नवी दिल्ली : लोकसभा निवडणुकीत मिळालेल्या यशानंतर भाजपप्रणित एनडीएकडून आज (दि.9) सरकार स्थापन केले जाणार आहे. भाजपचे ज्येष्ठ नेते नरेंद्र मोदी (Narendra Modi) तिसऱ्यांदा पंतप्रधानपदाची शपथ घेणार आहेत. त्यांच्या मंत्रिमंडळात अमित शहा, नितीन गडकरी, राजनाथ सिंह, पियूष गोयल यांच्यासह अनेक नेत्यांचा समावेश होणार असल्याची माहिती दिली जात आहे.
राष्ट्रपती द्रौपदी मुर्मू या नरेंद्र मोदी आणि इतर नेत्यांना पद आणि गोपनीयतेची शपथ देतील. सूत्रांकडून मिळालेल्या माहितीनुसार, मोदी सरकाचा मंत्रिपदाचा फॉर्म्युला ठरला आहे. या फॉर्म्युल्यानुसार मंत्रिमंडळात भाजपाचे एकूण 18 मंत्री असणार आहेत. तर एनडीए घटक पक्षांना एकूण 18 मंत्रिपदे दिली जाणार आहेत. त्यात सात कॅबिनेट तर 11 राज्यमंत्री पदाचा समावेश असणार आहे. त्यानुसार, ज्या खासदारांना मंत्रिपद मिळणार आहे अशांना वरिष्ठांकडून फोनही केले जात असल्याची माहिती आहे.
सूत्रांनी दिलेल्या माहितीनुसार, भाजप नेते जे. पी. नड्डा, पीयूष गोयल, अमित शहा, राजनाथ सिंह, नितीन गडकरी, ज्योतिरादित्य सिंधिया, जेडीएस नेते कुमारस्वामी, एचएएमचे जितन राम मांझी, आरएलडी नेते जयंत चौधरी, एलजेपी (आर) प्रमुख चिराग पासवान, जेडीयू नेते रामनाथ ठाकूर आणि आप दलाच्या अनुप्रिया पटेल ही नेतेमंडळी मंत्रिपदाची शपथ घेतील, असे सांगण्यात आले आहे.
.png "Videos"){kind=small}
