एचपीसीएलकडून LPG आणि इंधन पुरवठा स्थिर असल्याची ग्वाही
३ एप्रिल २०२६ रोजी आपल्या रिटेल नेटवर्कमधील नोझल्सद्वारे ३६,१८८ केएल (३.६ कोटी लिटरपेक्षा जास्त ) पेट्रोल आणि ६७,३३९ केएल (६.७ कोटी लिटरपेक्षा जास्त) डिझेलचा पुरवठा करून एचपीसीएलने आपला स्थिर पुरवठ्याचा कल कायम ठेवला आहे.
Iran – Israel War : आधी इंधन आणि आता पाणी… युद्धाचा Bisleri ला फटका ! किती वाढल्या किमती?
सुरक्षित आणि सत्यापित पावती सुनिश्चित करण्यासाठी डिलिव्हरी डीएसी /ओटीपी आधारित प्रमाणीकरणाद्वारे सुरक्षित केली जात आहे. एचपीसीएल आपल्या सोशल मीडिया प्लॅटफॉर्म, वेब पोर्टल आणि टोल-फ्री क्रमांक (१८००-२३३३-५५५) द्वारे ग्राहकांच्या समस्यांचे निराकरण करण्यासाठी सक्रियपणे कार्यरत आहे. ग्राहक त्वरित मदतीसाठी myhpgas.in ला भेट देऊ शकतात.
गैरप्रकारांना आळा घालण्यासाठी, एचपीसीएलने आकस्मिक तपासणीच्या माध्यमातून अंमलबजावणी तीव्र केली आहे. आतापर्यंत ३,६५० पेक्षा जास्त करण्यात आल्या असून, १२ वितरकांचे निलंबन करण्यासह एकूण ३१ वितरकांवर कारवाई करण्यात आली आहे. इतर तेल विपणन कंपन्या आणि राज्य सरकारांच्या निकट समन्वयाने हे प्रयत्न केले जात आहेत. आतापर्यंत सुमारे ६५३ छापे टाकण्यात आले आहेत, ४० एफआयआर नोंदवण्यात आले आहेत आणि ३,१६३ पेक्षा जास्त सिलिंडर जप्त करण्यात आले आहेत.
एलपीजीची उपलब्धता स्थिर आहे आणि कोणत्याही टंचाईची शक्यता नाही असे एचपीसीएल पुन्हा अधोरेखित करत आहे. ग्राहकांना असा सल्ला दिला जातो की त्यांनी घाबरून बुकिंग करणे, अनावश्यक रांगा लावणे किंवा साठेबाजी करणे टाळावे आणि केवळ अधिकृत संप्रेषण माध्यमांवरच विश्वास ठेवावा. एलपीजीची अखंड उपलब्धता, वितरणातील पारदर्शकता आणि कोणत्याही गैरप्रकारांविरुद्ध कठोर कारवाई सुनिश्चित करण्यासाठी एचपीसीएल पूर्णपणे वचनबद्ध आहे.
