Noida Protest : कर्मचाऱ्यांच्या हिंसक आंदोलनांनंतर आली सरकारला जाग! नोएडामध्ये किमान वेतनात २१% वाढ जाहीर

नोएडामध्ये वेतनवाढी झालेल्या तीव्र आंदोलन आणि जाळपोळनंतर सरकारला जाग आली. या कर्मचाऱ्यांसाठी योगी सरकारकडून मोठी घोषणा करण्यात केली.

• नोएडामध्ये कर्मचाऱ्यांचे हिंसक आंदोलन
• योगी सरकारकडून 21 टक्के वेतनवाढ जाहीर
• नोएडा शांत पण तणावपूर्ण वातावरण

 

Noida workers Protest : नोएडा : कमी वेतनाच्या मुद्दयावरुन नोएडामध्ये कर्मचाऱ्यांचा संयम सुटला आणि भयानक आंदोलन सुरु झालं. आठवड्याच्या पहिल्याच दिवशी नोएडा (Noida News) सेक्टर 60 मध्ये कर्मचाऱ्यांच्या घोषणााबाजीने परिसर दणाणून गेला होता. वेतनवाढीसाठी हजारो कर्मचारी रस्त्यावर उतरुन आपल्या हक्कासाठी आवाज उठवू लागले. या आंदोलनाला हिंसक वळण लागलं आणि आंदोलन चिघलळं, नोएडामध्ये वेतनवाढी झालेल्या तीव्र आंदोलन आणि जाळपोळनंतर सरकारला जाग आली. या कर्मचाऱ्यांसाठी योगी सरकारकडून (Yogi Adityanath) मोठी घोषणा करण्यात केली.

नोएडातील विविध खासगी कंपन्यांमध्ये काम करणाऱ्या या कर्मचाऱ्यांमध्ये बऱ्याच काळापासून असंतोष खदखदत होता. आंदोलकांचे म्हणणे होते की, ते बऱ्याच काळापासून पगारवाढीची मागणी करत आहेत, परंतु त्यांच्या मागण्यांकडे लक्ष दिले गेले नाही. सोमवारी सकाळी हा संताप रस्त्यांवर उफाळून आला, कर्मचाऱ्यांनी सेक्टर ६० चा मुख्य रस्ता त्वरीत अडवून घोषणाबाजी केली. यामुळे प्रचंड वाहतूक कोंडी झाली. यावर संपूर्ण देशातून प्रतिक्रिया येऊ लागल्या. यानंतर योगी सरकारने सरकारने १ एप्रिलपासून कुशल आणि अकुशल कामगारांना २१ टक्क्यांपर्यंत अंतरिम वेतनवाढ देण्याचा निर्णय घेतला आहे. याचा सर्वाधिक फायदा विशेषतः नोएडा आणि गाझियाबादमधील कामगारांना होणार आहे.

हे देखील वाचा : यंदा पाऊस कमी पडणार? हवामान विभागाचा पहिला अंदाज जाहीर; ‘एल निनो’मुळे चिंतेचे ढग

काय आहेत नवीन वेतन दर?

अकुशल कामगार: मासिक वेतन ₹११,३१३.६५ आणि दैनिक वेतन ₹४३५.१४
अर्ध-कुशल कामगार: मासिक वेतन ₹१२,४४६ आणि दैनिक वेतन ₹४७८.६९
कुशल कामगार: मासिक वेतन ₹१३,९४०.३७ आणि दैनिक वेतन ₹५३६.१६

या दरांमध्ये मूळ वेतन आणि महागाई भत्ता या दोन्हींचा समावेश आहे. सरकारच्या या निर्णयामुळे या क्षेत्रातील लाखो कामगारांना थेट फायदा होण्याची अपेक्षा आहे.

काय होत्या आंदोलकांच्या मागण्या?

मीडिया रिपोर्टनुसार, फेज २ मधील मद्रासन कंपनीच्या टेंपरेरी कर्मचाऱ्यांनी पगारवाढ आणि इतर मागण्यांसाठी आंदोलन केले होते. या टेंपरेरी कर्मचाऱ्यांचा दावा आहे की, कंपनीने नवीन कामगार कायद्यातील तरतुदी लागू केल्या नाहीत, ज्यामुळे ते संतप्त झाले आहेत. सोमवारी सकाळी हजारो आंदोलक घोषणाबाजी करत कंपनीबाहेर जमले होते. आंदोलनावर लक्ष ठेवण्यासाठी मोठ्या प्रमाणात पोलीस बंदोबस्तही तैनात करण्यात आला होता.हिंसक जमावाला नियंत्रणात आणण्यासाठी पोलिसांनी अश्रुधुराच्या नळकांड्या फेकल्या आणि जमावाला पांगवण्यासाठी लाठीचार्ज केला.

हे देखील वाचा : Noida Sector 60 protest : सॅलरीवरुन नोएडामध्ये पेटला वाद! पगारवाढीसाठी जाळपोळ अन् तोडफोड