शुक्रवार, 21 ऑगस्ट 2026
राहुल गांधींच्या आंदोलनाला यश! पेलेट गन प्रकरणात FIR दाखल करण्यास दिल्ली पोलिसांची तयारी
दिल्लीतील विद्यार्थी आंदोलनादरम्यान पेलेट गनच्या वापराचा आरोप झालेल्या प्रकरणावरून काँग्रेस नेते आणि लोकसभेतील विरोधी पक्षनेते राहुल गांधी यांनी शुक्रवारी आक्रमक भूमिका घेतली. आंदोलनादरम्यान पॅलेट गनमुळे जखमी झालेला विद्यार्थी साहिल लोचव याच्यासोबत राहुल गांधी यांनी पार्लमेंट स्ट्रीट पोलीस ठाण्याबाहेर धरणे आंदोलन केले. त्यांच्या प्रमुख मागणीमध्ये या प्रकरणात FIR दाखल करून दोषींवर कारवाई करणे याचा समावेश होता.
20 जुलै रोजी जंतर मंतरहून संसदेकडे काढण्यात आलेल्या विद्यार्थी मोर्चादरम्यान पोलिसांकडून पेलेट गनचा वापर झाल्याचा आरोप करण्यात आला होता. या घटनेत साहिल लोचवसह काही विद्यार्थी जखमी झाले. साहिलच्या कुटुंबीयांनी त्याच्या डोळ्याला गंभीर दुखापत झाल्याचे सांगितले होते. मात्र, दिल्ली पोलिसांनी सुरुवातीला आंदोलकांवर पेलेट गनचा वापर केल्याचा आरोप नाकारला होता.
या पार्श्वभूमीवर राहुल गांधी यांनी जखमी विद्यार्थ्यासोबत पोलीस ठाण्यात जाऊन तक्रार दाखल करण्याची मागणी केली. पोलिसांकडून तत्काळ FIR दाखल न झाल्याने त्यांनी पोलीस ठाण्याबाहेरच धरणे सुरू केले. या आंदोलनादरम्यान राहुल गांधी यांनी पोलिसांच्या भूमिकेवर प्रश्न उपस्थित करत दोषींवर कठोर कारवाईची मागणी केली.
धक्का असा की Jharkhand सरकारला पचणारच नाही! JPSC परीक्षा रद्द करण्याच्या निर्णयाला हायकोर्टाची थेट…
राहुल गांधी यांच्या धरण्यानंतर अखेर दिल्ली पोलिसांनी तक्रारीवर FIR दाखल करण्याची तयारी दर्शवली. उपलब्ध वृत्तांनुसार, साहिल लोचवच्या पेलेट गन दुखापतीच्या तक्रारीवर FIR नोंदवण्यात आल्याचेही समोर आले आहे.
दरम्यान, या प्रकरणाची चौकशी आधीपासूनच सुरू होती. पेलेट गन किंवा अन्य गर्दी नियंत्रणाच्या साधनांचा वापर झाला का, यासंदर्भात दिल्ली पोलिसांनी CRPFकडून माहिती मागवली होती. त्यामुळे विद्यार्थी आंदोलनातील कथित पोलिसी कारवाईचा मुद्दा आता आणखी गंभीर बनला आहे.
राहुल गांधींच्या या आंदोलनामुळे विद्यार्थी आंदोलनातील कथित पेलेट गन वापराचा मुद्दा पुन्हा राष्ट्रीय पातळीवर चर्चेत आला आहे. आता FIRनंतर तपास कोणत्या दिशेने जातो आणि या प्रकरणात दोषींवर काय कारवाई होते, याकडे सर्वांचे लक्ष लागले आहे.
