India vs Pakistan War live in Marathi
पहलगाम हल्ल्यानंतर भारत आणि पाकिस्तानमध्ये संबंध ताणले गेले आहेत. युद्धजन्य स्थिती निर्माण झाली आहे. पाकिस्तानच्या हल्ल्यांना भारत चोख प्रत्युत्तर देत आहे. पाकिस्तानमध्ये घुसून भारत कारवाई करत आहे. दरम्यान पाकिस्तान सीमेवर जोरदार गोळीबार करत आहेत. आता भारताने पाकिस्तानमधील दहशतवादी बेस कॅम्प उद्ध्वस्त केला आहे. याबाबतचा व्हिडिओ देखील समोर आला आहे
10 May 2025 06:37 PM (IST)
भारताने आपल्या अटींवर केली शस्त्रसंधीची घोषणा केली.
10 May 2025 05:50 PM (IST)
भारत आणि पाकिस्तानने पूर्ण आणि तात्काळ युद्धबंदीवर सहमती दर्शवली आहे, असे अमेरिकेचे अध्यक्ष डोनाल्ड ट्रम्प यांनी म्हटले आहे. 22 एप्रिल रोजी पहलगाम येथे झालेल्या दहशतवादी हल्ल्यानंतर भारताने एअर स्ट्राईक करत पाकिस्तानातील 9 दहशतवादी ठिकाणांवर हल्ले करून ते उडवले होते. त्यानंतर आक्रमक झालेल्या पाकने भारतावर ड्रोन आणि क्षेपणास्त्रे डागत नागरी वसाहतींना लक्ष्य केले होते. भारताकडून या कुरापतीला जोरदार उत्तर दिले जात असल्याने तणाव वाढला. या पार्श्वभूमीवर अमेरिकेसह अनेक राष्ट्र तणाव कमी करण्याचे आवाहन करत आहेत. आता ट्रम्प यांनी युद्धबंदीवर भारत-पाकने सहमती दर्शवल्याचा दावा केला आहे.
10 May 2025 05:48 PM (IST)
भारत- पाकिस्तानच्या शस्त्रसंधीला भारत सरकारच्या सूत्रांनी दुजोरा दिला आहे.
10 May 2025 04:58 PM (IST)
मुंबईत 11 मेपासून 9 जूनपर्यंत फटके फोडण्यास बंदी, भारत आणि पाकिस्तानमधील तणावाच्या पार्श्वभूमीवर निर्णय
10 May 2025 04:18 PM (IST)
गुजरातमधील कच्छ जिल्ह्यातही सुरक्षा वाढवण्यात आली आहे. भूजमध्ये हाय अलर्ट जाहीर करण्यात आला आहे. जिल्हा प्रशासनाने सायरन वाजवला आहे. अधिकाऱ्यांनी लोकांना सुरक्षित ठिकाणी स्थलांतर करण्याचे आवाहन केले आहे. तसेच, अनावश्यकपणे घराबाहेर पडू नये असे आवाहन करण्यात आले आहे.
10 May 2025 04:16 PM (IST)
पाकिस्तानमधून अमरावतीच्या एका कंपनीच्या कर्मचाऱ्यांना धमकीचे फोन आले आहेत. क्रमांकावरून सुरू होते. अमरावतीमधील नांदगाव पेठ येथील एका कंपनीच्या कर्मचाऱ्याला पाकिस्तानमधून पाकिस्तानमधील (मोबाईल सीरीज +92) ‘हॉट्स ॲप’ वरून कॉल आले आहेत. त्यात कॉलच्या माध्यमातून कंपनी आणि कारखान्यावर बॉम्बहल्ला करण्याची धमकी देण्यात आली आहे.
10 May 2025 03:52 PM (IST)
पाकिस्तानसोबतच्या वाढत्या संघर्षाच्या पार्श्वभूमीवर, राजस्थानमधील जैसलमेरमधील रेल्वे स्टेशन बंद करण्यात आले आहे. लोकांना त्यांच्या घरातच राहण्याच्या सूचना देण्यात आल्या आहेत.
10 May 2025 03:39 PM (IST)
पाकिस्तानमधून अमरावतीच्या एका कंपनीच्या कर्मचाऱ्यांना धमकीचे फोन आले आहेत. क्रमांकावरून सुरू होते. अमरावतीमधील नांदगाव पेठ येथील एका कंपनीच्या कर्मचाऱ्याला पाकिस्तानमधून पाकिस्तानमधील (मोबाईल सीरीज +92) ‘हॉट्स ॲप’ वरून कॉल आले आहेत. त्यात कॉलच्या माध्यमातून कंपनी आणि कारखान्यावर बॉम्बहल्ला करण्याची धमकी देण्यात आली आहे.
10 May 2025 03:04 PM (IST)
पाकिस्तानच्या कुरापती आणि त्याला भारताने गेली दोन दिवसांत दिलेले चोख प्रत्युतर पाहून पाकिस्तानच्या मंत्र्यांची भाषा बदलली आहे. पाकिस्तानचे उपपंतप्रधान ईशाक दार यांनी भारत थांबला, तर आम्हीही थांबायला तयार आहेात. आम्हाला युद्ध नकोय. पाकिस्तानला जीवित आणि आर्थिक हानी टाळायची आहे, असे दार यांनी म्हटले आहे. आम्हाला आता नुकसान आणि आर्थिक तोटा टाळायचा आहे, असेही दार यांनी नमूद केले आहे. याच दार यांनी भारताने केलेल्या स्ट्राईक केल्यानंतर आक्रमक भूमिका घेतली होती.
