Petrol Diesel Price: (फोटो सौजन्य- सोशलमीडिया)
शेजारच्या पाकिस्तानमध्ये पेट्रोल-डिझेल काहीप्रमाणात स्वस्त झाले आहे. तसेच श्रीलंका, बांगलादेश, चीन, अमेरिका, नेपाळ या देशांमध्ये सुद्धा भाव घसरले. आता मात्र भारतात कधी स्वस्त होणार? असा प्रश्न सगळ्यांना पडलेला आहे. Petrol Diesel Price:
सरकार भाव कमी करणार की तसेच ठेवणार? सध्या यावरच सगळीकडे चर्चा चालू आहे. मे 2026 मध्ये सरकारी तेल कंपन्यांनी 4 वेळा भाव वाढवले होते. पेट्रोल आणि डिझेल दोन्हीवर लिटरमागे तब्बल 7.50 रुपये वाढ झाली होती. त्याआधी कच्चं तेल महागलं होतं, तरी निवडणुका असल्यामुळे सरकारने भाव वाढवले नव्हते. आता परत उत्तर प्रदेश, उत्तराखंड सारख्या मोठ्या राज्यांमध्ये पुढच्या वर्षाच्या सुरुवातीला निवडणुका आहेत. त्यामुळे आता तरी सरकार भाव वाढवणार नाही, असं अनेकांना वाटतंय. उलट भाव कमी करून लोकांना खुश करण्याचा प्रयत्न होऊ शकतो.
पश्चिम आशियात युद्ध सुरू झाल्यापासून जगभरात पेट्रोल महाग झालं होतं. आता कुठे कुठे भाव कमी होऊ लागलेत. म्यानमारमध्ये युद्ध सुरू झाल्यापासून पेट्रोल 74.8% महाग झालं होतं. एकेकाळी तर दुप्पट झालं होतं. डिझेल पण 77.6% वाढलं होतं.
UAE मध्ये पण पेट्रोल एकावेळी 83.7% वाढलं होतं. आता ते 73.4% वर आलंय. डिझेल 90.50% वरून 88.5% वर आलं. म्हणजे थोडी घट झालीय.पाकिस्तानमध्ये पण लोकांना थोडा दिलासा मिळालाय. तिथे पेट्रोलची वाढ 46.9% वरून 25.9% वर आलीय. डिझेलची वाढ 43.6% वरून 29.9% वर आले.
श्रीलंका, बांगलादेश, चीन, अमेरिका आणि नेपाळमध्ये पण भाव उतरलेत. पण एक गोष्ट लक्षात घ्या, या देशांमध्ये अजूनही पेट्रोल भारतापेक्षा महागच आहे. आपल्याकडे भाव जास्त वाढले नाहीत, त्यामुळे आपण बऱ्यापैकी वाचलोय.
जगात सगळीकडे भाव भडकले असताना भारतात मात्र फक्त 8.50% वाढ झालीय, असं सांगितलं जातंय. याचं कारण सरकार आणि तेल कंपन्यांनी नुकसान स्वतःच्या अंगावर घेतलं. कच्चं तेल महाग झालं की त्याचा पूर्ण भार लोकांवर टाकला नाही. बराचसा फटका कंपन्या आणि सरकारने सोसला. काही दिवसांपूर्वी पेट्रोलियम राज्यमंत्री सुरेश गोपी यांनी पण हेच सांगितलं होतं. पश्चिम आशियातल्या भांडणामुळे आणि तेल पुरवठ्यात अडचण आल्यामुळे कंपन्यांना जवळपास 42 हजार कोटींचं नुकसान झालंय.
त्यामुळे आता भाव कमी करायच्या आधी कंपन्यांचं नुकसान भरून काढणं गरजेचं आहे, असं सरकारचं म्हणणं आहे. म्हणजे लगेच मोठी कपात होईल असं वाटत नाही.पण निवडणुका जवळ आल्या की राजकारण बदलतं. लोकांना दिलासा द्यायला 1-2 रुपये कमी केले तर आश्चर्य वाटायला नको. सध्या तरी वाट बघण्याशिवाय पर्याय नाही.
Ans: सध्या दरकपातीबाबत कोणतीही अधिकृत घोषणा झालेली नाही. मात्र आगामी काळात दर कमी होण्याची शक्यता व्यक्त केली जात आहे.
Ans: पाकिस्तान, श्रीलंका, बांगलादेश, चीन, अमेरिका आणि नेपाळसह अनेक देशांमध्ये इंधनाचे दर कमी झाले आहेत.
Ans: पश्चिम आशियातील संघर्ष आणि तेलपुरवठ्यातील अडचणींमुळे तेल कंपन्यांना जवळपास 42 हजार कोटी रुपयांचे नुकसान झाल्याचे सांगण्यात आले आहे.






