बंगळुरूमधील रामेश्वरम कॅफेमध्ये झालेल्या स्फोटाचा (Rameshwaram Cafe blast case) तपास करणाऱ्या एनआयएने दोन संशयितांची छायाचित्रे प्रसिद्ध केली आहेत. या दोघांचाही या स्फोटात हात असल्याचा संशय आहे. एनआयएने दोन्ही संशयितांवर प्रत्येकी 10 लाख रुपयांचे बक्षीसही जाहीर केले आहे. अब्दुल मतीन अहमद ताहा आणि मुसविर हुसेन शाजिब अशी या दोन प्रमुख संशयितांची नावे आहेत. बेंगळुरूच्या कुंडलहल्ली येथील रामेश्वरम कॅफेमध्ये 1 मार्च रोजी झालेल्या स्फोटात हे दोघेही सहभागी असल्याचे सांगण्यात येत आहे.
[read_also content=”काँग्रेसची 9वी यादी जाहीर; सीपी जोशींना भिलवाडामधून तिकीट, राजस्थानमधील उमेदवार बदलला! https://www.navarashtra.com/india/congress-9th-list-lok-sabha-candidates-cp-joshi-fielded-in-bhilwara-rajasthan-nrps-519014.html”]
एनआयएने बक्षीस जाहीर करण्यासोबतच दोन्ही संशयितांची छायाचित्रेही प्रसिद्ध केली आहेत. एजन्सीने सांगितले की, लोकांना संशयितांची ओळख पटवण्यासाठी फोटो जारी करण्यात आले आहेत. हे लोक आपला चेहरा किंवा पोशाख बदलून कुठेतरी जाऊ शकतात. अशा परिस्थितीत, जर तुम्हाला त्याच्यासारखीच कोणतीही व्यक्ती किंवा असा कोणताही संशयित दिसला तर, विलंब न करता एनआयएने दिलेल्या नंबरवर संपर्क साधा किंवा कळवा.
बुधवारी टाकलेल्या छाप्यात एनआयएने रामेश्वरम कॅफेमधील स्फोटाशी संबंधित कागदपत्रे आणि संशयितांच्या अटकेशी संबंधित कागदपत्रांची छाननी केली. कर्नाटक, तामिळनाडू आणि उत्तर प्रदेशमध्ये अनेक ठिकाणी छापे टाकून मुख्य सूत्रधार मुझम्मील शरीफ याला अटक करण्यात आली आहे. एनआयएने तीन राज्यात 18 ठिकाणी छापे टाकले होते. यामध्ये कर्नाटकात 12 ठिकाणी छापे टाकण्यात आले. तामिळनाडूमध्ये 5 आणि उत्तर प्रदेशात एका ठिकाणी छापे टाकण्यात आले. या छाप्यात एनआयएने मुख्य सूत्रधार मुजम्मिल शरीफ याला अटक केली होती.
कर्नाटकातील सर्वात वर्दळीच्या ब्रुकफील्ड भागातील रामेश्वरम कॅफेमध्ये हा स्फोट झाला. रामेश्वरम कॅफे बॉम्बस्फोटानंतर काही दिवसांनी आरोपींचे सीसीटीव्ही फुटेज समोर आले होते. या फुटेजमध्ये तो हॉटेलमध्ये घुसल्याचेही फुटेज आहे. आरोपीने मास्क, टोपी आणि चष्मा घातलेला असल्याचे स्पष्टपणे दिसत आहे. त्याच्या हातात बॅगही आहे.
