
pakistan-minister-musadik-malik-india-visit-taj-mahal-sco
मुसादिक मसूद मलिक हे लवकरच ताजमहल पाहण्यासाठी जाणार आहे. स्थापत्य कलेचे उत्तम नमुना असलेले आणि जगातील आश्चर्यांपैकी एक असलेली ही वास्तू पाहण्यासाठी ते जाणार आहेत. याचबरोबर त्यांनी दिल्लीतील हजरत निजामुद्दीन दरग्यात जाण्याचीही इच्छा व्यक्त केली होती. पण सुरक्षेच्या कारणामुळे ही परवानगी नाकारण्यात आली. ते आता ताजमहलसोबत इतर चार ऐतिहासिक ठिकाणांना भेट देणार आहे.
‘ही’ पाच ठिकाणं पाहण्याची मागितलेली परवानगी
मुसादिक मसूद मलिक यांनी सहयोग परिषदेत सहभागी होण्यापूर्वी भारत सरकारकडून पाच ठिकाणांना भेट देण्याची परवानगी विचारली होती. यामध्ये ताजमहल, दिल्ली घाट, हुमायूंचा मकबा, किल्ला राय पिथौरा आणि जरत निजामुद्दीन दर्गा यांचा समावेश होता. यातील दर्गा सोडून इतर ठिकाणी भेट देण्याची परवानगी देण्यात आली आहे. यामध्ये मुसादिक मसूद मलिक यांची ताजमहल भेट लक्षवेधी ठरणार आहे.
मुसादिक मसूद मलिक यांच्या भारत दौऱ्याकडे सर्वांचे लक्ष लागले आहे. २० नोव्हेंबर रोजी ते नवी दिल्लीत दाखल झाले. येथील पुराना किल्ला येथे २० ते २२ नोव्हेंबरदरम्यान आयोजित करण्यात आलेल्या पहिल्या SCO सभ्यता संवाद परिषदेत ते पाकिस्तानच्या शिष्टमंडळाचे नेतृत्व करत आहेत.दोन्ही देशांमधील संघर्ष कमी होऊन संबंध सुधारतील, अशी आशा त्यांनी व्यक्त केली आहे.
विमानतळावर पाकिस्तानच्या उच्चायोगातील प्रभारी अधिकारी साद वारैच यांनी त्यांचे स्वागत केले. मे २०२३ मध्ये तत्कालीन परराष्ट्रमंत्री बिलावल भुट्टो झरदारी यांनी गोव्यातील SCO बैठकीला हजेरी लावली होती. त्यानंतर पाकिस्तानच्या मंत्र्याचा भारतातील हा पहिलाच दौरा आहे. त्यामुळे या भेटीला राजनैतिकदृष्ट्या विशेष महत्त्व प्राप्त झाले आहे. माध्यमांशी संवाद साधताना मुसादिक मलिक यांना भारत-पाकिस्तान संबंधांमध्ये सुधारणा होण्याची शक्यता आहे का, असा प्रश्न विचारला असता त्यांनी सकारात्मक उत्तर दिले.ते म्हणाले, “मला वाटते की आपले सर्व संबंध सुधारतील. सध्या संपूर्ण प्रदेशात वेगाने बदल होत आहेत. जागतिक राजकारणाची समीकरणेही झपाट्याने बदलत आहेत.”
Ans: ते नवी दिल्लीतील SCO सभ्यता संवाद परिषदेत पाकिस्तानच्या शिष्टमंडळाचे नेतृत्व करण्यासाठी भारतात आले आहेत.
Ans: ताजमहाल, दिल्ली घाट, हुमायूंचा मकबरा आणि किल्ला राय पिथौरा या चार ठिकाणांना भेट देण्याची परवानगी मिळाल्याचे बातमीत नमूद आहे.
Ans: सुरक्षेच्या कारणामुळे मुसादिक मसूद मलिक यांना हजरत निजामुद्दीन दर्ग्याला भेट देण्याची परवानगी देण्यात आली नाही.