10 May 2025 02:06 PM (IST)
7 मे रोजी भारतीय लष्कराच्या एअर स्ट्राईकमध्ये ठार झालेल्या पाच दहशतवाद्यांची नावे समोर आली आहे. त्यात युसूफ अझहर, मुदस्सर खान, हाफीज जमील या तिघांचाही समावेश आहे.
10 May 2025 02:06 PM (IST)
भारत आणि पाकिस्तानमधील तणावामुळे १४ मे पर्यंत सर्व हज उड्डाणे रद्द करण्यात आली आहेत.
10 May 2025 12:02 PM (IST)
ड्रोन, क्षेपणास्त्रांनी भारतीय सीमेवर पाकिस्तानचा हल्ला केला. या हल्ल्याचे प्रत्युत्तर भारतीय लष्कराने दिले. पाकिस्तानकडून भारतीय नागरीवस्त्यांना टार्गेट करण्यात आले. पाकिस्तान लाहौरमधून होत असलेल्या नागरिक विमान उड्डानाच्या आडून हल्ला करत आहे, असे लेफ्टनंट सोफिया कुरेशी यांनी पत्रकार परिषदेमध्ये सांगितले.
10 May 2025 11:17 AM (IST)
पाकिस्तानकडून हल्ले सुरू असताना, जम्मू-काश्मीर, गुजरातमधील कच्छ आणि पंजाबमधील होशियारपूरसह अन्य भागात पूर्णपणे ब्लॅकआउट करण्यात आळं आहे.
10 May 2025 11:06 AM (IST)
पंजाब आणि जम्मू काश्मिरात निष्पाप नागरिकांना लक्ष्य केलं जातंय, अशी माहिती पत्रकार परिषदेत देण्यात आली.
10 May 2025 11:06 AM (IST)
सिरसा, सूरजगड उद्धवस्त केल्याचा पाकिस्तानचा खोटा दावा, अशी माहिती पत्रकार परिषदेत देण्यात आली.
10 May 2025 11:04 AM (IST)
वैद्यकीय सेवा, शाळांवरही पाकिस्तानने लक्ष्य केलं.
10 May 2025 11:03 AM (IST)
भारताच्या हल्ल्याच पाकिस्तानी लष्कराचे नुकसान
10 May 2025 11:01 AM (IST)
भारतानेही पाकिस्तानवर प्रतिहल्ले केले असून सियालकोटचा हवाई तळ भारतानं उद्धवस्त केला , अशी माहिती पत्रकार परिषदेत देण्यात आली.
10 May 2025 11:00 AM (IST)
लष्करी तळांना लक्ष्य करूनही भारतानं संयम राखला आहे. भारताच्या 26 ठिकाणी पाकिस्तानचे हल्ले ...
10 May 2025 10:59 AM (IST)
पाकने पहाटे 1.40 वाजता पंजाबमधल्या हवाई तळांवर हल्ले केले, अशी माहिती पत्रकार परिषदेत देण्यात आली.
10 May 2025 10:58 AM (IST)
परराष्ट्र आणि संरक्षण मंत्रालयाची पत्रकार परिषद सुरु झाली असून या पत्रकार परिषदेत पाकिस्तानच्या हवाईतळांवरही भारताने हल्ले केल्याची माहिती देण्यात आली.
10 May 2025 09:34 AM (IST)
ऑपरेशन सिंदूरनंतर भारत आणि पाकिस्तानमधील तणाव सातत्याने वाढत आहे. पाकिस्तान दररोज सीमेवर गोळीबार करत आहे. त्याच वेळी, ते ड्रोन आणि क्षेपणास्त्रांनीही हल्ले करत आहेत. शनिवारी पाकिस्तानने फतेह-१ क्षेपणास्त्राने भारतावर हल्ला केला, जो भारतीय हवाई संरक्षण यंत्रणेने हवेतच पाडला. फतेह-१ हे एक बॅलिस्टिक क्षेपणास्त्र आहे आणि ते खूपच धोकादायक मानले जाते. हे क्षेपणास्त्र भारताच्या पश्चिम भागात कुठेतरी एका धोरणात्मक लक्ष्यावर मारा करत होते.
10 May 2025 09:26 AM (IST)
पहलगाम हल्ल्यानंतर भारताने पाकिस्तानवर एअर स्ट्राईक करण्यात आली. भारताने ‘ऑपरेशन सिंदूर’ राबवून पाकिस्तानातील दहशतवाद्यांची 9 ठिकाणं उद्ध्वस्त केली. तरीही पाकिस्तानच्या कुरापती सुरूच आहे. पाकिस्तानकडून भारतावर हवाई हल्ले करण्याचा प्रयत्न करण्यात आला. त्यानंतर भारताने पाकिस्तानवर भीषण हल्ला करून काउंटर अटॅक केला. आता पाकिस्तानकडून दिल्लीवर क्षेपणास्त्र हल्ल्याचा प्रयत्न सुरू आहे.
.png "Videos"){kind=small}
