दिल्लीतील रामलीला मैदानावर काँग्रेससह इंडिया आघाडीकडून आज काढली जाणार रॅली; गर्दी जमणे झाले सुरु

राहुल गांधी यांनी रॅलीचा मार्ग शेअर करतानाच 'उद्या भेटूया, सोबत चालूया ! कॅनॉट प्लेस, मिंटो रोड जंक्शन, अजमेरी गेट आणि रामलीला मैदान,' असे आवाहन केले. दिल्ली पोलिसांच्या माहितीनुसार, सुरक्षेच्या दृष्टीने रामलीला मैदानाचे १४ विभागांत विभाजन करण्यात आले आहे.

• दिल्लीतील रामलीला मैदानावर आज काँग्रेस आणि इंडिया आघाडीकडून रॅलीचे आयोजन करण्यात येणार आहे.
•  

  मुख्य निवडणूक आयुक्त ज्ञानेश कुमार यांच्या विरोधात ही रॅली काढण्यात येणार आहे.
•  

  या रॅलीमध्ये काँग्रेससह इंडिया आघाडीतील घटक पक्ष सहभागी होणार आहेत.

नवी दिल्ली : काँग्रेस आणि इंडिया आघाडीकडून आज दिल्लीतील रामलीला मैदानावर मुख्य निवडणूक आयुक्त ज्ञानेश कुमार यांच्याविरोधात रॅली काढणार आहे. काँग्रेस नेते राहुल गांधी यांनी शनिवारी या रॅलीचा मार्ग सोशल मीडियावर शेअर केला. तसेच सर्वांना रॅलीत सहभागी होण्याचे आवाहन केले.

राहुल गांधी यांनी रॅलीचा मार्ग शेअर करतानाच ‘उद्या भेटूया, सोबत चालूया ! कॅनॉट प्लेस, मिंटो रोड जंक्शन, अजमेरी गेट आणि रामलीला मैदान,’ असे आवाहन केले. दिल्ली पोलिसांच्या माहितीनुसार, सुरक्षेच्या दृष्टीने रामलीला मैदानाचे १४ विभागांत विभाजन करण्यात आले आहे. सुरक्षा आणि गर्दीच्या व्यवस्थापनासाठी सुमारे चार हजार पोलिस कर्मचारी तैनात करण्याचे नियोजन आहे. प्रमुख चौकांवर अतिरिक्त १५० वाहतूक पोलिस तैनात राहतील. रविवारी सकाळी १० ते सायंकाळी ५ या वेळेत होणाऱ्या रॅलीच्या सुरक्षेवर वरिष्ठ अधिकारी लक्ष ठेवणार आहेत.

दरम्यान, काँग्रेस अध्यक्ष मल्लिकार्जुन खर्गे यांच्या निवासस्थानी राजकीय घडामोडी घडल्या. इंडिया आघाडीच्या नेत्यांनी मुख्य निवडणूक आयुक्त ज्ञानेश कुमार यांच्या विरोधात अनोख्या राजकीय कार्यक्रमाचे आयोजन केले. विरोधकांनी याला ‘जनतेच्या न्यायालयात महाभियोग’ असे म्हटले.

20 समित्यांकडे जबाबदारी

रॅलीच्या आयोजनाची जबाबदारी प्रदेश काँग्रेसने २० स्वतंत्र समित्यांकडे सोपवली आहे. रॅलीदरम्यान गर्दीचे नियोजन आणि नियंत्रणासाठी पोलिसांना मदत करण्याकरिता काँग्रेस सेवा दलाचे कार्यकर्तेही तैनात केले जाणार आहेत.

महाराष्ट्रातून ५ हजार कार्यकर्ते सहभागी होणार

दिल्लीतील रामलीला मैदानावर होणाऱ्या महारॅलीत सहभागी होण्यासाठी महाराष्ट्रातून पाच हजार लोक दिल्लीला पोहोचले आहेत, अशी माहिती काँग्रेसचे प्रदेशाध्यक्ष हर्षवर्धन सपकाळ यांनी दिली.

२. FAQ (Frequently Asked Questions)

१. काँग्रेस आणि इंडिया आघाडीकडून रॅली कुठे काढण्यात येणार आहे?

दिल्लीतील रामलीला मैदानावर रॅली काढण्यात येणार आहे.

२. ही रॅली कोण आयोजित करत आहे?

काँग्रेस आणि इंडिया आघाडीकडून या रॅलीचे आयोजन करण्यात आले आहे.

३. रॅली कोणाच्या विरोधात काढण्यात येणार आहे?

मुख्य निवडणूक आयुक्त ज्ञानेश कुमार यांच्या विरोधात ही रॅली काढण्यात येणार आहे.