डेरा सच्चा सौदा प्रमुख राम रहीम बलात्कार प्रकरणी दोषी ठरल्यानतंर पुन्हा एकदा तुरुंगातून बाहेर येणार आहे. यावेळी त्याला 21 दिवसांचा पॅरोल मिळाला आहे.
बलात्कार प्रकरणी गेल्या अनेक दिवसापासून हरियाणाच्या रोहतक तुरुंगवास भोगत असलेले डेरा सच्चा सौदाचा प्रमुख राम रहीम (Ram Rahimla gets parole ) आता पुन्हा एकदा तुरुंगातून बाहेर येणार आहे. दोषी ठरल्यानंतर राम रहीमची पाचव्यांदा तुरुंगातून सुटका होणार आहे.राम रहीमला २१ दिवसांचा पॅरोल मिळाला आहे.राम रहीम उत्तर प्रदेशातील बागपत येथील बर्नवा आश्रमात २१ दिवस राहणार आहे. पॅरोल मिळाल्यानंतर त्यांच्या अनुयायांमध्ये आनंदाची लाट उसळली असून आश्रमात त्यांच्या आगमनाची तयारीही सुरू झाली होती.
मात्र, राम रहीमच्या तुरुंगातून बाहेर येणामुळे नव्या चर्चांना पेव फुटले आहे. या प्रकाराला पुढील वर्षी हरियाणामध्ये होणाऱ्या विधानसभा निवडणुकीशीही जोडले जात आहे. डेरा सच्चा सौदा आश्रमाचे प्रवक्ते जितेंद्र खुराना यांनी सांगितले की, त्यांना 21 दिवसांची पॅरोल मंजूर झाल्याचीही माहिती माध्यमांकडून मिळाली आहे.
राम रहीम पाचव्यांदा बाहेर येणार
डेरा प्रमुख गुरमीत सिंगला पहिल्यांदा 17 जून 2022 रोजी 30 दिवसांसाठी पॅरोल मिळाला होता. यानंतर ते बर्णवा आश्रमात राहिले. 18 जुलै रोजी पुन्हा सुनारिया तुरुंगात गेला. 88 दिवसांनंतर त्याला 15 ऑक्टोबरला दुसऱ्यांदा पॅरोल मिळाला. 25 नोव्हेंबर रोजी तो पुन्हा सुनारिया तुरुंगात गेला. 21 जानेवारी 2023 रोजी गुरमीत सिंग तिसऱ्यांदा 40 दिवसांच्या पॅरोलवर बर्नावा आश्रमात आला होता. ३ मार्च रोजी पॅरोल संपल्यानंतर तो पुन्हा सुनारिया कारागृहात गेला. चौथ्यांदा डेरा प्रमुख 30 दिवसांच्या पॅरोलवर 20 जुलै रोजी बर्नवा आश्रमात वास्तव्यास होता त्यानंतर तो तुरुंगात गेला.
Loading ...