Indigo Flight: पुणे-हैदराबाद विमानाचे इमर्जन्सी लँडिंग; ‘या’ कारणामुळे प्रवाशांचा जीव टांगणीवर

पुणे विमानतळावरून रविवारी सकाळी ८ वाजून ४३ मिनिटांनी इंडिगोच्या विमानाचे उड्डाण झाले. सकाळी १० वाजता हैदराबादला हे विमान पोचणे अपेक्षित होते.

विजयवाडा येथे फ्लाइटचे लॅंडींग (फोटो- सोशल मिडिया)

Follow Us:

Follow Us:

पुणे: पुण्याहून हैदराबादला जाणाऱ्या इंडीगोच्या विमानात ( ६ई- ६४८३) तांत्रिक अडचण निर्माण झाल्याने विजयवाडा विमानतळावर आपत्कालीन लँडिंग झाले. यावेळी विमानात १८० प्रवासी व क्रु मेंबर होते. संभाव्य धोका टाळण्यासाठी वैमानिकाने हवाई वाहतूक नियंत्रण कक्षाशी बोलून हा  निर्णय घेतला.

पुणे विमानतळावरून रविवारी सकाळी ८ वाजून ४३ मिनिटांनी इंडिगोच्या विमानाचे उड्डाण झाले. सकाळी १० वाजता हैदराबादला हे विमान पोचणे अपेक्षित होते. मात्र विजयवाडाच्या हवाई क्षेत्रात आल्यानंतर अचानक विमानात तांत्रिक दोष निर्माण झाला. परिणामी विमानाला हवाई वाहतूक नियंत्रण कक्षाने विजयवाडा विमानतळावर आपत्कालीन लँडिंग करण्याच्या सूचना देण्यात आल्या. त्यानुसार सकाळी पावणे दहाच्या सुमारास विमान सुखरूपपणे उतरले.

इंडिगोचे स्पष्टीकरण

“फ्लाइट ६ई ६४८३ मध्ये तांत्रिक बिघाडाचे निदान झाल्यानंतर सावधगिरीचा उपाय म्हणून वैमानिकाने विजयवाडा येथे सुरक्षितपणे लँडिंग केले. आमची तांत्रिक आणि ग्राउंड टीम प्रवाशांना सर्व सुविधा देत असून, त्यांच्या पुढील प्रवासाची व्यवस्था करण्यात येत आहे.”

विमानतळाच्या धावपट्टीवर अचानक कुत्रा आला अन् …

भुवनेश्वरहून पुण्याकडे येणाऱ्या एअर इंडिया एक्सप्रेसच्या (IX-1097) विमानाच्या लँडिंगच्या अंतिम टप्प्यात शनिवारी सायंकाळी थरारक प्रसंग घडला. सायंकाळी सहाच्या सुमारास विमान पुणे विमानतळावर उतरण्याच्या तयारीत असताना, धावपट्टीवर अचानक कुत्रा दिसल्याने वैमानिकाने लँडिंग रद्द करण्याचा तात्काळ निर्णय घेतला.त्यावेळी विमान अंदाजे ५० ते १०० फूट उंचीवर होते. वैमानिकाने प्रवाशांच्या सुरक्षेच्या दृष्टीने सजगतेने निर्णय घेत पुन्हा हवेत भरारी घेतली, ज्यामुळे मोठा अपघात टळला.

या घटनेमुळे विमानतळावरील सुरक्षेच्या उपाययोजनांवर प्रश्नचिन्ह उपस्थित झाले असून, धावपट्टीवर प्राणी कसा पोहोचला, याबाबत चौकशी सुरू करण्यात आली आहे. या प्रकारामुळे विमानातील प्रवाशांमध्ये काही काळ गोंधळाचे व भीतीचे वातावरण निर्माण झाले होते. मात्र, वैमानिकाच्या दक्षतेमुळे सगळे प्रवासी सुखरूप आहेत.संबंधित यंत्रणांनी या घटनेची दखल घेत सुरक्षेचे उपाय अधिक कडक करण्याचे संकेत दिले आहेत.

Lohegaon Airport News: विमानतळाच्या धावपट्टीवर अचानक कुत्रा आला अन् …

पुणे विमानतळावर गेल्या काही दिवसापासून पक्षी आणि कुत्र्यांचा वावर वाढला आहे. यामुळे विमानाच्या संचलनात बाधा निर्माण होत आहे.यापूर्वी विमानाच्या इंजिनमध्ये पक्षी गेल्याची घटना देखील काही दिवसापूर्वीच घडली होती. आता पुन्हा धावपट्टीवर कुत्रा आल्याने प्रवासी सुरक्षाच धोक्यात आली आहे. शनिवारी विमान उतरत असतानाच नेमकी ही घटना घडली. कुत्रा दिसताच विमान परत आकाशाकडे झेपावले. तशातच, उतरण्याच्या मानसिकतेत असलेले प्रवासीही गोंधळले. वैमानिकाने पुन्हा हवेत झेप घेतल्यानंतर ‘गो-अराऊंड’ पद्धतीने घिरट्या घालीत राहिले. विमान अशाप्रकारे हवेत अर्ध्यातासापेक्षा जास्त कालावधीसाठी होते. दरम्यान  कुत्र्याला हटवण्यासाठी कर्मचारी धावले आणि अखेर सायंकाळी ७ वाजून १२ मिनिटांनी विमान सुरक्षितपणे उतरले.

Web Title: Indigo pune hyderabad flight emergency landing in vijaywada international airport marathi news

Get Latest  Marathi News ,  Maharashtra News and  Marathi News from Politics,  Election News ,  Sports News ,  Entertainment News,  Business News and   Religion News only on Navarashtra.com