रविवार, 15 नोव्हेंबर 2026
PM नरेंद्र मोदींना कुवेतचा सर्वोच्च सन्मान; 'द ऑर्डर ऑफ मुबारक अल कबीर' ने केलं सन्मानित
पंतप्रधान नरेंद्र मोदी यांना आज कुवेतचा सर्वोच्च सन्मान ‘ऑर्डर ऑफ मुबारक अल कबीर’ प्रदान करण्यात आला आहे. पंतप्रधान मोदींना कोणत्याही देशाने दिलेला हा 20 वा आंतरराष्ट्रीय सन्मान आहे. हा सन्मान राष्ट्रप्रमुख, विदेशी राज्यकर्ते आणि इतर देशांच्या राजघराण्यातील सदस्यांना मैत्रीचं प्रतीक म्हणून दिला जातो.
I am honoured to be conferred the Mubarak Al-Kabeer Order by His Highness the Amir of Kuwait, Sheikh Meshal Al-Ahmad Al-Jaber Al Sabah. I dedicate this honour to the people of India and to the strong friendship between India and Kuwait. pic.twitter.com/fRuWIt34Cx — Narendra Modi (@narendramodi) December 22, 2024
हा सन्मान यापूर्वी बिल क्लिंटन, प्रिन्स चार्ल्स आणि जॉर्ज बुश या नेत्यांना देण्यात आला आहे. कुवेतमधील बायन पॅलेसमध्ये पंतप्रधान नरेंद्र मोदी यांना गार्ड ऑफ ऑनर देण्यात आला. कुवेतचे अमीर शेख मेशाल अल-अहमद अल-जाबेर अल-सबाह हे देखील या सोहळ्याला उपस्थित होते.
शेख मेशाल अल-अहमद अल-जाबेर अल-सबाह यांच्या निमंत्रणावरून पंतप्रधान मोदी दोन दिवसांच्या कुवेत दौऱ्यावर पोहोचले आहेत. 43 वर्षांतील भारतीय पंतप्रधानांची ही पहिलीच कुवेत भेट आहे.पंतप्रधान नरेंद्र मोदी यांनी रविवारी कुवेतचे अमीर शेख मेशाल अल-अहमद अल-जाबेर अल-सबाह यांच्याशी भारत-कुवेत संबंधांना विशेषत: व्यापार, गुंतवणूक आणि ऊर्जा क्षेत्रात नवीन चालना देण्यावर लक्ष केंद्रित करून विस्तृत चर्चा केली.
याआधी पंतप्रधान नरेंद्र मोदी यांना भूतानचा सर्वोच्च नागरी पुरस्कार ‘ऑर्डर ऑफ द ड्रुक ग्यालपो’ने सन्मानित करण्यात आले होते. भूतानचा हा सन्मान मिळणारे ते पहिले विदेशी नेते ठरले आहेत. पंतप्रधान नरेंद्र मोदी यांनी शनिवारी कुवेतमधील कामगार शिबिराला भेट दिली. पंतप्रधान मोदींनी कुवेतमधील मिना अब्दुल्ला भागातील गल्फ स्पाइक लेबर कॅम्पला भेट दिली, जिथे सुमारे 1,500 भारतीय नागरिक काम करतात. यावेळी पंतप्रधान मोदींनी त्यांच्याशी संवाद साधला.
तत्पूर्वी २१ डिसेंबर रोजी पंतप्रधान नरेंद्र मोदी शनिवारी दुपारी कुवेत शहरातील हॉटेलमध्ये पोहोचले तेव्हा भारतीय नागरिकांनी त्यांचं भव्य स्वागत केलं. कुवेतचे अमीर शेख मेशल अल-अहमद अल-जाबेर अल-सबाह यांच्या निमंत्रणावरून पंतप्रधान मोदी त्यांच्या ऐतिहासिक दोन दिवसीय दौऱ्यावर कुवेतला गेले आहे.पंतप्रधान नरेंद्र मोदी शनिवारी दुपारी कुवेतला पोहोचले. ४३ वर्षांत या आखाती देशाला भेट देणारे ते पहिले भारतीय पंतप्रधान ठरले.आपल्या भेटीमुळे भारत आणि कुवेतमधील विशेष संबंध आणि मैत्रीचे बंध अधिक दृढ होतील, असा विश्वासही पंतप्रधान मोदींनी व्यक्त केला.
