Patna Chhath Ghat Accident : छठ महापर्वाच्या उत्साहावर विरजण; पुनपुन नदीत बुडालेल्या तिघांचा शोध सुरू

Patna Chhath Ghat Accident : बिहारच्या पटणा येथील मिर्झापूर गावात छठ घाटाच्या साफसफाईदरम्यान चार किशोर पुनपुन नदीत बुडाले. एका किशोराला वाचवण्यात यश आले असून तीन जण बेपत्ता आहेत. SDRF आणि स्थानिक गोताखोरांकडून शोधमोहीम सुरू आहे.

• साफसफाई सुरू असताना घडली घटना
• बेपत्ता तरुणांचा शोध सुरू
• बचाव पथक उशिरा पोहोचल्याचा ग्रामस्थांचा आरोप

 

Patna Chhath Ghat Accident : बिहारची राजधानी पटणा येथे छठ महापर्वाच्या तयारीदरम्यान एक मोठा अपघात घडला. दीदारगंज पोलीस ठाण्याच्या हद्दीतील मिर्झापूर गावात छठ घाटाची साफसफाई सुरू असताना चार तरुण पुनपुन नदीत बुडाले. स्थानिक नागरिकांच्या मदतीने एका तरुणाला सुरक्षित बाहेर काढण्यात यश आले मात्र, इतर तिघे अद्याप बेपत्ता आहेत. त्यांचा शोध घेण्यासाठी बचावकार्य सुरू आहे.

मिळालेल्या माहितीनुसार, छठ महापर्वानिमित्त मिर्झापूर घाटावर स्वच्छता आणि पूजेची तयारी सुरू होती. त्याचवेळी चार तरुण नदीत बुडाले. ही घटना लक्षात येताच घाटावर उपस्थित नागरिक आणि स्थानिक गोताखोरांनी तातडीने बचावकार्य सुरू केले. प्रयत्नांनंतर एका तरुणाला नदीतून बाहेर काढण्यात यश आले. त्याची प्रकृती धोक्याबाहेर असल्याचे सांगण्यात येत आहे.

बेपत्ता तरुणांचा शोध सुरू

नदीत बुडालेल्या इतर तिघांचा अद्याप शोध लागलेला नाही. त्यांच्या शोधासाठी स्थानिक गोताखोरांसह राज्य आपत्ती प्रतिसाद दलाच्या (SDRF) पथकाला पाचारण करण्यात आले आहे. पोलीस आणि प्रशासकीय अधिकारी घटनास्थळी दाखल झाले असून, बचावकार्यावर लक्ष ठेवून आहेत.

या दुर्घटनेनंतर मिर्झापूर गावात शोककळा पसरली आहे. बेपत्ता तरुणांचे कुटुंबीय घटनास्थळी पोहोचले असून त्यांचा आक्रोश सुरू आहे. गावातील नागरिकही मोठ्या संख्येने घाटावर जमले आहेत.

Amit Shah on Rahul Gandhi : राहुल गांधींनी भारताची बदनामी थांबवावी, पुढील 30 वर्षे सत्तेपासून दूर राहाल! अमित शाहांचा थेट इशारा

बचाव पथक उशिरा पोहोचल्याचा ग्रामस्थांचा आरोप

घटनेची माहिती दिल्यानंतरही एनडीआरएफ आणि एसडीआरएफची पथके घटनास्थळी पोहोचण्यास बराच वेळ लागल्याचा आरोप स्थानिक नागरिकांनी केला आहे. त्यामुळे प्रशासनाच्या व्यवस्थेबाबत आणि छठ घाटांवरील सुरक्षेच्या उपाययोजनांबाबत ग्रामस्थांनी नाराजी व्यक्त केली आहे.

दरम्यान, प्रशासनाने नागरिकांना नदीच्या खोल पाण्यात न जाण्याचे आणि छठ घाटांवरील सुरक्षा नियमांचे पालन करण्याचे आवाहन केले आहे. बेपत्ता तरुणांचा शोध घेण्यासाठी बचाव मोहीम सुरू आहे.

रामलीला मैदानात आंदोलनासाठी आता नवे निर्बंध; एका सभेला केवळ 50000 लोकांच्या उपस्थितीची मर्यादा