्या इशाऱ्यामुळे चिंता वाढली. पंजाबमधील नद्यांची पाणी पातळी कमी झाल्यामुळे दिलासा मिळाला आहे, परंतु 12 सप्टेंबरपर्यंत पावसाच्या इशाऱ्यामुळे चिंता वाढली आहे. हिमाचलमध्ये कमी पाऊस पडल्याने राज्यातील धरणांमधील पाण्याची पातळी सतत कमी होत आहे ही दिलासादायक बाब आहे. सतलज, बियास आणि रावी नद्यांमधील धरणांमधून सोडण्यात येणारे पाणीही कमी होत आहे, परंतु, राज्यातील चार ते पाच फूट पाण्याने वेढलेल्या गावांमधील लोकांना कोणताही दिलासा नाही.
पंजाबमधील २०६४ गावे पुरामुळे बाधित
राज्यातील २०६४ गावे पुरामुळे बाधित आहेत. १.८७ लाख हेक्टर पिकांचे नुकसान झाले आहे. फिरोजपूर, फाजिल्का आणि कपूरथलासह अनेक जिल्ह्यांतील पूरग्रस्त गावे अजूनही पाण्याने भरलेली आहेत. रस्त्यांवर पाणी तलावासारखे वाहत आहे, ज्यामुळे लोकांच्या अडचणी कमी होत नाहीत.
फाजिल्कामधील नूरशाह, दोना नानका ही गावेही पाण्याखाली
फाजिल्कामधील नूरशाह, दोना नानका ही गावेही पाण्याखाली आहेत. १२ गावांना जोडणाऱ्या कानवली पुलावरून अजूनही पाणी वेगाने वाहत आहे. यामुळे १२ गावांचा संपर्क तुटला आहे. बोटींद्वारे मदत साहित्य पोहोचवले जात आहे. सोमवारी राज्यात खाजगी शाळा आणि उच्च शिक्षण संस्था उघडल्या, परंतु ज्या भागात पूर परिस्थिती अजूनही गंभीर आहे.
.png "Videos"){kind=small}
