माजी पंतप्रधान इंदिरा गांधींचा मारेकरी बेअंत सिंगचा मुलगा सरबजीत सिंग फरीदकोटमधून निवडणूक लढवणार!

बेअंत सिंग यांचा मुलगा सरबजीत सिंग खालसा लोकसभा निवडणूक लढवत आहे. सरबजीतसिंग खालसा फरीदकोट राखीव जागेवर बाजी मारत आहेत. ते अपक्ष उमेदवार म्हणून निवडणूक लढवत आहेत.

    माजी पंतप्रधान इंदिरा गांधी ( Former Prime Minister Indira Gandhi) यांच्यावर गोळ्या झाडणारा त्यांचा सुरक्षा रक्षक बेअंत बेअंत सिंग (Beant Singh) यांचा मुलगा सरबजीत सिंग खालसा (Sarabjeet Singh Khalsa) लोकसभा निवडणूक (Loksabha Election 2024) लढवत आहे. सरबजीतसिंग खालसा फरीदकोट राखीव जागेवरुन अपक्ष उमेदवार म्हणून निवडणूक लढवत आहेत.

    कोण आहे सरबजीत सिंग खालसा?

    ४५ वर्षीय सरबजीत सिंग खालसा हे पंजाबमधील फरीदकोट राखीव संसदीय जागेवरून अपक्ष उमेदवार आहेत. सरबजीत सिंग खालसा हा बेअंत सिंग यांचा मुलगा आहे, जे माजी पंतप्रधान इंदिरा गांधी यांचे रक्षक होते. 1984 मध्ये बेअंत सिंग आणि सतवंत सिंग यांनी तत्कालीन पंतप्रधान इंदिरा गांधी यांच्यावर गोळ्या झाडून देशात खळबळ उडवून दिली होती.

    सरबजीत सिंगने बारावीपर्यंत शिक्षण घेतले आहे. ते तिसऱ्यांदा निवडणूक लढवत आहेत. त्यांनी तीनही वेळा संसदीय मतदारसंघ बदलले. त्यांनी 2014 मध्ये फतेहगढ साहिब राखीव जागेवर निवडणूक लढवली होती पण त्यांना विजय मिळवता आला नाही. यानंतर सरबजीत सिंग खला यांनी 2019 मध्ये भटिंडा मतदारसंघातून बसपाचे उमेदवार म्हणून निवडणूक लढवली. मात्र यावेळीही अपयश आले. आता तो फरीदकोटमधून नशीब आजमावत आहे.

    साडेतीन कोटींची मालमत्ता

    सरबजीत सिंग खालसा यांनी दहा वर्षांपूर्वी निवडणूक प्रतिज्ञापत्रात साडेतीन कोटी रुपयांची संपत्ती जाहीर केली होती. सरबजीत सिंग यांची आई म्हणजे बेअंत सिंग यांची पत्नी बिमल कौर आणि आजोबा सुचा सिंग हे भटिंडातून खासदार राहिले आहेत. 1989 च्या निवडणुकीत दोघेही जिंकले होते. किंबहुना, इंदिरा गांधींच्या हत्येनंतर निर्माण झालेल्या संतापात शिखांच्या हत्याकांडामुळे पंजाब आणि इतर शीख भागात काँग्रेसला तीव्र विरोध झाला. 1989 मध्ये शीखबहुल भागात काँग्रेसला मोठ्या पराभवाला सामोरे जावे लागले होते.